მნიშვნელოვანი ინფორმაცია
10
ივნისიდღის ზოგადი ასტროლოგიური პროგნოზი
სამშაბათი, მთვარის მეთხუთმეტე დღე დაიწყება 22:19-ზე, მთვარე მშვილდოსანშია – ენერგიული დღეა. ჯობია ემოციების მოთვინიერება, ვნებების აღკვეთა და თვითდისციპლინის გაძლიერება დაიწყება. მოიქეცით მშვიდად. მნიშვნელოვანი არაფერი გააკეთო. დაიწყეთ მარტივი ამოცანები, რომლებიც არ საჭიროებს ზედმეტ ძალისხმევას. ყურადღება მიაქციეთ საინტერესო იდეებს, შესაძლოა სამომავლოდ გამოგადგეთ. არ არის რეკომენდებული გამოიჩინოთ ამბიცია. გადაიტანოთ პასუხისმგებლობა სხვა ადამიანებზე. ჩაერთოთ ფინანსურ ოპერაციებში. მნიშვნელოვანი მოლაპარაკებების წარმოება. დღეს მოხმარებული პროდუქტები უნდა იყოს მაღალი ხარისხის და ახალი. უმჯობესია უარი თქვათ ძლიერ ჩაის, ყავასა და ალკოჰოლურ სასმელებზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
დავით ზალკალიანი - აშშ-ის სახელმწიფო დეპარტამენტი და თეთრი სახლი კონგრესის განცხადების სულისკვეთებას არ იზიარებენ
08:03 / 15-06-2013
საქართველოს საგარეო უწყებაში იმედოვნებენ, რომ ამერიკის კონგრესის მიერ თავდაცვის სფეროში თანამშრომლობის შესახებ მიღებული კანონის საბოლოო ვერსია საქართველოსთვის სასარგებლო იქნება.
როგორც "ინტერპრესნიუსს" საგარეო საქმეთა მინისტრის მოადგილემ, დავით ზალკანიანმა განუცხადა, ჩანაწერი, რომელიც წარმომადგენლობითი პალატის კანონპროექტის ვერსიაში გაჩნდა, სამწუხაროა, თუმცა ვითარება საგანგაშო არ არის. მინისტრის მოადგილის განცხადებით, კონგრესმენმა ტერნერმა, რომელმაც აღნიშნული ჩანაწერის ინიცირება გააკეთა, პოზიცია ერთ კვირაში შეიცვალა და ეს გადაწყვეტილება დიდი ალბათობით საქართველოდან მიღებული ცალმხრივი ინფორმაციის საფუძველზე მიიღო.
"ერთი კვირის წინ ის მტკიცედ უჭერდა მხარს და ხმაც კი მისცა კანონპროექტის განხილვის დროს საქართველოსთან თანამშრომლობის გაღრმავებას, შემდგომ მან დებულება ჩაანაცვლა უაღრესად მიკერძოებული ანალიზით, რაც შედეგია იმისა, რომ ის სავარაუდოდ დაექვემდებარა საქართველოდან მიღებულ ცალმხრივ ინფორმაციას. ეს ზემოქმედება კი განხორციელდა იმ ძალების მიერ, რომლებიც ხელმძღვანელობდნენ კერძო ინტერესებით და უგულვებელყოფდნენ საქართველოს თავდაცვისუნარიანობის განმტკიცებას", - აცხადებს დავით ზალკალიანი.
მისივე თქმით, ვიდრე კანონპროექტი ძალას შეიძენს, წინ გრძელი პროცესია. წარმომადგენლობის პალატის პარალელურად, მიმდინარეობს სენატის ვერსიის შემუშავება, სამხედრო კომიტეტის სხდომაზე უკვე იყო მისი განხილვა და იქ არანაირი მსგავსი ჩანაწერი არ ფიგურირებს. გარდა ამისა, უშუალოდ წარმომადგენლობის პალატის ვერსიასაც არ ქონდა ერთგვაროვანი მიდგომა და ათზე მეტმა დეპუტატმა მას მხარი არ დაუჭირა.
"ვფიქრობ, კონფერენციაზე, სადაც უნდა შეჯერდეს სენატისა და წარმომადგენლობის პალატის ვერსიები, საქართველოსთვის სასურველი ფორმულირება შემუშავდება საბოლოო ვერსიისთვის", - აცხადებს მინისტრის მოადგილე.
ამასთან, დავით ზალკალიანი ხაზს უსვამს იმ გარემოებას, რომ ამერიკის სახელმწიფო დეპარტამენტი და თეთრი სახლი აღნიშნული ჩანაწერის სულისკვეთებას არ იზიარებენ, რაც დამატებითი ფაქტორია, რომ საბოლოო დოკუმენტი საქართველოს ინტერესების შესაბამისი იქნება.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უკონტროლო ვითარება ლოს-ანჯელესის ქუჩებში - პოლიციასა და მომიტინგეებს შორის შეტაკებები გრძელდება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
