ჟურნალ "ტაბულას" მთავარი რედაქტორი თამარ ჩერგოლეიშვილი "ფეისბუქის" საკუთარ გვერდზე მერიისა და საკრებულოს თანამშრომლების დაკავებას ეხმაურება.
"ეჭვი მაქვს, "ქართული ოცნების" სამართალდამცავებს დღეები აერიათ, ჩათვალეს რომ NATO-ს ელჩები დღეს დილით გაფრინდნენ და დააცხრნენ მერიას და საკრებულოს. მერე ვიღაცამ დაურეკა, აუხსნა, რომ ჯერ კიდევ აქ არიან და გაუშვეს :)) ", - წერს ჩერგოლეიშვილი.
დღეს ფინანსთა სამინისტროს საგამოძიებო სამსახურმა თბილისის მერიისა და საკრებულოს 30-მდე თანამშრომელი დააკავა. საგამოძიებო სამსახურის ინფორმაციით, მერიისა და საკრებულოს თანამშრომელთა დაკავება მერიის ბიუჯეტის კუთვნილი თანხების მითვისება-გაფლანგვის საქმეს უკავშირდება. მოწმის სახით დაიკითხნენ თბილისის მერიის და გამგეობების თანამშრომლები. დაკითხვის შემდეგ ისინი გაათავისუფლეს.
