მნიშვნელოვანი ინფორმაცია
28
აპრილიდღის ზოგადი ასტროლოგიური პროგნოზი
ორშაბათი, მთვარის მეორე დღე დაიწყება 05:38-ზე, მთვარე კუროშია
კარგი დღეა ნებისმიერი საქმის დასაწყებად; ფინანსური საკითხების მოსაგვარებლად; ვაჭრობისთვის. არ იკამათოთ, გადადეთ სასამართლო საქმეები. კარგ დღეა შემოქმედებითი და სამეცნიერო საქმეებისთვის. სწავლისთვის და გამოცდების ჩასაბარებლად, საქმიანობის, სამსახურის შესაცვლელად. უფროსთან შეხვედრა სიკეთეს არ მოგიტანთ. თამამად გაემგზავრეთ სამოგზაუროდ, მივლინებაში. სხვა დღისთვის გადადეთ ნიშნობა და ქორწინება. შეამცირეთ ალკოჰოლისა და სასმლის დოზა. მოერიდეთ ოპერაციების ჩატარებას კისერსა და ყელზე. რაციონიდან გამორიცხეთ პროდუქტები, რომლებიც სახამებელსა და ნახშირწყლებს შეიცავს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რამაზ კადიევი: "ჩემს ძმას იზოლატორში გარიგება შესთავაზეს"
23:35 / 19-06-2013
რამდენიმე დღის წინ შსს-მ ტერორისტული აქტის დაგეგმვის ბრალდებით მიკაელ კადიევი და რიზვან ომაროვი დააკავა. ომაროვი და კადიევი დეიდაშვილები არიან, მათი საცხოვრებელი სახლიდან დიდი რაოდენობით ასაფეთქებელი ნივთიერება ამოიღეს. დაკავებულები ბრალს არ აღიარებენ. "ყველა სიახლეს" მიკაელ კადიევის ძმა, რამაზ კადიევი ესაუბრა, რომელიც აცხადებს, რომ მისი ძმა და დეიდაშვილი უდანაშაულოები არიან.
- ჩემი ძმა მიკაელ კადიევი საქართველოში საცხოვრებლად 2010 წელს ჩამოვიდა. მას დაღესტანში საკუთარი ბიზნესი ჰქონდა, მაგრამ მოგეხსენებათ, იქ როგორი დაძაბული მდგომარეობაა. მანამდე ჩვენ ვიყავით საქართველოში, დავრწმუნდით, რომ მიკაელისთვის აქ ყოფნა უსაფრთხო იქნებოდა, ამიტომ მისი ბიზნესი მე გადავიბარე, მას კი საკუთარ ბარათზე ერიცხებოდა შემოსავალი, რომელსაც ჩვეულებრივად ანაღდებდა თბილისში. ის აქ ვაკეში, სპორტულ დარბაზში ჭიდაობაზე დადიოდა. ამ ხნის მანძილზე ორჯერ ჩამოვედი თბილისში მის სანახავად და საეჭვო არაფერი შემინიშნავს. შაბათს თბილისში ჩამოვიდა ჩემი დეიდაშვილი რიზვან ომაროვი, ორი დღე პეტრიაშვილის #42-ში მდებარე სასტუმრო "ვიქტორიაში" ცხოვრობდა, შემდეგ კი ისანში გადავიდა ჩემს ძმასთან. ისინი მორწმუნე ბიჭები არიან, ხუთშაბათს დილით ადგნენ, ლოცვა უნდა წაეკითხათ, რიზვანმა ფანჯრიდან გადაიხედა და ქუჩაში პოლიციელები შენიშნა. მალევე კარზე დაუკაკუნეს, რიზვანი სადარბაზოში გაიყვანეს და იატაკზე დააგდეს, მიკაელს კი ხელები შეუკრეს და სამზარეულოში იატაკზე დააწვინეს. ამბობენ, თითქოს ისინი ტერაქტის მოწყობას გეგმავდნენ და სახლში ინახავდნენ დიდი ოდენობით ასაფეთქებელ მოწყობილობებს, მაგრამ ამის მოწმე არის მხოლოდ ის ოთხი პოლიციელი, რომლებმაც დააკავეს ჩემი ძმა და დეიდაშვილი. ამოღებულ საბრძოლო მასალაზე არ არის კადიევის თითის ანაბეჭდები და ბრალდება შეთითხნილია. ასევე ითქვა, რომ თითქოს მიკაელს აღმოუჩინეს ყალბი პასპორტები, მაგრამ ერთ პასპორტში არ არის მიკაელის ხელმოწერა.
