მნიშვნელოვანი ინფორმაცია
22
მაისიდღის ზოგადი ასტროლოგიური პროგნოზი
ხუთშაბათი, მთვარის ოცდამეხუთე დღე დაიწყება 03:21-ზე, მთვარე ვერძს ესტუმრება 20:21-ზე – ახალ საქმეებს ნუ წამოიწყებთ, მაგრამ დაწყებულები დაასრულეთ. კარგი დღეა ვაჭრობისთვის, სასამართლო საქმეებისთვის. არასასიამოვნო დღეა კონტაქტებისთვის, აკონტროლეთ თქვენი ემოციები. არ იკამათოთ და მოერიდეთ უსიამოვნო საუბრებს. კარგი დღეა მოგზაურობის დასაწყებად, მგზავრობისათვის. სხვა დღისთვის გადადეთ ქორწინება და ნიშნობა. მოერიდეთ ალკოჰოლსა და სიგარეტს. დღის რთული ორგანოა თავი. ამიტომ მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ეკა კვალიაშვილი - "თბილისი საგოიმეთად აქციეს"
23:13 / 05-07-2013
რამდენიმე თვის წინ პროექტ "საქართველოს ვარსკვლავიდან" მაყურებელმა ახალგაზრდა მომღერალი ნუკა გვალია გაიცნო. ნუკა ეკა კვალიაშვილის ქალიშვილია. ჩვენი რუბრიკის სტუმარი სწორედ ეკა კვალიაშვილია.
- ეკა, აქამდე არავინ იცოდა თქვენი ქალიშვილის მუსიკალური მონაცემების შესახებ, რატომ არ გამოგყავდათ ის თუნდაც საკუთარ კონცერტებზე?
- ნუკა ბავშვობიდან მღერის, მაგრამ არ უნდოდა ხალხში გამოჩენა, ამბობდა, პოპულარობა არ მინდაო. ერთხელ ვუთხარი, ჩემს კონცერტზე უნდა გამოგიყვანო-მეთქი და მტკიცე უარი მითხრა. მან ყოველთვის იცოდა, რომ მაგრად მღეროდა. თავისთვის ოთახში იჯდა და მეცადინეობდა. ვიცოდი, რომ ბუნება არ გააჩერებდა და თავად გადაწყვეტდა სცენაზე გასვლას. ერთ მშვენიერ დღეს მითხრა, "საქართველოს ვარსკვლავის" კასტინგზე გავდივარო. ნუკას გადაწყვეტილებას მხარი დავუჭირე. გავიდა კასტინგზე და ფინალშიც მოხვდა.
- "საქართველოს ვარსკვლავის" ჟიური პროექტის დაწყებისას მაყურებელმა მკაცრად გააკრიტიკა, თქვენ პროფესიონალ შემადგენლობად მიიჩნევთ ამ სამეულს?
- ზაზა შენგელიას ბავშვობიდან ვიცნობ, ნამდვილი მელომანია, მის შეფასებებს ყურადღებით ვუსმენ. ნინი ბადურაშვილი კარგი მომღერალია და ამავე დროს ლამაზია, ბუნებით ესთეტი ვარ და მსიამოვნებს, მას რომ ვუყურებ. მიშა მშვილდაძე სულ იცინის, ვენაცვალე, ძალიან მიყვარს. ამბობენ, ეკა ზაზასთან მეგობრობსო. მეგობრობა მე სხვანაირად მესმის, ჩემს მეგობრებთან ყოველდღიური კონტაქტი მაქვს, ბავშვობიდან რომ იცნობ და საქმე რომ გაკავშირებს ადამიანთან, ეს მეგობრობას არ ნიშნავს, ჩემი და ზაზას ნაცნობობას არაფერი აქვს საერთო კონკურსთან. კონკურსი რამდენიმე თვე მიმდინარეობდა, მონაწილეები ხან ცუდად იყვნენ, ხან ემღერებოდათ და ხან არა. სწორედ ამ პერიოდში დაიღუპა მარიკა კვალიაშვილის 28 წლის შვილიშვილი, რომელმაც დიდი ტკივილი მოგვაყენა. სწორედ იმ დღეს ასრულებდა ნუკა მარიკა კვალიაშვილის სიმღერას. მაგრამ, დიდი სტრესის მიუხედავად, კარგად გაართვა თავი. მაქსიმალურად ვცდილობდი, ხელი შემეწყო ყველაფერში და მხოლოდ კონკურსზე ყოფილიყო ორიენტირებული. სიცხიანსაც უმღერია რამდენიმე ტურზე. 38 გრადუსი ჰქონდა ტემპერატურა სტივ უანდერის ტურზე. როცა გამოაცხადა, რა უნდა ემღერა, ლამის გული წამივიდა ნერვიულობისგან, მაგრამ დაამტკიცა, რომ შეუძლია.
