ისრაელის პრემიერ-მინისტრი მსოფლიოს მოუწოდებს, ირანის მიმართ ყურადღება არ მოადუნონ
ისრაელის პრემიერ-მინისტრი ბენიამენ ნათანიაჰუ მსოფლიო თანამეგობრობას მოუწოდებს, საპრეზიდენტო არჩევნებში ჰასან როუჰანის გამარჯვების მიუხედავად, ირანის მიმართ ზეწოლა არ მოადუნონ. ადგილობრივი მედიის ცნობით, ნათანიაჰუმ აღნიშნა, რომ ბირთვულ სფეროში ირანის პოლიტიკას განაგებს არა ქვეყნის პრეზიდენტი, არამედ სულიერი ლიდერი ალი ჰამენეი. შესაბამისად, ის სთხოვს მსოფლიო თანამეგობრობას, არ მოადუნონ ზეწოლა ირანზე, რომელიც "მოწოდებულია ბირთვული პროგრამის შექმნისკენ".
ამასთან, რუსეთის პრეზიდენტმა, ვლადიმერ პუტინმა უკვე მიულოცა გამარჯვებულ კანდიდატს, ჰასან როუჰანს პრეზიდენტად არჩევა და მისადმი გაგზავნილ მილოცვაში იმედი გამოთქვა, რომ ორ ქვეყანას შორის ურთიერთობების აყვავებას ხელს შეუწყობს. პუტინმა მზადყოფნა გამოთქვა ირანთან რეგიონული უსაფრთხოებისა და საერთაშორისო სტაბილურობის საკითხებში ითანამშრომლოს.
9 წლის გოგონებს ერთი საათით "ათხოვებენ" - ჟურნალისტებმა ერაყში შემზარავი მასალა გადაიღეს
მოსკოვში ხანძარს 4 ბავშვი ემსხვერპლა - "უყურადღებოდ იყვნენ დარჩენილი, რადგან დედა ან მეზობელთან იყო გასული, ან ნასვამს ეძინა"
