მნიშვნელოვანი ინფორმაცია
23
მაისიდღის ზოგადი ასტროლოგიური პროგნოზი
პარასკევი, მთვარის ოცდამეექვსე დღე დაიწყება 03:27-ზე, მთვარე ვერძშია – საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. მოერიდეთ ხორციან კერძებს. სასურველია თევზისა და ბოსტნეულის. თავი შეიკავეთ მოწევისა და ალკოჰოლისგან. თავის ტკივილი რომ აირიდოთ, არ გადაიღალოთ გონებრივი სამუშაოთი. მოერიდეთ დიდხანს კითხვასა და ტელევიზორის ყურებას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
დავით უსუფაშვილი - საქართველო მტკიცედ მიემართება ნატო-სკენ
03:27 / 27-06-2013
საქართველოში ჩრდილოატლანტიკური ალიანსის მესამედ შეკრება მკაფიო დემონსტრირებაა, რომ საქართველო მტკიცედ მიემართება ნატო-სკენ, - ამის შესახებ პარლამენტის თავმჯდომარე დავით უსუფაშვილმა ჩრდილოატლანტიკური საბჭოს წევრების ქართველ დეპუტატებთან შეხვედრაზე განაცხადა.
"ეს არის ძალიან მკაფიო დემონტრირება იმისა, რომ საქართველო ძალიან მტკიცე ნაბიჯებით მიემართება და უახლოვდება ჩრდილოატლანტიკურ ალიანსში გაწევრიანებას, რომელიც ქართველი ხალხის არჩევანია, რა მიზანსაც ემსახურება დღევანდელი მთავრობა და რა მიზანსაც ემსახურებოდა წინა ხელისუფლება. ქართველი ხალხის არჩევანი არის მშვიდობა, თანამშრომლობა, დემოკრატია - ეს კი ის ღირებულებებია, რომელიც სწორედ ნატო-ს ფუნდამენტური და სახელმძღვანელო პრონციპებია", - განაცხადა უსუფაშვილმა.
ამასთან, პარლამენტის თავმჯდომარის თქმით, საქართველოს ჯერ კიდევ ბევრი აქვს გასაკეთებელი ნატო-ში გაწევრიანების გზაზე.
"ჩვენ ვართ ამაყნი, რომ შეგვიძლია მივიღოთ მონაწილეობა და შევიტანოთ ჩვენი წვლილი დემოკრატიული სამყაროს მცდელობაში, რომ თანამედროვე მსოფლიო იყოს უსაფრთხო, დაცული ტერორიზმისგან, ძალადობისგან და სწორედ ამ მიზნით ჩვენი თანამოქალაქენი და სამხედრო ძალების წარმომადგენლები ყოველდღიურად არ იშურებენ თავიანთ ძალას, ენერგიას და ხშირად სამწუხაროდ, სიცოცხლეს, იმისთვის, რომ ვიყოთ ჩვენი მეგობარი და პარტნიორი სახელმწიფოების გვერდით, მსოფლიოს ყველაზე ცხელ წერტილებში. ამასთანავე, ჩვენ ძალიან კარგად გვესმის, რომ საქართველო უნდა გახდეს გაცილებით უკეთესი, როგორც ჩამოყალიბებული, დემოკრატიული სახელმწიფო, იმისათვის, რომ მივაღწიოთ მიზანს და გავხდეთ სრულფასოვანი წევრი ჩრდილოატლანტიკური ალიანსის და შესრულდეს ის განაცხადი, რაც ჯერ კიდევ 2008 წელს გაკეთდა, რომ საქართველო გახდება ნატო-ს წევრი", - განაცხადა უსუფაშვილმა.
მისი თქმით, ამ მიზნით, ბევრი მიმართულებით ვითარება ჯერ კიდევ გასაუმჯობესებელია.
"ბევრი მიმართულებით ჩვენ უნდა გავაუმჯობესოთ ბევრი რამ ქვეყანაში, - დემოკრატიული ინსტიტუტების განვითარების თვალსაზრისით, სიღარიბე უნდა დავძლიოთ, ყველა მოქალაქემ, მიუხედავად მისი კუთვნილებისა, თავი უნდა იგრძნოს დაცულ და სრულფასოვან მოქალაქედ. ამისთვის ჯერ კიდევ ბევრია გასაკეთებელი. საქართველოს პარლამენტი მზად არის, თავისი წვლილი შეიტანოს ამ უმნიშვნელოვანეს საქმეში", - განაცხადა უსუფაშვილმა.
საქართველოს პარლამენტის თავმჯდომარის თქმით, რეზოლუაცია, რომელიც პარლამენტმა მიიღო, არ არის მხოლოდ შეხედულებებისა და იდეების ერთობლიობა და იგი წარმოადგენს სამოქმედო გეგმას, მომავალი წლების განმავლობაში.
"გაცხადებულ მიზნებს ჩვენ აუცილებლად შევასრულებთ. ამასთანავე, რა თქმა უნდა, პირველ რიგში საქართველოს მოსახლეობა და ჩვენ, პარლამენტის წევრები და პოლიტიკოსები ველით იმასაც, რომ ნატო-ს წევრი სახელმწიფოების მხრიდან იქნება გარკვეული შემხვედრი ნაბიჯები, მომავალი წლის განმავლობაში შევძლებთ იმის დემონსტრირებას, რომ ინტერგაციის პროცესი გარღმავდა და წინ წავიწიეთ ამ მიმართულებით. კიდევ გვესტუმრებით და გვეტყვით რა გაკეთდა ჩვენს ქვეყანაში", - მიმართა უსუფაშვილმა ნატო-ს გენერალურ მდივანს.
დავით უსუფაშვილმა ასევე აღნიშნა, რომ ნატო-ს გენერალურ მდივანს პარლამენტის შენობაში ვერ მასპინძლობს, მიუხედავად იმისა, რომ საკანონმდებლო ორგანოს ორი შენობა აქვს.
"სამწუხაროდ ვერ გმასპინძლობთ პარლამენტის შენობაში, მიუხედავად იმისა, რომ ორი შენობა გვაქვს. სხვადასხვა მიზეზის გამო იქ თქვენი მოწვევა ამჯერად ვერ მოხერხდა, მაგრამ დარწმუნებული ვარ, რომ კვლავ გვესტუმრებით საქართველოში და მეტს მოგახსენებთ იმის თაობაზე, თუ რა გაკეთდა ქვეყანაში და კიდევ უფრო ახლოს ვიქნებით ნატო-ს სტანდატრებთან , კიდევ უფრო გარღმავებული იქნება ჩვენი თანამშრომლობა", - აღნიშნა საქართველოს პარლამენტის თავმჯდომარემ, დავით უსუფაშვილმა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
