პირს ბროსნანი გერის გარდაცვალებიდან რამდენიმე დღეში გადაღებებს დაუბრუნდა

გასულ კვირას მსახიობ პირს ბროსნანს გერი, შარლოტა გარდაეცვალა. 41 წლის შარლოტა საკვერცხეების კიბოთი დაიღუპა. ტრაგედიიდან რამდენიმე დღის შემდეგ პირს ბროსნანი გადაღებებს დაუბრუნდა.

როგორც ჩანს, ტრაგედიით გამოწვეულ სევდას პირსი მუშაობით ებრძვის. გარდა ამისა, ვარსკვლავს არ შეეძლო დიდი ხნით შეეფერხებინა მაღალბიუჯეტიანი ფილმის გადაღებები.

მსახიობი ფილმ "ნოემბრის კაცში" მონაწილეობს. გადაღებები სერბეთში მიმდინარეობს. 60 წლის პირსი აშშ-ის ცენტრალური სადაზვერვო სააგენტოს ყოფილ თანამშრომელს ასახიერებს. ფილმი ეკრანებზე 2014 წელს გამოვა.

მომზადებულია dailymail.co.uk-ის მიხედვით.