მნიშვნელოვანი ინფორმაცია
14
ივლისიდღის ზოგადი ასტროლოგიური პროგნოზი
ორშაბათი, მთვარის მეოცე დღე დაიწყება 23:39-ზე, მთვარე თევზებში იქნება 03-44-დან –რეკომენდებულია კოლექტიური მუშაობა, ერთობლივი პრობლემების გადაჭრა. ფინანსური საკითხების მოგვარება. მშენებლობის დაწყება. ძველი კავშირების გაძლიერება. მოერიდეთ ეგოიზმს და საკუთარი შესაძლებლობების გადაჭარბებულ შეფასებას. გამოავლინეთ ლიდერის თვისებები. არ არის რეკომენდებული შურისა და ბოროტების გამოვლენა. აქტიურია ზურგის ზედა ნაწილი. გაუფრთხილდით ხერხემალს. მთვარის ამ დღეს შექმნილი ოჯახები იშვიათად იშლება ეჭვიანობის, ღალატის ან ფინანსური პრობლემების გამო.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ანდრო ბარნოვი - შესაძლო ტერაქტების პრეზიდენტის სახელთან დაკავშირება წმინდა წყლის პროვოკაციაა
02:18 / 14-06-2013
ვიდეოებისა და შესაძლო ტერაქტების პრეზიდენტის სახელთან ნებისმიერი ფორმით დაკავშირება წმინდა წყლის პროვოკაციაა, - ამის შესახებ "ინტერპრესნიუსთან" საუბრისას საქართველოს პრეზიდენტის ადმინისტრაციის უფროსმა ანდრო ბარნოვმა განაცხადა.
ბარნოვი გამოეხმაურა ინფორმაციას, რომლის თანახმად, შსს-ს მიერ ტერაქტის მცდელობისთვის დაკავებული პირები მიხეილ სააკაშვილის პირადი მფრინავის სახლში ცხოვრობდნენ. მისი განცხადებით, მსგავსი ფორმულირება თავისთავად პროვოკაციულია.
"ნებისმიერი ფორმით ვიდეოებისა და შესაძლო ტერაქტების პრეზიდენტის სახელთან დაკავშირება არის წმინდა წყლის პროვოკაცია. ეს არის ჩაფიქრებული პროვოკაცია. არავის ნამდვილად იქ არ ეშლება და შემთხვევით არავინ არაფერს ამბობს, ფორმულირებები არის გაკეთებული სპეციალურად ისე, რომ ეს ყველაფერი დაუკავშირდეს პრეზიდენტის სახელს. ვინმემ ამიხსნას, რას ნიშნავს პრეზიდენტის პირადი მფრინავი?! კომპანია "თუშეთი", რომელზეც იყო საუბარი, არის დამოუკიდებელი კომპანია, რომელიც დაქირავებულია სახელმწიფო დაცვის სპეციალური სამსახურის მიერ. გთხოვთ ყველას, წარმოიდგინოთ, რომ პრეზიდენტი შეიძლება საერთოდ არც იცნობს ამ ადამიანს, სახეზეც არ უნახავს. ეს არის მფრინავი, რომელიც დაიქირავა სახელმწიფო დაცვის სპეცსამსახურმა", - განაცხადა ანდრო ბარნოვმა და დასძინა, რომ დიდი ხანია, რაც აღნიშნული სამსახური უკვე პრემიერის დაქვემდებარებაშია.
მისივე თქმით, ჭორაობა ყვითელ პრესაში გამოქვეყნებული ინფორმაციით დაიწყო, სადაც საუბარი იყო, რომ "თალიბანის" სახელით გავრცელებული ვიდეოები პრეზიდენტის ადმინისტრაციაში მომუშავე პირების მიერ დამზადდა.
"ეს არის ჭორების კამპანია, რომელიც დაიწყო ყვითელ პრესაში გამოქვეყნებული "ვითომ ინფორმაციით", შემდეგ მეორე დღეს ეს აიტაცა მთავრობის კანცელარიის პრესსამსახურის დეპარტამენტის უფროსმა კოკა ყანდიაშვილმა, მომდევნო დღეს საოცარია, მაგრამ ეს გაიმეორა თავად პრემიერმა და დღეს ვხედავთ ამ სრულიად გაუგებარ, უპასუხისმგებლო ფორმულირებას. ეს ხდება სამწუხაროდ იმ ფონზე, როდესაც გამობრძანდა ბატონი პუტინი და გამოაცხადა, რომ თურმე საქართველოს და რუსეთის სპეცსამსახურები აპირებენ ძალიან მჭიდრო თანამშრომლობას. მე ეჭვი მაქვს, რომ ეს "მჭიდრო თანამშრომლობა" უკვე მიმდინარეობს", - აღნიშნა ანდრო ბარნოვმა.
