მარტოხელა დედების რაოდენობამ რეკორდულ მაჩვენებელს მიაღწია

მსოფლიოში მარტოხელა დედების რაოდენობა იზრდება. ოფიციალური სტატისტიკით, ოჯახებში დასაქმებულთა ყველაზე მეტი პროცენტული რაოდენობა ქალებზე მოდის. შესაბამისად, ხშირია განქორწინება და მხოლოდ ბრიტანეთში 1 მილიონზე მეტი ბავშვი უმამოდ იზრდება.

ბრიტანელი სკოლის მოსწავლეების ნაწილს არა მხოლოდ მამა არ ჰყავთ, მათ ოჯახში ძლიერი სქესის წარმომადგენელი (ბიძა, ბაბუა) არასდროს უნახავთ. თუმცა, ეს კვლევა მხოლოდ ბრიტანეთს არ ეხება - მსგავსი სიტუაციაა მრავალ განვითარებულ ქვეყანაში. ბრიტანეთის სოციალური კვლევის ცენტრის მონაცემებით, სამსახურებს მამაკაცებზე იოლად ქალები შოულობენ. ბრიტანულმა ცენტრმა (Family Breakdown), რომელიც განქორწინებული წყვილების მონაცემებს სწავლობს ოფიციალური სტატისტიკა წარმოადგინა - ყოველ წელს განქორწინების მაჩვენებელი წინა წლებთან შედარებით 20 000-ით მატულობს.

ბოლო წლებში დაბადებული ბავშვების 50% მყარ ოჯახში არ ცხოვრობს. დაახლოებით მილიონ ბავშვს მამა არასდროს უნახავს, ან ბავშვთან კონტაქტსა და მზრუნველობაზე მამა თავად ამბობს უარს. ხშირ შემთხვევაში, ბავშვი იჩაგრება - განქორწინებული მშობლების შვილებს უჭირთ მეგობრების შეძენა, სკოლაში დაბალ ნიშნებს იღებენ, ზრდასრულ ასაკში კი ოჯახის შექმნას გაურბიან.

მომზადებულია dailymail.co.uk-ის მიხედვით.