გიგი უგულავა - "კოკი იონათამიშვილის საქციელი მორალთან მწყრალად არის"

კოკი იონათამიშვილის საქციელი მორალთან მწყრალად არის, -ასე შეაფასა დედაქალაქის მერმა, გიგი უგულავამ კოკი იონათამიშვილის მიერ "ნაციონალური მოძრაობის" დატოვება.

როგორც უგულავამ განაცხადა, რამდენიმე დღის წინ მას ჰქონდა იონათამიშვილთან საუბარი.

"რამდენიმე დღის წინ მე მასთან მქონდა საუბარი. ვთვლი, რომ მან, მისთვის შეიძლება პერსონალურად სასარგებლო გადაწყვეტილება მიიღო და აქედან სარგებელი ნახოს. ასევე ვთვლი, რომ ასეთ ვითარებაში ეს საქციელი, თუნდაც მეგობრული, თუნდაც კოლეგიალური კუთხით, არასწორი და რბილად რომ ვთქვა, მორალთან მწყრალია",-განაცხადა გიგი უგულავამ.

თბილისის საკრებულოს ფრაქცია "ნაციონალური მოძრაობის" თავმჯდომარემ, კოკი იონათამიშვილმა პარტიის დატოვების შესახებ ვრცელი განცხადება დღეს საკუთარ facebook-ის გვერდზე გამოაქვეყნა.

"ინტერპრესნიუსი"