მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
თეა წულუკიანი The Washington Post-ის სარედაქციო საბჭოს წერილს უგზავნის
07:42 / 06-06-2013
საქართველო ვერ დახუჭავს თვალს კანონდარღვევებზე, - ამ სათაურით უგზავნის საქართველოს იუსტიციის მინისტრი თეა წულუკიანი წერილს The Washington Post-ის სარედაქციო საბჭოს.
მინისტრის წერილს, რომელიც ეხმაურება ამერიკულ გამოცემაში წინა კვირაში გამოქვეყნებულ სტატიას - "საქართველოს დემოკრატია საფრთხეშია", "ვაშინგტონ პოსტი" აქვეყნებს.
როგორც საქართველოს იუსტიციის მინისტრი საპასუხო წერილში აღნიშნავს, "ვაშინგტონ პოსტში" გამოქვეყნებული წერილში, რომელიც საქართველოში კანონის უზენაესობას ეხება, მნიშვნელოვანი ფაქტები და გარემოებებია გამორჩენილი და საქართველოს ხელისუფლება სწორედ კანონის უზენაესობის აღსადგენად იქნა არჩეული.
"პრეზიდენტ მიხეილ სააკაშვილის 9-წლიანი მმართველობისას კანონის უზენაესობა ირღვეოდა, რაზეც კითხვები ჰქონდათ აშშ-ის, ევროკავშირს, გაერო-სა და არასამთავრობო ორგანიზაციებსაც. ეს იყო ერთ-ერთი ძირითადი საკითხი, რის გამოც დაკეტილი იყო ევროკავშირისა და ნატო-ს წევრობისკენ მიმავალი გზა", - ნათქვამია თეა წულუკიანის წერილში.
როგორც საქართველოს იუსტიციის მინისტრი აღნიშნავს, მართალია, "ვაშინგტონ პოსტის" წერილში აღნიშნულია წინა ხელისუფლების "ბრალი კანონის გვერდის ავლით მოქმედებასა და ოპონენეტებსა და მედიაზე აქა-იქ განხორციელებულ ზეწოლაში", მაგრამ ამავე დროს ამერიკული გამოცემის სარედაქციო საბჭო თავის სტატიაში მოუწოდებს წინა ხელისუფლების წარმომადგენლების პასუხისმგებლობისგან გათავისუფლებას მხოლოდ იმიტომ, რომ მათ მშვიდობიანი გზით მოახდინეს ხელისუფლების გადაბირება.
"თუმცა, ქვეყანა, რომელიც იმართება კანონის უზენაესობით, თვალს ვერ დახუჭავს თანამდებობის პირების მიერ სახელმწიფო სახსრების არამიზნობრივ ხარჯვასა და ნებისმიერ მთავრობის მაღალჩინოსანთა მხრიდან გამოვლენილ ძალადობის, წამების დანაშაულებებზე", - ნათქვამია თეა წულუკიანის წერილში.
საქართველოს იუსტიციის მინისტრი ხაზს უსვამს, რომ ყოველივე ამის ნაცვლად საქართველოს ხელისუფლებამ უნდა უზრუნველყოს სამართლიანი სასამართლო პროცესის წარმოება ყველას მიმართ.
"ახალმა ხელისუფლებამ გაათავისუფლა სასამართლო პოლიტიკური ზეწოლისგან, ამკვიდრებს ბრალდებულთა ახალ უფლებას, ისარგებლონ ნაფიც მსაჯულთა სასამართლოთი და აღებს სასამართლო დარბაზის კარს მედიისთვის", - წერს იუსტიციის მინისტრი და დასძენს, რომ ევროკავშირი, როგორც აშშ, კონსულტაციას უწევენ საქართველოს ხელისუფლებას ამ რეფორმების გატარებაში, სასამართლო პროცესებს აკვირდებიან ეუთო და არასამთავრობო ორგანიზაციები.
"ვიწვევთ "ვაშინგტონ პოსტს", რათა დააკვირდეთ სასამართლო პროცესებს და ადგილზე გაეცნოთ ფაქტებს დასკვნების გამოსატანად", - ნათქვამია "ვაშინგტონ პოსტისთვის" გაგზავნილ თეა წულუკიანის საპასუხო წერილში.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
