ჰილარი კლინტონი საპრეზიდენტო არჩევნებისთვის ემზადება

აშშ-ს ყოფილი სახელმწიფო მდივანი ჰილარი კლინტონი თავის მომხრეებს იმედებს უმყარებს და აცხადებს, რომ მომავალ საპრეზიდენტო არჩევნებში მონაწილეობას მიიღებს. მისი თქმით, ელოდება იმ დროს, როდესაც ამერიკას ქალი უხელმძღვანელებს. ამის შესახებ "ნიუსლენდი" იუწყება.

"ვიდრე ცოცხალი ვარ, ვიმედოვნებ, რომ გვეყოლება პირველი ქალი- პრეზიდენტი", - განაცხადა კლინტონმა ტორონტოში მომხრეებთან შეხვედრისას. მისი კანდიდატურის მხარდაჭერას გეგმავენ თანაპარტიელი "დემოკრატები". გამოცემა "Hill"-თან ინტერვიუში პენსილვანიის შტატის გუბერნატორმა ედ რენდელმა განაცხადა, რომ დემოკრატიული პარტიის პოლიტიკური ინტერესი ჰილარი კლინტონისკენ იქნება ფოკუსირებული.

ამასთან, საზოგადოებრივი კვლევის შედეგების თანახმად, 65 წლის ჰილარი კლინტონმა შეძლო უდიდესი პოპულარობის მოპოვება და დიდი შანსები გააჩნია, მოსახლეობის მნიშვნელოვანი მხარდაჭერა მოიპოვოს.

მომზადებულია Hil-ის მიხედვით.