მნიშვნელოვანი ინფორმაცია
24
მაისიდღის ზოგადი ასტროლოგიური პროგნოზი
შაბათი, მთვარის ოცდამეშვიდე დღე დაიწყება 03:34-ზე, მთვარე კუროში გადაბრძანდება 21:35-ზე – კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის. მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად, ყვავილების დასარგავად; ქორწინებისა და ნიშნობისათვის. ამ დღეს ადამიანი მეტად მგრძნობიარეა საკვების მიმართ. ნუ გადატვირთავ კუჭს, მაგრამ ნურც იშიმშილებთ. მიიღეთ ჯანსაღი საკვები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
სოზარ სუბარი - მადლობა თქვან, რომ მერაბიშვილთან რუკა არ შევიდა
03:46 / 10-06-2013
მადლობა თქვან, რომ ვანო მერაბიშვილთან რუკა არ შევიდა, ასეთ შემთხვევაში მასაც და ციხის თანამშრომელსაც სამ-სამი წელი დაემატებოდათ, - ამის შესახებ სასჯელაღსრულების მინისტრმა სოზარ სუბარმა სასტუმრო "რედისონში" სასჯელაღსრულების დეპარტამენტის ანგარიშის პრეზენტაციამდე ჟურნალისტებს განუცხადა.
როგორც მან აღნიშნა, "ნაციონალურ მოძრაობას" ჰქონდა კანონი, რომლის მიხედვითაც, ისეთ ნივთებზე, მაგალითად, როგორიც არის სანთებელა, აღმოჩენის შემთხვევაში პატიმარს სასჯელი სამი წლით ემატებოდა. როგორც სოზარ სუბარმა აღნიშნა, მსგავსი არაადამიანური პირობები სასჯელაღსრულების სისტემაში აუცილებლად გამოსწორდება.
"კანონი უნდა იყოს უზენაესი და არ ხდებოდეს ისეთი უცნაური რაღაცეები, როგორიც არის სასჯელის მომატება სანთებელისთვის, რისთვისაც შეეძლოთ 3 წელი დაემატებინათ პატიმრისთვის. ამ ბოლო დროს სასაცილოდ გამხდარი თემა რუკა, რომელიც არ შეიტანეს ვანო მერაბიშვილთან გადავამოწმე და მართალი აღმოჩნდა, რუკის შეტანა "ნაციონალებს" აქვთ აკრძალული, მათ მიერ მიღებული კანონით და თანამშრომელმა, რომელიც ძველ რეჟიმშიც მუშაობდა, რუკა ამოხია ვანო მერაბიშვილის წიგნში, რადგან იცოდა, რომ შეტანა ისჯებოდა და ვანოსაც და მასაც 3-3 წელი დაემატებოდათ. მადლობა თქვან, რომ ეს რუკა მერაბიშვილთან არ შევიდა, თუმცა მსგავსი არაადამიანური პირობები სასჯელაღსრულების სისტემაში გამოსწორდება", - განაცხადა სოზარ სუბარმა.
რაც შეეხება სასტუმრო "რედისონში" სასჯელაღსრულების დეპარტამენტის ექვსი თვის ანგარიშის პრეზენტაციას, როგორც სუბარმა აღნიშნა, დღეიდან ძირითადი პრობლემები მოგვარებულია და უფრო მეტი ყურადღება მიექცევა ინფრასტრუქტურის განვითარებას.
"თუ არ გაუმჯობესდა ინფრასტრუქტურა, ისეთი ციხეები, როგორიც არის ცივილიზებულ ქვეყნებში, არ გვექნება. დღეიდან უფრო მეტი ყურადღება სწორედ ინფრასტრუქტურის განვითარებას და გაუმჯობესებას დაეთმობა", - განაცხადა სოზარ სუბარმა.
სასტუმრო "რედისონში" სასჯელაღსრულების დეპარტამენტის 6 თვის ანგარიშის პრეზენტაცია მიმდინარეობს, რომელსაც როგორც მინისტრი, ასევე სასჯელაღსრულების მინისტრის მოადგილეები, სახალხო დამცველისა და არასამთავრობო ორგანიზაციების წარმომადგენლები ესწრებიან.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
