მნიშვნელოვანი ინფორმაცია
5
ივნისიდღის ზოგადი ასტროლოგიური პროგნოზი
ხუთშაბათი, მთვარის მეათე დღე დაიწყება 15:45-ზე, მთვარე სასწორშია – რეკომენდებულია საოჯახო ბიზნესის დაწყება. ოჯახთან დაკავშირებული ფინანსური საკითხების მოგვარება. მოლაპარაკებების წარმოება, კონტაქტების დამყარება. გააძლიერეთ კავშირები. გააუმჯობესეთ ოჯახური ურთიერთობები, აღადგინეთ ოჯახური ტრადიციები. კარგია სახლის აშენება ან გარემონტება. დღეს დაწყებული მოგზაურობა აუცილებლად წარმატებით დასრულდება. ზედმეტი არ მიირთვათ. კარგია მცენარეული ჩაის, ნატურალური წვენების დალევა და ბოსტნეულის კერძების ჭამა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
დავით კეზერაშვილი "უსაფუძვლო ბრალდებების ავტორების" წინააღმდეგ სამართლებრივად იბრძოლებს
12:40 / 04-07-2013
თავდაცვის ყოფილი მინისტრი, დავით კეზერაშვილი ყველა "უსაფუძვლო ბრალდების ავტორის" წინააღმდეგ სამართლებრივად იბრძოლებს, - ამის შესახებ ნათქვამია დავით კეზერაშვილის ადვოკატის, შოთა მინდელის მიერ გავრცელებულ განცხადებაში.
როგორც ადვოკატის განცხადებაშია აღნიშნული, ბოლო პერიოდში განსაკუთრებით გახშირდა უსაფუძვლო, დაუდასტურებელი და გადაუმოწმებელი ინფორმაციის გავრცელება დავით კეზერაშვილის სახელთან დაკავშირებით. ადვოკატის თქმით, ცალკეული პირების მხრიდან არის მცდელობები, შექმნან ისეთი საზოგადოებრივი აზრი, რაც კეზერაშვილის პიროვნებას უკიდურესად უარყოფითად წარმოაჩენს.
"მე, დავით კეზერაშვილის ადვოკატი, გაცნობებთ, რომ შეტანილია სარჩელი თამაზ ნიჟარაძისა და მისი ადვოკატის, შალვა ხაჭაპურიძის წინააღმდეგ, ბატონ დავით კეზერაშვილის პიროვნების პატივის, ღირსებისა და საქმიანი რეპუტაციის შელახვისათვის, რომელიც სასამართლოს მიერ უკვე მიღებულია წარმოებაში. ამ პირების მიერ წამოყენებული ყველა ბრალდება არის აბსურდული, უსაფუძვლო და არანაირი კავშირი არ აქვს რეალობასთან. ის განცხადებები, რომლის თანახმადაც თითქოს დავით კეზერაშვილი თამაზ ნიჟარაძის ოჯახს და განსაკუთრებით მის შვილს, ფიზიკური განადგურებით ემუქრებოდა, არის ყოველგვარ ზღვარს გადასული და უკიდურესად შეურაცხმყოფელი. მანქანის დაწვის ფაქტთან დავით კეზერაშვილის მყისიერი დაკავშირება, ემსახურება მისი პიროვნების დისკრედიტაციას და არა მომხდარის შესახებ ჭეშმარიტების დადგენას. დავით კეზერაშვილის სახელის ასოცირება შვილის სიცოცხლის ხელყოფასთან, წარმოადგენს უსაფუძვლო, მაგრამ უმძიმეს ბრალდებას, რაც არ შეიძლება რეაგირების გარეშე დარჩეს და ეპატიოს მის ავტორებს. ამ ფონზე და ასეთი საზარელი ბრალდების შემდეგ, რა თქმა უნდა არ ვაპირებთ ჩუმად ყოფნას და სასამართლოს გზით ვიბრძოლებთ თამაზ ნიჟარაძისა და მისნაირი სხვა უსაფუძვლო ბრალდებების ავტორების წინააღმდეგ, ხოლო ზიანის ანაზღაურებით მიღებული შემოსავალი სრულად მოხმარდება საქველმოქმედო პროექტებს, მათ შორის ბავშვებზე ზრუნვას",-ნათქვამია კეზერაშვილის ადვოკატის, შოთა მინდელის განცხადებაში.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ქართულ კომერციულ ბანკებში დაახლოებით 2 მილიარდი რუსული რუბლი ინახება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