- თქვენს შემოქმედებაში არის რამე სიახლე?
- იმდენი ახალი რამ მაქვს გაკეთებული, ნეტა ყველაფერი ერთად მამღერა. ჩემთვის ჯერ ნუკა არის მთავარი: ის დედობისთვის ემზადება, მე - ბებიობისთვის და ეს მაგარი შეგრძნებაა. დღეს ვიყავით მაღაზიაში მე, ნუკა და ჩემი სიძე ნიკუშა. ნუკამ გოგონების სამოსის არჩევა დაიწყო, ნიკუშამ - ბიჭების სათამაშოების... ვუთხარი, ღმერთი რასაც მოგვცემს, ის იქნება-მეთქი. ჯერ პატარას სქესი არ ვიცი, ნუკას აქტიურად დავეხმარები მის აღზრდაში.
- რატომ არ გააგრძელეთ კარიერა რუსეთში?
- ორჯერ ვიყავი წასული მოსკოვში. ზაფხულობით ყველა თავს არიდებს რუსეთის დედაქალაქს და ქალაქგარეთ გადის, მე რატომ უნდა ვიჯდე იქ? ამიტომ წამოვედი საქართველოში.
- მახსოვს, მკაცრად გაგაკრიტიკეს რუსეთში წასვლის გამო...
- მეცინება ამ შეფასებებზე. ვინ უნდა განმსაჯოს? ყველა დამშვიდდეს და დაწყნარდეს, თავისი ცხოვრებით იცხოვროს. 1941 წელს ჩვენი მომღერლები ქართველ მეომრებს კონცერტებს უმართავდნენ ფრონტის წინა ხაზზე. მე რუს ჯარისკაცებს ვუმღერე, ჩვენი ბიჭები გაანადგურეთ-მეთქი, თუ რა? ვინც ფიქრობს, რომ ჩემზე პატრიოტია, გამეჯიბროს საქართველოს სიყვარულში. ისევ ხელოვნება თუ გააერთიანებს ერებს. ეტყობა, პოლიტიკოსები ვერ ახერხებენ ამას, ჩემი სიმღერა 35 წელია უყვარს ხალხს, ტაშს მიკრავს. მენატრება მათთან შეხვედრა. მომღერალი იმისთვის ხარ, რომ შენი დადებითი ემოცია ლამაზად გადასცე დარბაზს და მადლობა უთხრა იმ ხალხს, ვინც ტაშს გიკრავს.
- ალბათ, მძიმედ გადაიტანეთ ის პერიოდი, როცა კონცერტებზე არ გიწვევდნენ და ე.წ. შავ სიაში აღმოჩნდით...
- ვიცოდი, რომ მოთმინება უნდა გამომეჩინა, გავიდოდა ის დრო, როცა ვიბლოკებოდი. მე არ ვიყიდები და ეს დროც მოვიდა. ჩემს ბუნებაში შური და ბოღმა არ ზის, წყენა უცებ გამივლის. ბოღმა, შური, სიბრაზე - ნაოჭებს აჩენს, აბერებს ადამიანს, ამიტომაც თავს ვიკავებ ამ ყველაფრისგან. მე ღია გულით ვცხოვრობ, ჩემი გული ღიაა, პირველ რიგში, ღმერთისთვის და მერე - კეთილი ადამიანებისთვის. მიმიტევებია იმ ადამიანებისთვის, ვინც ცუდი გამიკეთა. ღმერთის ეშინოდეთ! არ მოვყვები, რა გადავიტანე, შურიან ხალხს კი არ გავახარებ! იმდენად ამაზრზენი გახადეს და საგოიმეთად აქციეს თბილისი, რომ მათ კონცერტზე არ გავიდოდი, მუხლის ჩოქით რომ დამდგარიყვნენ. ქვეყანა რეანიმაციის სტადიაშია, ადამიანებს ერთმანეთი უნდა უყვარდეთ. "საქართველოს ვარსკვლავზე" ისეთ ბოღმიან კომენტარებს წერენ, ვგიჟდები. ადამიანების ცნობიერება და აზროვნების დონე ძალიან დაცემულია. რატომ უნდა ლანძღო სხვა? ეტყობა, ოჯახში უყურებენ ეს ბავშვები ზიზღს!
თამარ ბოჭორიშვილი
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
