მნიშვნელოვანი ინფორმაცია
25
მაისიდღის ზოგადი ასტროლოგიური პროგნოზი
კვირა, მთვარის ოცდამერვე დღე დაიწყება 03:43-ზე, მთვარე კუროშია – დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. კარგი დღეა ბუნებაში სასეირნოდ, მიწაზე სამუშაოდ. რაციონიდან გამორიცხეთ პროდუქტები, რომლებიც სახამებელსა და ნახშირწყლებს შეიცავს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
პრემიერ-მინისტრის პაროდისტის LOVE STORY - "სიყვარული საჯაროდ ამიხსნა"
23:11 / 27-06-2013
ნიკა კაკაბაძე პრემიერ-მინისტრის პაროდიით გახდა პოპულარული. ის იურიდიული ფაკულტეტის სტუდენტია, მაგრამ ჯერ არ იცის, მომავალში საქმიანობას რომელ სფეროში გააგრძელებს - იურისტობასა და იუმორისტობას შორის არჩევნის გაკეთება უჭირს. ნიკას პირად ცხოვრებაში სასიამოვნო სიახლეა: ის შეყვარებულია! მის მიერ დასრულებული წინადადებებიდან შეიტყობთ, რას ნანობს და რას შეცვლიდა, ცხოვრებას თავიდან რომ იწყებდეს; რატომ არ უნდა, ჰქონდეს ბევრი ფული. ნიკა რჩეულ გოგონასაც გაგვაცნობს და გულახდილად გვიამბობს, თუ როგორ გამოუტყდა მას სიყვარულში.
- დაბადების თარიღი...
- 1990 წლის 5 ოქტომბერი.
- ბავშვობაში მინდოდა, გამოვსულიყავი...
- ...ჯარისკაცი. არ არის გამორიცხული, ბავშვობის ოცნება მომავალში ავიხდინო. პატარაობიდანვე ვაჟკაცური საქმეების კეთება მიყვარდა.
- ჩემზე ამბობენ...
- ...ძალიან წყნარი და მშვიდიაო. მართლა ასეთი ვარ.
- თვისება, რომელიც ჩემში ყველაზე მეტად მომწონს...
- ...ეს მოთმინების უნარია.
- არ მომწონს...
- ...ჩემი მეტყველება და ვცდილობ, გამოვასწორო. სხვათა შორის, საკუთარ თავზე ბევრს ვმუშაობ.
- წონასწორობიდან ჩემი გამოყვანა შეუძლია...
- ...ტყუილს. ადვილად არ ვფეთქდები, მაგრამ თუ ავფეთქდი, მერე ემოციების კონტროლი მიჭირს.
- დათმობა შემიძლია, თუ...
- ...მეორე მხარე გრძნობს, რომ დამნაშავეა. საერთოდ, დამთმობი ხასიათი მაქვს.
- ცხოვრებას თავიდან რომ ვიწყებდე...
- ...არაფერს შევცვლიდი, იმავენაირად ვიცხოვრებდი.
- დაშვებულ შეცდომებს...
- ...არ ვნანობ. ზოგიერთი დაშვებული შეცდომა უკვე გამოვასწორე. მადლობა ღმერთს, უპატიებელი და მწარედ სანანებელი არაფერი ჩამიდენია.
- მეშინია...
- ...ღმერთის, სხვა - არავისი.
- პოპულარობა...
- ...კარგი რამ არის. ხალხის სიყვარულს ვგრძნობ და ეს ძალიან მსიამოვნებს. პოპულარობას არ შევუცვლივარ, ეს თავში არ ამვარდნია და არც მომავალში ამივარდება!
- პოპულარობის წყალობით....
- ...ზოგჯერ პატრული არ მაჯარიმებს, ხანდახან კი "სითი პარკიც" მინდობს; როცა რამეს ვყიდულობ, ჯერ "გაბერილ" ფასს მეუბნებიან, მერე - მიკლებენ.
- ვნანობ...
- ...რომ თავიდანვე სამხედრო კარიერას არ გავყევი.
- ძალიან ბევრი ფული რომ მქონდეს...
- ...ამაზე ნამდვილად არ ვოცნებობ. ხომ იცით, ზედმეტი არაფერი ვარგა. ადამიანს ცხოვრებაში ყველაფერი საკმარისი უნდა გქონდეს, მაგრამ არა - ძალიან ბევრი.
- რამდენიც უნდა გადამიხადონ...
- ...ჩემს პრინციპებს არ ვუღალატებ და რაც არასწორად მიმაჩნია, იმას არ გავაკეთებ; მე არც მგელი გავხდები და - არც მგელზე მონადირე.
- "რუსთავი 2"-ში რომ არ მოვხვედრილიყავი...
- ...იუმორისტულ სფეროში წარმატებული ვერ გავხდებოდი. ამ ტელევიზიაში მუშაობამ დიდი გამოცდილება შემძინა.
- როცა მომავალზე ვფიქრობ...
- ...ეს იშვიათად ხდება. დღევანდელი დღით ვცხოვრობ.
- იურისტობასა და იუმორისტობას შორის არჩევანის გაკეთება...
