მნიშვნელოვანი ინფორმაცია
31
მაისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ნანკა კალატოზიშვილის დედა - "ირაკლი ბავშვს 1 საათით რომ დატოვებს, უკვე ენატრება"
23:11 / 17-06-2013
6 ივნისს მსახიობი ნანკა კალატოზიშვილი დედა გახდა. პატარა დანიელი ქვეყანას 18 საათსა და 30 წუთზე მოევლინა. მისი წონა 4 კილო და 100 გრამია, სიმაღლე - 53 სანტიმეტრი. ბავშვს სახელი მშობლებმა დაბადებამდე შეურჩიეს. ახალბედა დედა ჟურნალისტებთან ურთიერთობისგან თავს იკავებს. ჩვენ ნანკას დედას, თამარ გოჩიტაშვილს დავუკავშირდით.
- ქალბატონო თამარ, პირველ რიგში, შვილიშვილის დაბადებას გილოცავთ! დედა-შვილი თავს როგორ გრძნობს?
- დიდი მადლობა, მოლოცვისთვის. ნანკაც და დანიელიც კარგად არიან. დიდი ბავშვია და სულ შია. ახლაც დედიკოსთან არის და გემრიელად გეახლებათ.
- თქვენმა შვილმა - გიორგიმ "ფეისბუკის" საკუთარ გვერდზე დაწერა, რომ დანიელი 18-საათიანი ლოდინის შემდეგ დაიბადა.
- ნანკა სამშობიაროში ღამის 2 საათზე მივიყვანეთ, მაგრამ ტკივილები დიდხანს გაუგრძელდა. ფიზიოლოგიურად იმშობიარა.
- ამ პროცესს ირაკლიც დაესწრო, არა?
- დიახ, ირაკლი ნანკასთან ერთად იყო.
- ეს ნანკას მოთხოვნა იყო?
- არა, თავად ირაკლიმ ჩათვალა ასე საჭიროდ. საკუთარი შვილის დაბადებას ყველა კაცი უნდა ესწრებოდეს; უნდა ნახონ, ამ დროს ქალი როგორ წვალობს.
- მშობიარობას რაიმე გართულება ხომ არ მოჰყოლია?
- ნანკას 2 დღე მაღალი ტემპერატურა კი ჰქონდა, მაგრამ ახლა ყველაფერი კარგადაა. უბრალოდ დაღლილია, 4 ღამის უძინარია.
- დანიელი ჭირვეული ბავშვია?
- მხოლოდ შიმშილის დროს ჭირვეულობს, მაგრამ როგორც უკვე აღვნიშნე, სულ შია.
- ირაკლიმ მამის ამპლუა როგორ მოირგო?
- 1 საათით რომ დატოვებს, უკვე ენატრება. ნანკაც და ირაკლიც ძალიან ბედნიერები არიან.
- დანიელი რომელს ჰგავს?
- ახლა ორივეს ჰგავს, მაგრამ როცა გაიზრდება, მერე ვნახოთ, როგორი ბიჭი იქნება.
- მადლობა ინტერვიუსთვის. დანიელს ვუსურვებთ, სასახელო ბიჭი გაზრდილიყოს, ნანკას კი დედობას ვულოცავთ.
- მადლობა თქვენ!
თამუნა კვინიკაძე
(გამოდის ხუთშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ბაჩიაშვილი - საქართველოს წარმომადგენლებმა, ივანიშვილის დავალებით, მიმართეს ბანდიტურ გზას და მოტაცებით ჩამომიყვანეს საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
