მნიშვნელოვანი ინფორმაცია
30
მაისიდღის ზოგადი ასტროლოგიური პროგნოზი
30 მაისი, პარასკევი, მთვარის მეოთხე დღე დაიწყება 07:23-ზე, მთვარე ლომში გადაბრძანდება 23:58-ზე – ნუ აჰყვებით პროვოკაციებს, მოერიდეთ კამათსა და კონფლიქტს. კარგია ახალი ინფორმაციის შეგროვება და დამუშავება. წარმოების გაზრდა. არ არის შესაფერისი დღე მოგზაურობის დასაწყებად ან მივლინებაში წასასვლელად. დღის ენერგიამ შეიძლება გამოიწვიოს გაურკვევლობა, ადამიანებში იმატებს კომპრომისზე წასვლის უუნარობა. ასევე, არ არის მიზანშეწონილი რომანტიკული პაემანი. კარგია ოთახების მოლამაზება. ინტერიერის განახლება. აგრეთვე სადილის მომზადება და ცხობა. საუკეთესოა თმის შეჭრა და შეღებვა. გაიკეთეთ თმისა და სახის ნიღაბი. მოუფრთხილდით გულს, სისხლის მიმოქცევის სისტემას, არტერიებს, ზურგს, დიაფრაგმას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"გლობალური მშვიდობის ინდექსის" ყოველწლიურ ანგარიშში საქართველო 139-ე ადგილზეა
07:46 / 12-06-2013
ეკონომიკისა და მშვიდობის ინსტიტუტმა "გლობალური მშვიდობის ინდექსის" ყოველწლიური ანგარიში წარმოადგინა. ანგარიშში საქართველო 2,51 ქულით 139-ე ადგილზეა. 2012 წლის ინდექსის მონაცემებთან შედარებით, საქართველომ ორი საფეხურით გაუმჯობესა პოზიცია 2013 წლის "გლობალური მშვიდობის ინდექსში". თუმცა, მიუხედავად ამისა, მაინც იმ ქვეყნებს შორის მოხვდა, სადაც მშვიდობის დონე დაბალია.
ეკონომიკისა და მშვიდობის ინსტიტუტის წლევანდელი ანგარიშის მონაცემებით, 2008 წელთან შედარებით, მსოფლიო ნაკლებად მშვიდობიანი გახდა და მშვიდობის დონე 5%-ით შემცირდა.
ამავე ანგარიშის მიხედვით, ევროპა ყველაზე მშვიდობიანი რეგიონია, რომლის 13 ქვეყანა მსოფლიოს ყველაზე მშვიდობიანი ქვეყნების ტოპ-20-ეულში მოხვდა.
ანგარიშის მონაცემებით, 2012 წელს მსოფლიოში გამოვლენილი ძალადობის შედეგად მთლიანმა ეკონომიკურმა ზარალმა 9,46 ტრილიონი დოლარი შეადგინა.
"გლობალური მშვიდობის ინდექსის" მიხედვით, მსოფლიოს ყველაზე მშვიდობიანი ქვეყნები ისლანდია, დანია და ახალი ზელანდია არიან. ბოლო ადგილზე კი სომალია, რომელსაც ერთი საფეხურით უსწრებს ავღანეთი.
ეკონომიკისა და მშვიდობის ინსტიტუტის ანგარიშის მიხედვით, 2008 წლის შემდეგ მსოფლიოს 110 ქვეყანა ნაკლებად მშვიდობიანი გახდა, 48 ქვეყანამ კი ინდექსში მდგომარეობა გაიუმჯობესა. მათ შორის, საქართველომაც.
წლევანდელ ანგარიშში სულ 162 ქვეყნის მონაცემები მოხვდა. კვლევის ფარგლებში გაიზომა ქვეყნებში საზოგადოების უსაფრთხოების, კონფლიქტისა და შეიარაღების ხარისხის დონეები.
ეკონომიკისა და მშვიდობის ინსტიტუტის ანგარიშში ასევე გამოქვეყნებულია სტატისტიკური მონაცემები, თუ რამდენი ადამიანი დაიღუპა 2012 წელს შიდა კონფლიქტების შედეგად მსოფლიოს სხვადასხვა ქვეყანაში. ყველაზე მეტი 72 900 ადამიანია დაღუპული სირიაში, 30 828 - ლიბიაში, 25 371 - მექსიკაში, 5 146 კი ავღანეთში.
"გლობალური მშვიდობის ინდექსში" საქართველო პირველად 2010 წელს მოხვდა და 149 ქვეყანას შორის 142-ე ადგილზე იყო, 2011 წელს -153 ქვეყანას შორის 134-ე ადგილზე, ხოლო 2012 წელს - 158 ქვეყანას შორის 141-ე ადგილზე.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ბაჩიაშვილი - საქართველოს წარმომადგენლებმა, ივანიშვილის დავალებით, მიმართეს ბანდიტურ გზას და მოტაცებით ჩამომიყვანეს საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
