ჯესიკა სიმპსონს შვილი შეეძინა

მომღერალ ჯესიკა სიმპსონს მეორე შვილი შეეძინა. ვარსკვლავმა ვაჟს აის კნუტი დაარქვა.

ჯესიკას მშობიარობის შესახებ ინფორმაცია მომღერლის ოფიციალურმა წარმომადგენელმა ჟურნალ US Weekly-ს უკვე დაუდასტურა.

"ბავშვი ლოს-ანჯელესში პრესტიჟულ სამშობიაროში დაიბადა. დედა-შვილი თავს კარგად გრძნობს", - განაცხადა ჯესიკას წარმომადგენელმა.

შეგახსენებთ, ვარსკვლავსა და მის საქმროს, ერიკ ჯონსონს 10 თვის შვილი მაქსველი ჰყავთ. წყვილი ასე სწრაფად მეორე ბავშვის გაჩენას არ აპირებდა, თუმცა ჯესიკამ განაცხადა, რომ პირველმა შვილმა ის უბედნიერეს ქალად აქცია, ამიტომ უარს არც მეორეზე იტყვის. დაუგეგმავმა ორსულობამ ჯესიკასა და მისი საქმროს ქორწილიც გადადო, თუმცა ჯესიკას განცხადებით, ის და ერიკი მალე შეუღლდებიან.

მომზადებულია US Weekly-ს მიხედვით.