18 წლამდე პირებისთვის ონკოლოგია და კარდიოქირურგია 100 პროცენტით დაფინანსდება
საქართველოს მასშტაბით სოციალური მომსახურების სააგენტოს საყოველთაო ჯანდაცვის პროგრამის სერვისცენტრები გაიხსნა. როგორც ჟურნალისტებთან საუბრისას სოციალური მომსახურების სააგენტოს დირექტორმა ნოე ქინქლაძემ აღნიშნა, სერვისცენტრები გახსნილი არის საქართველოს ყველა რეგიონში. თბილისში კი სერვიცენტრი განთავსდა "ექსპო ჯორჯიას" მეექვსე პავილიონში, რომელიც იმუშავებს ყოველდღე შაბათ-კვირის გარდა, 09:30 საათიდან 18 საათამდე.
"სერვისცენტრში შესაძლებელია მოვიდეს ნებისმიერი ადამიანი, წარმოადგინოს ფორმა 100, ასევე კალკულაცია იმ კლინიკიდან, სადაც მას სურს რომ ოპერაცია გაიკეთოს. ჩვენი თანამშრომლები შეისწავლიან დოკუმენტებს და მისცემენ მას საგარანტიო წერილს, რომელიც უზრუნველყოფს მთავრობის დადგენილებით განსაზღვრული პროპორციით დაფინანსებას. ეს არის ძირითადი მოსახლეობისთვის დაახლოებით 70-80%. 18 წლამდე ადამიანებისთვის ონკოლოგიისა და კარდიოქირურგიის დაფინანსება ხდება 100%-ით. მათ შეუძლიათ "ექსპო ჯორჯიაში" მოვიდნენ, წარმოადგინონ დოკუმენტები და მისცემენ შესაბამის საგარანტიო წერილს და მიმართვას", - განმარტა ნოე ქინქლაძემ.
მისივე თქმით, მოცდის პერიოდი მოიცავს მაქსიმუმ 2 თვეს, ხოლო ონლოკოგიურ, ასევე კარდიოქირურგიულ შემთხვევებს მოცდის პერიოდი არ აქვთ, რადგან ისინი გადაუდებლად ითვლება.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
