ქუთაისის მერმა დიმიტრი კოპალიანმა ვიცე-მერები ამირან ძოწენიძე და კოტე რატიანი თანამდებობიდან გაათავისუფლა. როგორც "ინტერპრესნიუსის" რეგიონული კორესპონდენტი ქუთაისიდან იუწყება, ვიცე-მერების გათავისუფლება დღეს "ნაციონალური მოძრაობის" ქუთაისის საქალაქო ორგანიზაციაში საპარლამენტო უმცირესობის წევრმა გიორგი თევდორაძემ გააპროტესტა.
მისი თქმით, ქუთაისის მერმა "მორიგი მარგალიტი გამოაცხო" და გაათავისუფლა ვიცე-მერები, რომელთა "დანაშაულიც" მხოლოდ ის არის, რომ ისინი "ნაციონალური მოძრაობის" წევრები არიან.
გიორგი თევდორაძესთან ერთად ბრიფინგზე იმყოფებოდნენ უკვე ყოფილი ვიცე-მერებიც. ისინი მერიასთან სამართლებრივი მეთოდებით დავას აპირებენ.
