მნიშვნელოვანი ინფორმაცია
14
ივნისიდღის ზოგადი ასტროლოგიური პროგნოზი
შაბათი, მთვარის მეთვრამეტე დღე, მერწყულს ესტუმრება 14:57-ზე – იმუშავეთ მშვიდად და საფუძვლიანად. მოაგვარეთ მარტივი ფინანსური საკითხები. გადადეთ მნიშვნელოვანი საქმეები. იყავით ყურადღებიანი იმის მიმართ, რაც ხდება და მოუსმინეთ რას გეუბნებათ ხალხი. იყავით ფხიზლად და მოერიდეთ კონფლიქტს. გამოიჩინეთ მოქნილობა და ორიგინალურობა ადამიანებთან ურთიერთობისას. სამსახურში გამოავლინეთ თქვენი საუკეთესო მხარე. ხორცზე უარის თქმა ჯობია. გამოიყენეთ მცენარეული ზეთი. ალკოჰოლური სასმელები უნდა გამოირიცხოს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
მზრუნველობამოკლებულებს სამხედრო სამსახურს შესთავაზებენ
23:49 / 05-07-2013
მიუხედავად იმისა, რომ დაზღვევის ახალი პროგრამა გაფართოვდა და გარდა გადაუდებელი ოპერაციებისა, სახელმწიფო ახლა უკვე გეგმურ ოპერაციებსა და გამოკვლევებსაც აფინანსებს, ამ კუთხით პრობლემები კვლავ რჩება, რასაც, დიდი ალბათობით, სადაზღვევო კომპანიების პაციენტებთან ურთიერთობის პრობლემა ისევ დაერთვება. ამ და სხვა პრობლემებზე "ყველა სიახლე"შრომის, ჯანმრთელობისა და სოციალური დაცვის სამინისტროს სოციალური მომსახურების სააგენტოს დირექტორ ნოე ქინქლაძეს ესაუბრა.
- 1-ლი ივლისიდან საყოველთაო ჯანდაცვის პროგრამა გაფართოვდა და მეორე ეტაპი დაიწყო. ფართოვდება ურგენტული შემთხვევების დაფინანსების სპექტრი. პროგრამა ითვალისწინებს ამბულატორიაში ოჯახის ექიმის მომსახურების, ინსტრუმენტული და ლაბორატორიული კვლევების დაფინანსებას. ასევე დაფინანსდება გეგმური ოპერაციების ფართო სპექტრი. გეგმური ოპერაციების წლიური ლიმიტი 15 ათასი ლარი იქნება და 70 პროცენტით დაფინანსდება. ორსულთა პატრონაჟი და მშობიარობა, ფიზიოლოგიური მშობიარობის შემთხვევაში, 500 ლარით დაფინანსდება, საკეისრო კვეთა კი - 800 ლარით. ონკოლოგიური პაციენტების მკურნალობაზე წლიურად 12 ათასი ლარია გათვალისწინებული და 80 პროცენტით დაფინანსებას ითვალისწინებს. 18 წლამდე ადამიანებისთვის ონკოლოგიური და კარდიოქირურგიული დაფინანსება 100-პროცენტიანი იქნება.
- მიუხედავად იმისა, რომ სახელმწიფომ ონკოლოგიური დაავადებების დაფინანსება დაიწყო, 12 ათასი ლარი, რაც ამ პროგრამითაა გათვალისწინებული, ხშირ შემთხვევაში საკმარისი არაა. არის შემთხვევები, როცა პაციენტს გადარჩენის შანსი აქვს, მაგრამ ოპერაცია რამდენიმე ათეული ათასი ჯდება და უსახსრობის გამო, ის სიცოცხლის შანსს კარგავს.
- განსაკუთრებული შემთხვევებისთვის არის ცალკე პროგრამები, მაგალითად, ლეიკემიის დროს.
- მაგრამ გადარჩენის შანსები სხვა სახის სიმსივნური დაავადების მქონე ადამიანებსაც აქვთ. მაგალითად, იყო შემთხვევები, როდესაც საქველმოქმედო კონცერტები გაიმართა და რამდენიმე ადამიანს ოპერაციისთვის საჭირო თანხა შეუგროვდა. ისინი გადარჩნენ, მაგრამ რა ქნან იმათ, ვინც საქველმოქმედო კონცერტებით ან სხვა გზით ოპერაციისთვის საჭირო თანხის შეგროვებას ვერ ახერხებს და, ფაქტობრივად, სასიკვდილოდაა განწირული. სახელმწიფო რა ვალდებულებას იღებს ასეთი ადამიანების წინაშე?
