Red Hot Chili Peppers-ის ლიდერმა სასტუმროს დაცვის თანამშრომელი სცემა
ამერიკული როკ-ჯგუფის Red Hot Chili Peppers-ის ლიდერმა ენტონი კიდისმა ფილადელფიაში სასტუმრო Four Seasons-ის შესასვლელთან იჩხუბა, რადგან დაცვის სამსახურის თანამშრომელმა შენობაში შეშვებაზე უარი უთხრა.
50 წლის ენტონი ელიტურ სასტუმროში მეგობარ გოგანასთან ერთად შედიოდა, როდესაც მოულოდნელად მცველმა შეაჩერა. მამაკაცმა კიდისს და მის თანამგზავრს გზა გადაუღობა, მაგრამ მომღერალმა მცველს ხელი ჰკრა.
მალე მცველი და მუსიკოსი ერთმანეთს შეეჭიდნენ. ენტონიმ მოწინააღმდეგე მიწაზე დაანარცხა.
ინციდენტი პაპარაცების თვალწინ მოხდა. ფოტოგრაფები ცდილობდნენ მცველისთვის შეეტყობინებინათ, რომ მისი მოწინააღმდეგე Red Hot Chili Peppers-ის მუსიკოსი იყო, მაგრამ მათი შეძახილები უპასუხოდ დარჩა.
მოჩხუბრების გაშველება Four Seasons-ის თანამშრომლებმა შეძლეს. როგორც მოგვიანებით გაირკვა, ინციდენტის დროს სასტუმროში არანაკლებ ცნობილი როკ ჯგუფის The Rolling Stones-ის მუსიკოსები იმყოფებოდნენ. როგორც ჩანს, მცველმა ყოველდღიურ სამოსში გამოწყობილი კიდისი ვერ იცნო და იგი ლეგენდარული ბრიტანული ჯგუფის ფანად მიიჩნია.
მას შემდეგ, რაც ინციდენტი აღმოიფხვრა, ენტონიმ მეგობარ გოგონასთან ერთად გზა გააგრძელა. თავად მომღერალს მომხდარის შესახებ კომენტარი არ გაუკეთებია. განაცხადა, რომ მასაც "ძალიან უყვარს The Rolling Stones".
მომზადებულია lifenews.ru-ს მიხედვით.
სალომე ჭაჭუა უცხოეთში მიემგზავრება - რომელი ქვეყნის "ცეკვავენ ვარსკვლავებში" გამოჩნდება მოცეკვავე
"სადაც არ უნდა ყოფილიყო, ყოველთვის სახლში ბრუნდებოდა... თბილისში..." - რას წერს გენიალურ კომპოზიტორზე ხელოვნებათმცოდნე
