12
ივლისიდღის ზოგადი ასტროლოგიური პროგნოზი
"თალიბების" სახელით ინტერნეტში გავრცელებული ვიდეომასალის წარმომავლობის დადგენაზე ინტენსიური მუშაობა მიმდინარეობს, - ამის შესახებ "ინტერპრესნიუსს" თავდაცვის და უსაფრთხოების საპარლამენტო კომიტეტის თავმჯდომარე ირაკლი სესიაშვილმა განუცხადა. მისივე განმარტებით, საზოგადოებას პანიკის საფუძველი არ აქვს.
"მინდა, საზოგადოება დავამშვიდო და ვუთხრა, რომ პანიკის საფუძველი არ არსებობს, რამდენადაც ჩვენი უსაფრთხოების სისტემა მაქსიმალურად მობილიზებულია. ამ ეტაპზე მიმდინარეობს ინტენსიური მუშაობა, რომ დადგინდეს ამ ჩანაწერის წარმომავლობა - თუ ვინ განათავსა ინტერნეტში და ამის შემდეგ ჩვენ უფრო მეტი საფუძველი გვექნება ვისაუბრობთ, საიდან მოდის ის და რამდენად რეალურად არსებობს საფრთხე ჩვენი ქვეყნის წინაშე", - განაცხადა ირაკლი სესიაშვილმა.
ამასთან, თავდაცვისა და უსაფრთხოების საპარლამენტო კომიტეტის თავმჯდომარე არ გამორიცხავს, რომ აღნიშნული ვიდეომასალის გავრცელება "გარკვეულ პროვოკაციულ" ნიშნებს შეიცავდეს.
"მე შეიძლება, გარკვეულწილად, პროვოკაციულ ნიშნებსაც ვხედავდე. ვფიქრობ, პანიკას არ უნდა აყვეს საზოგადოება. მათი მიზანიც სწორედ ესაა, თუკი ასეთი ჯგუფები არსებობენ. მათი მიზანია პანიკის დათესვა, საქართველოს დასავლელ პარტნიორებთან თანამშრომლობისთვის ხელის შეშლაა, ამიტომ მინდა, საზოგადოებას ვთხოვო, ფრთხილად მოეკიდოს ამ თემას და სანამ გამოძიება არ დაადგენს სიმართლეს და დარწმუნებული ვარ, ეს მოხდება მოკლე ვადებში, ყველამ თავი შევიკავოთ პოლიტიკური ან ისეთი განცხადებების გაკეთებისგან, რომელიც შეიძლება გახდეს საზოგადოებისთვის დამატებითი შეშფოთების საგანი", - აღნიშნა კომიტეტის თავმჯდომარემ.
Youtube-ზე გავრცელდა ვიდეო სახელწოდებით - "ჯიჰადი ავღანეთში საქართველოს ჯარების წინააღმდეგ".