მისივე თქმით, პრეზიდენტი სისხლხორცეულად დაინტერესებულია, რომ ვიდეოებისა და ახლა უკვე შესაძლო ტერაქტის შესახებ მასალები ძალიან სწრაფად იყოს გამოძიებული. "ჩვენ გვაქვს ძალიან დიდი ეჭვი, რომ ეს აჟიოტაჟი და ფორმულირებები, რომლებიც კეთდება, ხდება იმიტომ, რომ გადაიფაროს კლიპების წარმომავლობის საკითხები, რომელიც, ჩვენ გვაქვს ეჭვი, რომ უკავშირდება სწორედ ხელისუფლებასთან დაკავშირებულ პირებს. თუ ეს ასე არ არის, გამჭვირვალე გამოძიების შედეგები დადოს შსს-მ და მოეშვან ჭორაობას ყველანი და საზოგადოების ნდობით ბოროტად სარგებლობას", - განაცხადა ანდრო ბარნოვმა და დასძინა, რომ ის, რაც დღეს ხდება, საზოგადოების ნდობით ბოროტად სარგებლობა და საზოგადოებრივი აზრის შეცდომაში შეყვანის მცდელობაა.
მისივე ინფორმაციით, ზაურ ქორთოშიძე წარმოშობით ქისტია.
"ინტერპრესნიუსს" სარწმუნო წყაროს ინფორმაციით, შსს-ს მიერ ტერაქტის მცდელობისთვის დაკავებული პირები მიხეილ სააკაშვილის მფრინავის სახლში ცხოვრობდნენ. აღნიშნულის გადასამოწმებლად "ინტერპრესნიუსი" შინაგან საქმეთა სამინისტროს პრესსამსახურის უფროსს, ნინო გიორგობიანს დაუკავშირდა.
შეკითხვაზე: "ადასტურებთ თუ არა ინფორმაციას, რომ შსს-ს მიერ დაკავებული მიკაელ კადიევი და რიზვან ომაროვი პრეზიდენტის უახლოესი გარემოცვის, კერძოდ, მისი პირადი მფრინავის, ვერტმფრენების კომპანია "თუშეთის" მფლობელის, ზაურ ქორთოშიძის კუთვნილ სახლში ცხოვრობდნენ?", გიორგობიანმა განაცხადა: "დიახ, მე გიდასტურებთ, რომ კადიევს ნაცნობობა აკავშირებს ზაურ ქორთოშიძესთან და გარკვეული პერიოდის განმავლობაში ის ცხოვრობდა ქორთოშიძეების კუთვნილ ბინაში. ეს პიროვნება უკვე დაკითხულია ჩვენს მიერ და მან ამის შესახებ განუცხადა უკვე გამოძიებას".
როგორც ცნობილია, საქართველოს შინაგან საქმეთა სამინისტრომ მომზადების სტადიაზე ტერორისტული აქტის ჩადენის მცდელობა აღკვეთა. როგორც საგანგებო ბრიფინგზე შსს-ს საზოგადოებასთან ურთიერთობის სამსახურის უფროსმა ნინო გიორგობიანმა განაცხადა, საქართველოს ანტიტერორისტული ცენტრის, შს სამინისტროს სხვა ოპერატიული დანაყოფებისა და საქართველოს პროკურატურის მჭიდრო და ეფექტური თანამშრომლობის ფარგლებში გატარებული ოპერატიულ-სამძებრო და საგამოძიებო მოქმედებების შედეგად, დღეს გამთენიისას, ქ.თბილისში დაკავებული იქნენ უცხო ქვეყნის მოქალაქეები მიკაილ კადიევი და რიზვან ომაროვი.
მათი დროებითი საცხოვრისიდან, ჩხრეკის შედეგად ამოღებული იქნა დიდი ოდენობით ძლიერმოქმედი ასაფეთქებელი ნივთიერება (სავარაუდოდ, პლასტიდი) და ელექტროდეტონატორები, აგრეთვე, ცეცხლსასროლი იარაღი, საბრძოლო მასალა და პირადობის დამადასტურებელი ყალბი დოკუმენტაცია.
