კიმ კარდაშიანმა ქალიშვილს ჩრდილო-დასავლეთი დაარქვა

ტაბლოიდებმა სომხური წარმოშობის სკანდალური ტელე-წამყვანისა და რეპერ კენი უესტის ქალიშვილის სახელი შეიტყვეს. ერთდროულად ორი ავტორიტეტული გამოცემის TMZ-სა და People-ის ინფორმაციით, გოგონას მშობლებმა ნორთ უესტი (North West) დაარქვეს, რაც ქართულად თარგმანში "ჩრდილო-დასავლეთს" ნიშნავს.

კიმს და კენის დღემდე ოფიციალურად ბავშვის სახელი არ გამოუცხადებიათ. მაგრამ TMZ-ისა და People-ის ჟურნალისტები ირწმუნებიან, რომ მათ სამდიცინო-ცენტრ Cedars-Sinai-ში, გოგონას დაბადების მოწმობაში ჩაიხედეს. ამჟამად, ვარსკვლავი შვილთან ერთად კლინიკაში იმყოფება.

კიმ კარდაშიანი 32 წლის ასაკში დედა გახდა. წინა კვირას მას გოგონა შეეძინა. კარდაშიანმა ჰოლივუდში, პოპულარულ სამედიცინო ცენტრ Cedars-Sinai-ში იმშობიარა. გავრცელებული ინფორმაციით, ახალშობილი ვადაზე ერთი თვით ადრე გაჩნდა. ექიმები მის დაბადებას ივლისის პირველ ნახევარში ვარაუდობდნენ. ამის მიუხედავად, დედა და ახალშობილი თავს კარგად გრძნობენ.

კენი უესტი და კიმ კარდაშიანი ერთმანეთს წელიწადზე მეტი ხნის განმავლობაში ხვდებოდნენ. ტელევარსკვლავის ფეხძიმობის ამბავი კი ახალი წლის შემდეგ გახმაურდა.

მომზადებულია TMZ-ს მიხედვით.