26
მაისიდღის ზოგადი ასტროლოგიური პროგნოზი
22 ივნისს რაბათის ციხის ტერიტორიაზე ქუჩის კალათბურთის (სთრითბოლი) ერთ-ერთი ყველაზე ცნობილი ჩემპიონატის - Red Bull King of the Rock 2013 - საქართველოს ოფიციალური შესარჩევი ეტაპი გაიმართა. ერთდღიანი ღონისძიება მხოლოდ კალათბურთით არ შემოფარგლულა. ადგილზე ჩასულ მონაწილეებს გიდის თანხლებით რაბათის ციხესიმაგრის დათვალიერების საშუალება მიეცათ.
ღონისძიებას სამორი ბალდე და გიორგი ზურაბიშვილი გაუძღვნენ.
კომპანია "რედ ბულის" თასის მოსაპოვებლად ერთმანეთს 64 მონაწილე შეეჯიბრა. ორთაბრძოლა ერთი-ერთზე გაიმართა. მონაწილეთა შორის იყვნენ ერთადერთი ქალბატონი ქეთი მოდებაძე და ტელეწამყვანი დავით ქაცარავა.
შესარჩევი ტური რამდენიმე ეტაპად გაიმართა. მეოთხე და მესამე ადგილი აკაკი ლომოურმა და დათო ბაქრაძემ დაიკავეს.
ფინალში ერთმანეთს მიხეილ ფანჩულიძე და ვახტანგ ქადარია შეხვდნენ. Red Bull King of the Rock 2013-ის საქართველოს შესარჩევი ტურის გამარჯვებული 23 წლის ვახტანგ ქადარია გახდა.(ანგარიშით 8:4)
დღის დასასრულს რაბათის ციხესიმაგრეში არსებულ რესტორანში მონაწილეებისთვის ტრადიციული ვახშამი გაიმართა.
გამარჯვებული სან-ფრანცისკოში ჩემპიონატის მსოფლიო ფინალზე გაეგზავრება და 28 სექტემბერს მსოფლიოს 23 ქვეყნის გამარჯვებულებთან ერთად იბრძოლებს.
ფინალი ცნობილი ამერიკული ციხის - ალკატრასის (Alcatraz) ეზოში ჩატარდება, რომელიც ასევე "კლდის" სახელითაა ცნობილი. წელს უკვე მეოთხედ გამოვლინდება The King of the Rock – "კლდის მეფე", რომელიც რაჟან რონდოსთან პირადი შეხვედრის შესაძლებლობის გარდა, 20 000 აშშ დოლარსაც მიიღებს
ქეთევან პატარქალიშვილი
