22
ივნისიდღის ზოგადი ასტროლოგიური პროგნოზი
ოპერატიულ-სამძებრო საქმიანობის შედეგად მოპოვებული ისეთი ტიპის ინფორმაციის შენახვასა და გამოყენებას, რომელიც პირის დანაშაულებრივ საქმიანობას არ ეხება, მაგრამ მის მაკომპრომეტირებელ ცნობებს შეიცავს, კანონი კრძალავს. კანონმდებლობა ასეთი სახის მასალების დაუყოვნებლივ განადგურებას ითხოვს.
კერძოდ, "ოპარატიულ-სამძებრო საქმიანობის შესახებ" კანონის მე-6 მუხლში ნათქვამია - "ოპერატიულ-სამძებრო საქმიანობის შედეგად მოპოვებული ინფორმაცია, რომელიც არ ეხება პირის დანაშაულებრივ საქმიანობას, მაგრამ შეიცავს მის მაკომპრომეტირებელ ცნობებს, არ შეიძლება გახმაურდეს ან გამოყენებულ იქნეს რაიმე მიზნით ამ პირის წინააღმდეგ. ასეთი ინფორმაცია არ შეიძლება შენახულ იქნეს და უნდა განადგურდეს დაუყოვნებლივ, რის შესახებაც ეცნობება იუსტიციის მინისტრს ან მთავარ პროკურორს, აგრეთვე სამსახურებრივი ზედამხედველობის განმახორციელებელი უწყების ხელმძღვანელს ან მის მოადგილეს".
ბიძინა ივანიშვილი შსს-ს არქივში არსებული პირადი ცხოვრების ამსახველი მასალების განადგურების თემას გუშინ კიდევ ერთხელ გამოეხმაურა. როგორც მან ჟურნალისტებს განუცხადა, მასალების განადგურებას ჰყავს მოწინააღმდეგეები, ექსპერტთა და სფეროს სპეციალისტთა შორის, რომლებთანაც მას ამ თემაზე საუბარი ჰქონდა.
"განადგურების ერთ-ერთი პრინციპული მოწინააღმდეგე კახი კახიშვილია. შეიძლება ვნახოთ მეთოდი, მაგალითად, მასალები შეინახოს ისე, როგორც ბანკში ფული ინახება ან რამე მსგავსი. წვდომა ჰქონდეს რამდენიმე ორგანიზაციას და ა.შ. საბოლოო ჯამში, ჩვენ ყველაფერი უნდა გავაკეთოთ, რომ სირცხვილს თავი ავარიდოთ და პირადი ცხოვრების ამსახველი მასალების გავრცელების ფაქტი საქართველოში აღარ განმეორდეს", - განაცხადა ბიძინა ივანიშვილმა.
ამასთან, საქართველოს შს მინისტრის მოადგილემ, ლევნა იზორიამ მიმდინარე წლის 20 მაისს გააკეთა განცხადება, რომ შსს-ში არსებული უკანონო ფარული ჩანაწერების არქივი უახლოეს ერთ კვირაში განადგურდებოდა.
