პრემიები აბაშის გამგეობაში დანიშვნიდან რამდენიმე დღეში აიღეს

თავისუფლების განვითარების ინსტიტუტის ინფორმაციით, 2013 წელს აბაშის მუნიციპალიტეტის გამგეობაში თანამდებობის პირებზე პრემიის სახით ჯამში 61 051 ლარი გაიცა. ხოლო გამგეობის სხვა თანამშრომლებმა 1 იანვრიდან 1 აპრილამდე 98 949 ლარი მიიღეს. აღსანიშნავია, რომ გამგეობის მაღალჩინოსნებმა პრემია მაშინ აიღეს, როცა  მათი თანამდებობებზე ოფიციალურად დანიშვნიდან ერთი თვეც არ იყო გასული.

მიმდინარე წლის მარტში აბაშის გამგებელმა გოჩა ჭანტურიამ პრემია 2 650 ლარის ოდენობით აიღო. გამგებლის მოადგილეებზე, მაია ბესელიაზე, გიორგი სიმონიასა და ზურაბ ლომიაზე ამავე თვეში 1 300 - 1 300 ლარი გაიცა. ამავე რაოდენობის პრემია მიიღეს, იანვარსა და მარტში შრომის, ჯანმრთელობის და სოციალური დაცვის სამსახურის უფროსებმა. გამგეობის სამსახურების ხელმძღვანელ პირებს კი 1 000-1 000 ლარი ერგოთ.

იხილეთ ვრცლად

”გურია ნიუსი”