ანდერს ფოგ რასმუსენი - საქართველომ ძალიან დიდი პროგრესი განიცადა

2008 წლის ნატო-ს სამიტზე დასახული მიზნების, მოთხოვნების დასაკმაყოფილებლად საქართველომ ძალიან დიდი პროგრესი განიცადა, - ამის შესახებ ნატო-ს გენერალურმა მდივანმა, ანდერს ფოგ რასმუსენმა ბიძინა ივანიშვილთან ერთად გამართულ პრესკონფერენციაზე განაცხადა.

მისი თქმით, საქართველომ, ფაქტობრივად, აირჩია საკუთარი გზა, იმისკენ, რა გადაწყვეტილებაც მიღებულ იქნა ბუქარესტში 2008 წელს.

"ეს არის ნატო-საქართველოს კომისია, რაც განსაკუთრებული სტრუქტურაა. მხოლოდ საქართველოს და უკრაინას გააჩნია ასეთი ცალკე კომისიები. 2008 წელს ბუქარესტის სამიტის ერთგულებისათვის ნატო-საქართველოს კომისია ჩამოვაყალიბეთ, გადაწყვეტილება იყო მიღებული იმის შესახებ, რომ საქართველო გახდებოდა ნატო-ს წევრი იმ პირობით, თუ საჭირო მოთხოვნებს დააკმაყოფილებდა. ნატო-საქართველოს კომისიის ჩარჩოებში ჩვენ ვთანამშრომლობთ იმ მიზნის მისაღწევად, რომელიც 2008 წელს ნატო-ს სამიტზე დაისახა. ამ მოთხოვნების დასაკმაყოფილებლად საქართველომ ძალიან დიდი პროგრესი განიცადა. დარწმუნებული ვარ, რომ თანამშრომლობით ჩვენ დამატებით წინ წავიწევთ და საბოლოოდ მინდა განვაცხადო, რომ ნატო-ს კარი გახსნილია, ჩვენ ეს განვაცხადეთ რამდენიმე ღონისძიებაზე, კარი რჩება გახსნილი იმ ქვეყნებისთვის, რომლებიც ასრულებენ შესაბამის კრიტერიუმებს", - განაცხადა რასმუსენმა.

"ინტერპრესნიუსი"