პატიმრები ციხეში შეყვანილ მეძავებთან ფიქტიურ ქორწინებას აფორმებენ

გავრცელებული ინფორმაციით, ციხეებში სექსმუშაკები შეჰყავთ, რომლებიც ციხის ზედამხედველებთან ღამეები რჩებიან და მათ 1000 ლარს უხდიან. ამასთან, ეს ქალბატონები შენიღბულნი არიან მონიტორინგის ჯგუფის წევრების ეგიდით. გავრცელებულ ინფორმაციაზე გაზეთმა "ალიამ" კომენტარი სასჯელაღსრულების მინისტრ სოზარ სუბარს სთხოვა.

"ახლა რომ გითხრათ, თემა მოგონილია-მეთქი, არ ვიქნები მართალი. ეს ხდებოდა და დღესაც ხდება. გამონაკლისი ქართული ციხე არ არის, პატიმარი ცდილობს, ხელი მოაწეროს ქალბატონებთან, რომელსაც თქვენ სექსმუშაკად მოიხსენიებთ, ხდება ფიქტიური ქორწინება, რა თქმა უნდა, დარწმუნებული არ ვარ, რომ პატიმრებს ამ საქმეში არაკეთილსინდისიერი თანამშრომლები არ ეხმარებიან, შესაბამისად, მათ ეძლევათ უფლება, კანონით გათვალისწინებული გრძელვადიანი პაემნებისა", - აღნიშნა სოზარ სუბარმა.