რუსთავში სალმონელოზით დაავადების შემთხვევები დაფიქსირდა

რუსთავში სალმონელოზით დაავადების შემთხვევები დაფიქსირდა. რუსთავის #4 საჯარო სკოლის VII კლასის მოსწავლეები, მშობლები და პედაგოგები სალმონელოზით ქუთაისში ექსკურსიაზე ყოფნისას დაავადდნენ. როგორც მშობლები აცხადებენ, ექსკურსიაზე ყოფნისას, ხორციანი ბლინები ჰქონდათ წაღებული და სალმონელოზი, სავარაუდოდ, დაავადებული ხორციდან შეხვდათ.

იგივეს აცხადებს რუსთავის ინფექციური საავადმყოფოს მთავარი ინფექციონისტი, ნანა გელაშვილი. გელაშვილის თქმით, ამჟამად პაციენტთა მდგომარეობა სტაბილურია და მათ სიცოცხლეს საფრთხე არ ემუქრება.

რუსთავის ინფექციურ საავადმყოფოში დღეისათვის სალმონელოზით დაავადებული 28 პაციენტია მოთავსებული, აქედან 13 ბავშვია.

"ინტერპრესნიუსი"