მნიშვნელოვანი ინფორმაცია
5
ივნისიდღის ზოგადი ასტროლოგიური პროგნოზი
პარასკევი, მთვარის მეთერთმეტე დღე დაიწყება 17:02-ზე, მთვარე სასწორშია – ერთ-ერთი ყველაზე ენერგიული, წარმატებული და ძლიერი დღეა. ნებისმიერი დავალების შესრულებისას საჭიროა სიფრთხილე და ყურადღება. იმოქმედეთ გადამწყვეტად, ბიზნესში თუ სამსახურში. განხორციელდეთ ის, რაც ჩაფიქრებული გქონდათ. გააფორმეთ კონტრაქტები, დაიკავეთ ახალი პოზიცია. დაასრულეთ რაც დაიწყეთ. დღის საუკეთესო საკვებად ითვლება წვენები და ხილი. გამოიჩინეთ მზრუნველობა და სიყვარული საყვარელი ადამიანის მიმართ, მიართვათ საჩუქარი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რუსკა მაყაშვილი - "მამაკაცმა რომ ჩემი გული მოიგოს სერენადა კი არ უნდა მიმღეროს, ბევრი უნდა მაცინოს"
23:34 / 19-06-2013
ფსიქოს სტუმარია მსახიობი რუსკა მაყაშვილი. ყველასთვის საყვარელი და მხიარული მსახიობი თავის სტილს არ ღალატობს და ჩვენმა ინტერვიუმაც ხალისიან ნოტზე ჩაიარა. ამ ინტერვიუმ კიდევ ერთხელ დამარწმუნა, რომ მასთან არასოდეს მოიწყენ.
- რუსკა, ბოლო დროს იშვიათად ჩანხარ, რით ხარ დაკავებული?
- "ღამის შოუს" ჩაწერები მაქვს. ვერ ვიტყვი, რომ უსაქმოდ ვარ, უბრალოდ, ინტერვიუებისგან ვისვენებდი.
- როგორია შენი ერთი დღე?
- 10 საათზე ვიღვიძებ და, ან რეპეტიციაზე გავრბივარ, ან ჩაწერაზე, ან გადაღებაზე. ხშირად ეს ყველაფერი ერთ დღეს მაქვს მოსასწრები. ვცდილობ, მეგობრების ნახვაც მოვახერხო. შემოდგომიდან ახალ წლამდე ისეთი გრაფიკი მაქვს, ძილსაც კი ვერ ვასწრებ ხოლმე. როცა დრო მაქვს, საოჯახო საქმეებსაც ვაკეთებ - საჭმელების კეთება განსაკუთრებით მიყვარს.
- შენს პირად ცხოვრებაში არაფერია ახალი?
- ამ მხრივ ყველაფერი კარგად არის, ოღონდ გადავწყვიტე ამ თემაზე არ ვისაუბრო.
- ამ თემაზე საუბარი რატომღაც ყველა წარმატებულ ქალს უჭირს...
- სულაც არ მიჭირს. უბრალოდ, წარმატებული ქალების ცხოვრებაში ყოველთვის ერევიან. პირადი იმიტომ ჰქვია, რომ არ არის საჭირო, საზოგადო და სალაპარაკო გახადო. პირადზე საუბარი, ჩემი აზრით, მატრაკვეცობაა და მეტი არაფერი. მირჩევნია, ჩემი სპექტაკლებით და ფილმებით დაინტერესდნენ და არა იმით, ვისზე ვარ შეყვარებული. თუმცა, როცა ხალხის სიყვარულს ვგრძნობ, უბედნიერესი ვარ.
- წარმოიდგინე, ერთ დღეს იღვიძებ და მსახიობის ნიჭი აღარ გაქვს, არც არავის სჭირდები და აინტერესებ...
- მაგის წარმოდგენაც კი არ მინდა. ცუდია, თუ ჩემდამი ინტერესი გაქრება, მაგრამ მთავარია, ჩემმა მეგობრებმა არ დაკარგონ ჩემთან ურთიერთობის ინტერესი. ცოტა შემაშინა ამ კითხვამ, თუ ასე მოხდა, ალბათ მოვკვდები.
- რომ არა მსახიობი, ვინ იქნებოდი?
- არავინ. არასოდეს მიფიქრია სხვა პროფესიაზე.
- რომელია შენი საყვარელი როლი?
- კინოში - პეპი. თეატრში კი მასხარა მარიას როლი "შობის მეთორმეტე ღამიდან".
- წარმოიდგინე, რომ ახალგაზრდა პარლამენტარი ხარ, რა განცხადებას გააკეთებდი პირველად?
- გამეცინა ამის წარმოდგენისას... პირველ რიგში მოვითხოვდი დაეფინანსებინათ ჩემი ჰოლივუდში წასვლა. სიამოვნებით გავუწევდი პარტნიორობას ლეონარდო დიკაპრიოს, ჯეკ ნიკოლსონს, ჯონი დეპს...
- წარმოიდგინე ლეონარდო ჯეკს შენი სიყვარულისთვის დუელში იწვევს.
- (იცინის) არა, დეპი და ლეონარდო ჯობია... ალბათ, ძალიან ამაყს იქვე გული გამისკდებოდა.
- არც თუ ისე კარგი გადასვლაა, მაგრამ წარმოიდგინე, კობა ხაბაზი სერენადას გიმღერის, რას გააკეთებდი?
- ვააააა, გადავიღებდი და "ფეისბუკზე" ავტვირთავდი. ალბათ გულის შეტევა დამემართება სიცილისგან.
- ისე, თუ უმღერიათ შენთვის სერენადა?
- არასოდეს. საერთოდ რომანტიკული არ ვარ. მამაკაცმა რომ ჩემი გული მოიგოს, სერენადა კი არ უნდა მიმღეროს, ბევრი უნდა მაცინოს და ცოტა შეეხედებოდეს. საჩუქრებს და მსგავს რამეებს ნაკლებად ვაქცევ ყურადღებას.
- პრეზიდენტმა რომ ძვირფასი საჩუქარი მოგართვას, რა რეაქცია გექნება.
- ამაზე არასოდეს მიფიქრია, მაგრამ არ ავიღებდი. რატომ? იმიტომ... ისე, პრეზიდენტს გააჩნია, მაგრამ ჯობია უკომენტაროდ დავტოვო და მხოლოდ ასე გიპასუხო - უი, უი!
- რამე ახალი შემოთავაზება თუ გაქვს?
- ამჯერად არა, დასვენებას ვაპირებ. ახლახან დავასრულე გადაღებები ფილმზე "გივი". ეს არის დუტა სხირტლაძის ფილმი, "ფარსი სახელად "გივი", რომელიც ივლისში გამოვა. მე ერთ-ერთ მთავარ როლს ვთამაშობ, სახასიათო და სახალისო როლია. გადაღების პროცესში ძალიან გავერთე.
- ფილმში შენ და გივის რა ურთიერთობა გაქვთ?
- (იცინის) ეს რომ გითხრათ, გავყიდი ფილმის შინაარსს. დაელოდეთ პრემიერას.
ფსიქოლოგის დასკვნა
დავით ანდღულაძე - ფსიქოლოგი: - ხალისიანი, მიზანსწრაფული და ენერგიული პიროვნებაა. საკმაოდ ემოციურია და იუმორის გრძნობა მოჭარბებულად აქვს. უყვარს ყურადღების ცენტრში ყოფნა, რასაც მისი წარმატებული სამსახიობო კარიერა განაპირობებს.
მაკა ქობალია
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ქართულ კომერციულ ბანკებში დაახლოებით 2 მილიარდი რუსული რუბლი ინახება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