გამოძიების ამ ეტაპზე უტყუარად დადასტურებულია, რომ ინტერპოლის მიერ ძებნილი კადიევი საქართველოს თავს 2011 წლიდან აფარებდა, თუმცა პერიოდულად ტოვებდა ქვეყნის ფარგლებს.
ამჟამად მიმდინარეობს ინტენსიური საგამოძიებო და ოპერატიულ-სამძებრო ღონისძიებები ტერორისტული აქტის მომზადებაში მხილებულ პირთა დანაშაულებრივი კავშირების - ხელშემწყობებისა და მფარველების - გამოვლენისა და გაუვნებელყოფის მიზნით როგორც ქვეყნის შიგნით, აგრეთვე საერთაშორისო ანტიტერორისტული თანამშრომლობის ფარგლებში, ვინაიდან მიკაილ კადიევის მიერ სხვა ქვეყნის ტერიტორიაზე ჩადენილი დანაშაულის თანამონაწილე პირი დასავლეთ ევროპის ერთ-ერთი ქვეყნის სამართალდამცავების მიერ ჯერ კიდევ 2012 წელს იქნა დაკავებული.
"ჩვენ გავაგრძელებთ საზოგადოების პერიოდულ ინფორმირებას გამოძიების შედეგების თაობაზე და გვსურს დაგარწმუნოთ, საქართველოს შინაგან საქმეთა სამინისტრო გააკეთებს ყველაფერს ტერორიზმის საფრთხისგან საქართველოს მოქალაქეების დაცვის მიზნით", - განაცხადა გიორგობიანმა.
სტადიაზე ტერორისტული აქტის ჩადენის მცდელობა აღკვეთა. როგორც საგანგებო ბრიფინგზე შსს-ს საზოგადოებასთან ურთიერთობის სამსახურის უფროსმა ნინო გიორგობიანმა განაცხადა, საქართველოს ანტიტერორისტული ცენტრის, შს სამინისტროს სხვა ოპერატიული დანაყოფებისა და საქართველოს პროკურატურის მჭიდრო და ეფექტური თანამშრომლობის ფარგლებში გატარებული ოპერატიულ-სამძებრო და საგამოძიებო მოქმედებების შედეგად, დღეს გამთენიისას, ქ.თბილისში დაკავებული იქნენ უცხო ქვეყნის მოქალაქეები მიკაილ კადიევი და რიზვან ომაროვი.
მათი დროებითი საცხოვრისიდან, ჩხრეკის შედეგად ამოღებული იქნა დიდი ოდენობით ძლიერმოქმედი ასაფეთქებელი ნივთიერება (სავარაუდოდ, პლასტიდი) და ელექტროდეტონატორები, აგრეთვე, ცეცხლსასროლი იარაღი, საბრძოლო მასალა და პირადობის დამადასტურებელი ყალბი დოკუმენტაცია.
გამოძიების ამ ეტაპზე უტყუარად დადასტურებულია, რომ ინტერპოლის მიერ ძებნილი კადიევი საქართველოს თავს 2011 წლიდან აფარებდა, თუმცა პერიოდულად ტოვებდა ქვეყნის ფარგლებს.
ამჟამად მიმდინარეობს ინტენსიური საგამოძიებო და ოპერატიულ-სამძებრო ღონისძიებები ტერორისტული აქტის მომზადებაში მხილებულ პირთა დანაშაულებრივი კავშირების - ხელშემწყობებისა და მფარველების - გამოვლენისა და გაუვნებელყოფის მიზნით როგორც ქვეყნის შიგნით, აგრეთვე საერთაშორისო ანტიტერორისტული თანამშრომლობის ფარგლებში, ვინაიდან მიკაილ კადიევის მიერ სხვა ქვეყნის ტერიტორიაზე ჩადენილი დანაშაულის თანამონაწილე პირი დასავლეთ ევროპის ერთ-ერთი ქვეყნის სამართალდამცავების მიერ ჯერ კიდევ 2012 წელს იქნა დაკავებული.
"ჩვენ გავაგრძელებთ საზოგადოების პერიოდულ ინფორმირებას გამოძიების შედეგების თაობაზე და გვსურს დაგარწმუნოთ, საქართველოს შინაგან საქმეთა სამინისტრო გააკეთებს ყველაფერს ტერორიზმის საფრთხისგან საქართველოს მოქალაქეების დაცვის მიზნით", - განაცხადა გიორგობიანმა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
საბავშვო ბაღში გარდაცვლილი 2 წლის დაჩის დედის პირველი კომენტარი - "ჩემზეც ბევრი ბრალდებები წამოვიდა"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
