ირაკლი კაკაბაძე დავით პაიჭაძესა და ეკა კვესიტაძეს "პოლიტიკურ მეძავებს" უწოდებს

უფლებადამცველი ირაკლი კაკაბაძე საზოგადოებრივი მაუწყებლის ჟურნალისტებს, დავით პაიჭაძესა და ეკა კვესიტაძეს "პოლიტიკურ მეძავებს" უწოდებს.

კვესიტაძის განცხადების კომენტირებისას, რომ ირაკლი კაკაბაძემ შალვა რამიშვილთან ერთად შს მინისტრთან შეხვედრაზე ცირკი მოაწყო, ირაკლი კაკაბაძემ განაცხადა, ამ ჟურნალისტებს არანაირი უფლება არ აქვთ, საზოგადოებას ჭკუა ასწავლონ.

"ჩემი პრინციპული პოზიციაა, რომ დავით პაიჭაძეს, ეკა კვესიტაძეს და მსგავს პოლიტიკურ მეძავებს, რომლებიც პირდაპირ იცავდნენ ნაცისტურ რეჟიმს, არანაირი უფლება არ აქვთ საზოგადოებას ჭკუა ასწავლონ. ქართველი ხალხის 90% ახლა გადავდივართ შეტევაზე ამ დემაგოგების მიმართ და მოვითხოვთ მათი ცივილიზებული ფორმით პასუხისგებას", - აღნიშნა კაკაბაძემ.

რაც შეეხება უშუალოდ ირაკლი ღარიბაშვილთან გამართულ შეხვედრას და მასზე ნაჩვენებ ჩანაწერებს, კაკაბაძე მიიჩნევს, რომ "წინა ხელისუფლების მიერ ჩადენილი დანაშაულების დამალვას გამართლება არ აქვს".

"არანაირი გამართლება არ აქვს ამის დამალვას", - აღნიშნა კაკაბაძემ, რომლის აზრითაც, ძალადობის და ადამიანთა წამების შემსრულებლები, ასე დამკვეთები მკაცრად უნდა დაისაჯონ.

"მხოლოდ ამის შემდეგ ვიქნებით სრულფასოვანი ერი", - აღნიშნა ირაკლი კაკაბაძემ.

"ინტერპრესნიუსი"