- სახელმწიფო ცდილობს, მაქსიმალურად დააფინანსოს ისინი, თუმცა ყველაფერს ვერ გასწვდება.
- ამ დაზღვევის პროგრამის გარდა, არსებობს სხვა რაიმე პროგრამა, რომელიც ინდივიდუალურად განიხილავს სიმსივნით დაავადებული პაციენტების გადარჩენის შანსებს, მათი გათვალისწინებით მაინც რომ დაუფინანსოს ოპერაციები?
- ეს ჯერ შეუძლებელია. ჩვენ გავაკეთეთ ის, რომ 2,5 მილიონ ადამიანს, რომელსაც არაფერი ჰქონდა, მაღალ დონეზე ექნება უფასო სამედიცინო მომსახურება. ეს პროგრამა თითქმის ყველა დაავადებას მოიცავს. იშვიათ დაავადებებზე კი ცალკე პროგრამები გვექნება.
- გარდა დაზღვევისა და სამედიცინო მომსახურებისა, სხვა ბევრი პრობლემა რჩება გადაუჭრელი. მაგალითად, მზრუნველობამოკლებული ბავშვები - სრულწლოვანების შემდეგ ისინი ისევ ქუჩაში ხვდებიან. მთელი ამ წლების მანძილზე სახელმწიფო მათი ბედით არ დაინტერესებულა და ღმერთმა იცის, რა პირობებში უწევთ ცხოვრება და როგორ ახერხებენ თავის გატანას. ამ მიმართულებით თუ მუშაობს ჯანდაცვის სამინისტრო?
- გეთანხმებით, ეს მართლაც სერიოზული პრობლემაა. ამ მიმართულებით პროგრამა ჯერ ჩამოყალიბებული არაა, თუმცა მუშაობა მიდის.
- აღნიშნული პროგრამის შემუშავების პროცესში განიხილება თუ არა სახელმწიფოს მიერ მათთვის ბინების გადაცემა და თავშესაფრით უზრუნველყოფის საკითხი?
- რა ფორმით იქნება, ვერ გეტყვით. მაგალითად, გვინდა, რომ ვაჟებს შევთავაზოთ სამხედრო სამსახური - პროფესიაც ექნებათ და, ამავე დროს, ბინითა და კვებით უზრუნველყოფილნი იქნებიან. ქალებისთვის პროფესიულ სწავლებასა და დასაქმებას უზრუნველვყოფთ.
- პროფესიის მიცემა გასაგებია, მაგრამ თავშესაფრის პოვნა და ბინით უზრუნველყოფა იმ ადამინებსაც კი უჭირთ, რომლებიც ოჯახებში გაიზარდნენ, შესაბამისი განათლებაც მიიღეს და მშობლებმაც გარკვეული ქონება დაუტოვეს. თავშესაფრებში გაზრდილი ახალგაზრდებისთვის კი გაცილებით ძნელია ცხოვრების ნულიდან დაწყება, მით უმეტეს, ბინის შეძენა ან დაქირავება. ამასთან, ვაჟებისგანაც სამხედრო სამსახურისთვის ყველა ვერ გამოდგება, ისეთი სოციალური პირობების მქონე ქვეყანაში კი, როგორიც საქართველოა, სამსახურის შოვნა ადვილი არაა და ეს ადამიანები მაინც ბედის ანაბარა რჩებიან, განსაკუთრებით გოგონები. მაგალითად, წელს, სულ მცირე, 85 ბავშვი დატოვებს საოჯახო ტიპის სახლებს.
- ეს სულაც არაა ადვილი, თუმცა ვფიქრობთ და მიდის მუშაობა. ვნახოთ, რა იქნება გაისად და ბიუჯეტი რის საშუალებას მოგვცემს. ვადასტურებ, რომ ეს დღემდე ძალიან სერიოზული პრობლემაა და გადაჭრას საჭიროებს.
მარი ონეზაშვილი
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ისრაელმა ირანზე მასშტაბური დარტყმები განახორციელა: განადგურებულია ბირთვულ იარაღი, დაიღუპნენ სამხედრო მეთაურები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
