ბორის ტადიჩი - სომხეთის, აზერბაიჯანის და საქართველოს თანამშრომლობა მნიშვნელოვანია

განვითარების იმ ეტაპზე, რომელზეც სომხეთი, აზერბაიჯანი და საქართველოა, თანამშრომლობა ძალიან მნიშვნელოვანია, - ამის შესახებ ჟურნალისტებს სერბეთის ყოფილმა პრეზიდენტმა ბორის ტადიჩმა განუცხადა.

ტადიჩი, საქართველოს პარლამენტში სამხრეთ კავკასიის პოლიტიკოსთა ფორუმს ესწრება.

"თუ დავსვამთ კითხვას, ჩემი მონაწილეობა უფრო მნიშვნელოვანია ამ ფორუმში, თუ საქართველოს, სომხეთისა და აზერბაიჯანის, რა თქმა უნდა, ამ ქვეყნების. ამ ქვეყნების ახალგაზრდა პოლიტიკოსები მსჯელობენ ისეთ საკითხებზე, როგორც არის ტერიტორიული საკითხების გადაწყვეტა, თანამშრომლობა და ა.შ. განვითარების იმ ეტაპზე, სადაც არიან სომხეთი, აზერბაიჯანი და საქართველო, მათი თანამშრომლობა ძალიან მნიშვნელოვანია", - განაცხადა ტადიჩმა.

ფორუმი ნიდერლანდების საელჩოს მხარდაჭერით იმართება და ხვალ დასრულდება.

"ინტერპრესნიუსი"