- თუ არ არსებობს ნივთმტკიცება, არ არიან მოწმეები, მათი უკანონოდ დაკავება რა ხელს აძლევდა ქართულ მხარეს?
- ვერაფერს ვუკავშირებ, მე ვიცი, რომ ისინი უდანაშაულოები არიან. როცა ბიჭები დააკავეს, იზოლატორში მიკაელთან შევიდა სამი უცხო პირი, რომლებმაც გარიგება შესთავაზეს - აღიარე ჩადენილი დანაშაული, თითქოს მართლაც ინახავდი დიდი ოდენობით ტყვია-წამალს და დაახლოებით წელიწად-ნახევარში გაგათავისუფლებთ ციხიდან, შენს დეიდაშვილს კი დღესვე გავუშვებთო. მიკაელმა ამაზე უარი განაცხადა, ამის მიუხედავად მას ტერაქტის მცდელობის ბრალდება მოუხსნეს და წაუყენეს იარაღის უკანონო შენახვა. ათასი სისულელე ითქვა, თითქოს მიკაელი ლაფანყურის სპეცოპერაციაში მონაწილეობდა, დაკავებული ჰყავდათ სპეცსამსახურებს და ა.შ მაგრამ თუ ეს ყველაფერი მართალია, აქამდე რატომ არ დაინტერესდნენ საგამოძიებო ორგანოები, ერთხელაც არ მოსულა არავინ.
- გავრცელდა ინფორმაცია, რომ თქვენს ძმას რუსეთში ადამიანის მკვლელობისთვის ბრალი აქვს წაყენებული და მას ინტერპოლი ეძებდა...
- ესეც ტყუილია, შეგიძლიათ თავად ნახოთ, რომ ის არ ყოფილა ინტერპოლის მიერ ძებნილი. როცა რუსეთში ის მკვლელობა მოხდა, რაშიც ჩემს ძმას სდებენ ბრალს, მიკაელი მაშინ დაღესტანში იმყოფებოდა და დაბადების დღეს აღნიშნავდა. თუ ვინმეს რამე შეკითხვა ჰქონდა მასთან, ამ ხნის მანძილზე ხომ უნდა მოსულიყო ჩვენთან და რამე ეკითხა? არავინ მოსულა. სახალხო დამცველმა უჩა ნანუაშვილმა განაცხადა, რომ ჩემს ძმასა და დეიდაშვილს რუსულ მხარეს არ გადასცემს, რადგან ისინი რუს სამართალდამცავებთან უსაფრთხოდ ვერ იქნებიან. კიდეც რომ წავიდეს დაღესტნის იმ ტერიტორიაზეც, რომელსაც რუსეთი აკონტროლებს, იქაც პრობლემები შეექმნება, რადგან ეტყვიან, შენ ქართველმა სამართალდამცავებმა "დაგავერბოვკესო" და არ ვიცი, ამას რა მოჰყვება. ვერ ვხვდები, ვის ინტერესებშია მისი დისკრედიტაცია და ჩვენი ოჯახის თვალთვალი.
- როდიდან გითვალთვალებენ?
- ჩვენზე თვალთვალი ცოტა ხნის წინ დაიწყო. მეც მინდა სიმართლის გაგება. როდესაც თქვეს, რომ თითქოს ჩემი ძმა ლაფანყურის ოპერაციაში მონაწილეობდა, რაც პირველად საქართველოში გავიგონე, უცხო მანქანები დაგვყვებოდნენ. არც ვიცით, ვის ვთხოვო დახმარება.
- პრეზიდენტის მფრინავის, ზაურ ქორთოშიძის ოჯახს საიდან იცნობთ?
- მე არ ვიცნობ თემურს, მიკაელმა სად გაიცნო, არ ვიცი. არასდროს უსაუბრია ჩემთან ამ თემაზე.
- როგორ ეპყრობიან ციხეში მიკაელს?
- მიკაელს სახაზინო ადვოკატი იცავს, მისგან ვიცი, რომ ძალიან კარგ პირობებშია. ყოველდღე კითხულობს ყურანს, არავინ აყენებს შეურაცხყოფას, მაგრამ ის უდანაშაულოა და თუ მიუძღვის დანაშაული - დაუმტკიცონ!
ესაუბრა თამარ ბოჭორიშვილი
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
მსოფლიო ლიდერები, სამეფო ოჯახი და ათასობით ადამიანი ვატიკანში - კადრები რომის პაპის დაკრძალვის ცერემონიიდან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