- ...ცოტა არ იყოს, მიჭირს. იუმორისტულ სფეროში მუშაობა ძალიან მომწონს, მაგრამ ეს იმას არ ნიშნავს, რომ იურისტობაზე უარს ვიტყვი. უფრო მეტად, სამხედრო განხრით ვაპირებ განვითარებას.
- ცხოვრებას ვილამაზებ...
- ...აი, ამ ადამიანით (ნიკამ შეყვარებულზე, თამუნა ლომსაძეზე მანიშნა. - ავტ.).
- სიყვარული ეს...
- ...ყველაფერია, მთელი ცხოვრებაა...
- როცა შეყვარებული ვარ...
- ...ბედნიერი გახლავართ.
- პირველად შემიყვარდა...
- ...იმ პერიოდში, როცა აბიტურიენტი ვიყავი, მაგრამ ის სიყვარული წარსულში დარჩა.
- თამუნა გავიცანი...
- ...საერთო მეგობართან სტუმრობისას. ახალი წლის დადგომას აღვნიშნავდით. ერთმანეთის მიმართ სიმპათია გაცნობის დღესვე გაგვიჩნდა და დავმეგობრდით, მაგრამ მერე ეს ურთიერთობა უფრო სერიოზულ გრძნობაში გადაიზარდა.
საუბარში თამუნა ჩაგვერთო:
- 3 თვეა, რაც ერთმანეთი გვიყვარს.
- გაგვეცანი...
- ვარ თამუნა ლომსაძე. წარმოშობით ხაშურელი გახლავართ და სამედიცინოზე, II კურსზე ვსწავლობ.
- ნიკამ რით მოგხიბლა?
- ყურადღებიანი და თბილი ადამიანია. მის დადებით პიროვნულ თვისებებზე ლაპარაკი დაუსრულებლად შემიძლია. ნიკა ჩემთვის იდეალური ადამიანია.
- ნიკა, თამუნამ რით მოგხიბლა?
- თავადაც ძალიან თბილი და ყურადღებიანია. ეს ის თვისებებია, რომელსაც ადამიანში ყველაზე მეტად ვაფასებ.
თამუნა:
- როცა ნიკა პირველად ეკრანზე დავინახე, ვერც ვიცანი - მაშინ მხოლოდ ერთხელ მყავდა ნანახი.
- ნიკას გამოსვლებს უყურებ?
- ყოველთვის და ჩაწერებზეც ხშირად დავყვები. ძალიან მომწონს...
ნიკა:
- (აწყვეტინებს) კრიტიკოსიც არის.
თამუნა:
- რამდენჯერმე საქმესთან დაკავშირებით შენიშვნა, უფრო სწორად, რჩევა მივეცი და ამას გულისხმობს.
- ნიკას სიურპრიზების მოწყობა ეხერხება?
- კი, რომანტიკული ადამიანია.
- სიყვარული როგორ აგიხსნა?
- ო! იმ დღეს ყველაზე მეტად გამაოცა. ტელეკომპანიის კორპორატიულ საღამოზე მასთან ერთად ვიყავი. სიყვარული საჯაროდ ამიხსნა და ვარდებიც მაჩუქა.
ნიკა:
- ეს სპონტანურად არ მომხდარა, ჩაფიქრებული მქონდა: მიკროფონი ავიღე და ვუთხარი, - მიყვარხარ-მეთქი. ბუნებით რომანტიკოსი ვარ.
თამუნა:
- იმ წვეულებაზე წავედი, როგორც ნიკას მეგობარი, მაშინ არ მიყვარდა, უბრალოდ - მომწონდა.
- შენ რა უთხარი?
- ძალიან დავიბენი. სიყვარულს საჯაროდ თუ ამიხსნიდა, ნამდვილად არ ველოდი და ამიტომაც, მისთვის იქ არაფერი მითქვამს.
ნიკა:
- (აწყვეტინებს) დაიმორცხვა, გაკვირვებული გამომეტყველება ჰქონდა.
თამუნა:
- ვერც მივხვდი, რა უნდა მეთქვა, თან - ირგვლივ ამდენი პოპულარული ადამიანი ტრიალებდა... 10 დღის შემდეგ ვუთხარი: მეც მიყვარხარ-მეთქი.
- ერთმანეთის ოჯახის წევრებს იცნობთ?
- კი. ნიკა ჩემთან, ოჯახში იმყოფებოდა და მეც ვიყავი ხონში ჩასული.
- ამ ზაფხულს რა გეგმები გაქვთ? დასასვენებლად წასვლას ერთად აპირებთ?
ნიკა:
- ჯერ გამოცდები გვაქვს ჩასაბარებელი.
თამუნა:
- მე სტაჟირება უნდა გავიარო. აგვისტომდე ქალაქში ყოფნა მომიწევს.
- დაქორწინებას აპირებთ?
ნიკა:
- ახლო მომავალში არ ვაპირებთ.
- მადლობა ინტერვიუსთვის. ბედნიერებას გისურვებთ!
- მადლობა შენ! მახსოვს, პირველი ინტერვიუ "გზას" მივეცი, ახლა კი პირად ცხოვრებაზეც პირველად შენთან ვილაპარაკე.
თამუნა კვინიკაძე
(გამოდის ხუთშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
