ეკა ბესელია კოტე კუბლაშვილს - ბრიუსელში სახალხო პარტიის შეკრებაზე ზაზა მეიშვილს რა უნდოდა?

ადამიანის უფლებათა დაცვის საპარლამენტო კომიტეტის ხელმძღვანელი ეკა ბესელია "ფეიიბუქის" საკუთარ გვერდზე უზენაესი სასამართლოს თავმჯდომარეს, კოტე კუბლაშვილს მიმართავს და მის მოადგილე ზაზა მეიშვილს ეთიკის ნორმების დარღვევაში ადანაშაულებს.

"გუშინ ბრიუსელში სახალხო პარტიის შეკრებაზე, პარტიულ ღონისიებაზე ბოკერია-უგულავა და სხვა პარტიულ პირებთან ერთად უზენაესი სასამართლოს თავმჯდომარის მოადგილეს ზაზა მეიშვილს რა უნდოდა, გაგვცეს პასუხი კოტე კუბლაშვილმა. გეკითხებით, ბატონო კოტე, რას ნიშნავს მოსამართლის პარტიულ ღონისძიებაში მონაწილეობა? არის თუ არა ეს მოსამართლის მიერ ეთიკის ნორმების დარღვევა და არის თუ არა ეს მოსამართლის და პირადად თქვენი ღია დადასტურება, რომ "ნაციონალური მოძრაობის" მიერ მართული პოლიტიკური პროცესების მონაწილე ხართ? ეს არის ძალიან სერიოზული ფაქტი და კოლეგებს ვთხოვ რეაგირებას ამაზე", - წერს ბესელია.