მექსიკის დეპუტატობის კანდიდატი ამომრჩევლებს საცვლებს ჩუქნის

მექსიკის საკურორტო ქალაქ კანკუნში მმართველი პარტიის დეპუტატობის კანდიდატი მოსახლეობის ხმების მოპოვებას საცვლებით ცდილობს - წინასაარჩევნო კამპანიის ფარგლებში, ის პოტენციურ ამომრჩევლებს ტრუსებს ჩუქნის.

სუზანა ურტადა ვაიეჰო ქვეყნის რეგიონალურ სამმართველოში ადგილის მოსაპოვებლად იბრძვის. საარჩევნო კამპანიის ფარგლებში ის ქალაქში დადიოდა და ყველა შემხვედრს ტრუსებსა და ბიკინებს ურიგებდა.

"ეს აუცილებელი ნივთია. შეიძლება ადამიანებმა ისინი მხოლოდ ერთხელ ჩაიცვან, მაგრამ დარწმუნებული ვარ, გამოადგებათ", - განაცხადა მან.

სუზანამ უარი თქვა ტრადიციულ მაისურებზე, რომლებსაც საბოლოოდ მხოლოდ მანქანის გასაწმენდად ან სახლში მტვერის გადასაწმენდად იყენებენ. დეპუტატობის კანდიდატი თავიდანვე გეგმავდა "ორიგინალური" საარჩევნო კამპანიის წარმოებას.

ვაიეჰოს მთავარმა კონკურენტმა ლორენა მარტინესმა მისი მოწინააღმდეგის არატრადიციული კამპანია გაკიცხა. მისი თქმით, ხალხს სამუშაო ადგილები და უსაფრთხოება სჭირდება და არა ქვედა საცვლები.

მუნიციპალური არჩევნები მექსიკაში 7 ივლისს გაიმართება. 

მომზადებულია russian.rt.com-ის მიხედვით.