მიკაელ კადიევსა და რიზვან ომაროვს აღმკვეთ ღონისძიებად პატიმრობა შეეფარდათ

ტერაქტის მცედელობისთვის დაკავებულ უცხოეთის ორ მოქალაქეს - მიკაელ კადიევსა და რიზვან ომაროვს, რომლებსაც ბრალი ოფიციალურად იარაღისა და ასაფეთქებელი ნივთიერებების მართლსაწინააღმდეგო შეძენა-შენახვისთვის წარედგინათ, საქალაქო საქალაქო სასამრთლოლომ აღმკვეთ ღონისძიებად პატიმრობა შეუფარდა.

მოსამართლე ბადრი შონიამ განმარტა, რომ სასამართლომ აღნიშნული გადაწყვეტილების მიღებისას მხედველობაში მიიღო ის ფაქტი, რომ აღნშნული პირები უცხო ქვეყნის მოქალაქეები არიან, მუდმივი საცხოვრებელი არ გააჩნიათ, აქვთ კაბშირები საზღვარგარეთ, გარდა ამისა, კადიევს ყალბი პასპორტი აღმოაჩნდა.

"სასამართლომ იხელმძღვანელა ასევე იმ გარემოებებიდან გამოდინარე, რომ საუბარია ასაფეთქებელი ნივთიერებების რამდენიმე სახეობასა და ოდენობაზე. ჩასატარებელია მთელი რიგი საგამოძიებო ქმედებები. ამ პირობებში სასამრთლოს მიაჩნია და აქვს ვარაუდი, რომ შესაძლოა, აღნიშნულმა პირებმა არასაპატიმრო აღმკვეთი ღონისძიებიეს პირობებში ხელი შეუშალონ გამოძებას, ამიტომ არ უნდა დაკმაყოფილდეს პროკურატურის შუამდგომლობა იქიდან გამომდინარე, რომ არსებობს მიმალვის საფრთხე და გამძიებისთვის ხელის შეშლის დასაბუთებული ვარაუდი", - აღნიშნა ბადრი შონიამ.

პროცესის დასრულების შემდეგ მედიის წარმომადგენლებთან კომენტარისგან თავს იკავებდნენ ბრალდების მხარის პროკუროირები, თუმცა ერთ-ერთმა მათგანმა, ქრისტინა კოკოჩიამ მედიის წარმომადგენლების შეკითხვას, თუ რატომ შეეცვალათ ბრალი თავდაპირველად ტერაქტის მცდელობისთვის დაკავებულებს, განაცხადა, რომ გამოძიების ამ ეტაპზე არსებობდა მხოლოდ იარაღისა და ასაფეთქებელი ნივთიერებების მართლსაწინააღმდეგოდ შეძენა-შენახვის ბრალდების წარდგენის საფუძველი. პროკურორი არ გამორიცხავს, რომ გამოძიების პერიოდში წარდგენილი იყოს დამატებითი ბრალი, რის საფუძველზეც დაკავებული იყვენენ თავდაპირველად კადიევი და ომაროვი - ტერორისტული აქტის მოწყობის მცდელობა.

სასამრთლოს დღევანდელი გადაწყვეტილების გასაჩივრების შესაძლებლობა დაცვის მხარეს ორი დღის ვადაში შეუძლიათ. დღევანდელ პროცესზე ასევე ჩაინიშნა კადიევისა და ომაროვის საქამეზე წინა სასამრთლო სხდომის თარღი - 31 ივლისი.

"ინტერპრესნიუსი"