მნიშვნელოვანი ინფორმაცია
3
ივნისიდღის ზოგადი ასტროლოგიური პროგნოზი
სამშაბათი, მთვარის მერვე დღე დაიწყება 13:13-ზე, მთვარე ქალწულშია – დღეს დაწყებული და დაგეგმილი ყველაფერი გაცილებით ნელა მიმდინარეობს, ვიდრე ჩვენ გვსურს. შესაძლებელია მოვლენების მოულოდნელი შემობრუნება, კონფლიქტები და საგანგებო სიტუაციები. რეკომენდებულია კრეატიული მიდგომები ძველი პროექტების განსახორციელებლად. მოაგვარეთ მხოლოდ მცირე ფინანსური საკითხები. მოძებნეთ ახალი პარტნიორები. ინდივიდუალურად იმუშავეთ. შეზღუდეთ კოლექტიური მუშაობა. შეგიძლიათ დაიცვათ მარხვა, შესაფერისია მსუბუქი საკვები, მარცვლეული და თევზი. ალკოჰოლი და ნიკოტინი უკუნაჩვენებია.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
თედო ჯაფარიძე - "არ უნდა ვიფიქროთ, როგორ მოვაწონოთ თავი ევროპას თურქი ხალხის შესახებ განცხადებებით"
06:38 / 05-06-2013
საგარეო ურთიერთობათა საპარლამენტო კომიტეტის თავმჯდომარე თედო ჯაფარიძე მიიჩნევს, რომ ბოლო დღეებში თურქეთში განვითარებულ მოვლენებთან დაკავშირებით საქართველოს ხელისუფლებამ სიფრთხილე უნდა გამოიჩინოს და ემოციური განცხადებების გაკეთების ნაცვლად, საკითხს პრაგმატულად, საკუთარი ინტერესების შესაბამისად მიუდგეს. ამის შესახებ თედო ჯაფარიძემ გაზეთ "ალიასთან" ისაუბრა.
"ეს უნდა გაეკეთებინა მთავრობას და საგარეო უწყებას. ნამდვილად ვერ გეტყვით, რატომ არ გააკეთა ეს. მაგრამ მე მაინც მგონია, რაც ხდება თურქეთში, სიფრთხილით უნდა მოვეკიდოთ ამას. ეს ჩემი პირადი აზრია და რადგან მეკითხებთ, ჩემს პოზიციას გეტყვით. სხვა საკითხია, რა განცხადებას გააკეთებს ევროპა, ნატო, თუ რომელიმე ევროპული ორგანიზაცია. თურქეთი არის ჩვენი სტრატეგიული მეზობელი. რაც იქ ხდება, ძალიან მწვავე მოვლენებია, რთული სიტუაციაა და ამ სიტუაციასა და მოვლენებს თავი უნდა გაართვას თურქმა ხალხმა და თურქეთის მთავრობამ. იქიდან გამომდინარე, რომ სხვა პრობლემები გვაქვს სხვა მეზობელთან, უნდა დავაცადოთ თურქებს, თავის პრობლემას თვითონ მიხედონ და მოაგვარონ. ჩვენთვის ამ შემთხვევაში მთავარია, თურქეთმა ეს პრობლემები გადაჭრას და ის იყოს სტაბილური, ვინაიდან სტაბილური თურქეთი არის საქართველოს სტაბილურობის გარანტი.
მე არ ვთვლი, რომ ეს არის იგნორირების პოლიტიკა. ეს არის პრაგმატული მიდგომა და არა ემოციური. ჩვენ უნდა შევეჩვიოთ, რომ ვიყოთ ნაკლებად ემოციურები და უფრო პრაგმატულები გავხდეთ. მით უფრო იმ მეზობლის მიმართ, რომელიც არის საკმაოდ ეგზალტირებული და ემოციური, ისედაც, ჩვენი განცხადებების გარეშე. ჩვენ უნდა განვსაზღვროთ ასე, რა არის ამ შემთხვევაში ჩვენი ინტერესები და არ უნდა ვიფიქროთ იმაზე, თავი როგორ მოვაწონოთ ევროპასა თუ ამერიკას სხვადასხვა განცხადებებით", - აღნიშნა თედო ჯაფარიძემ.
სტამბოლში, ტაქსიმის მოედანზე საყოველთაო პროტესტი "გეზი პარკის" რეკონსტრუქციის შეჩერების მოთხოვნით 28 მაისს დაიწყო. თუმცა, სამართალდამცავებსა და დემონსტრანტებს მომხდარი შეტაკების შედეგად, აქციებმა თურქეთის სხვა დიდი ქალაქებიც მოიცვა. მომიტინგეებმა ხელისუფლება ავტორიტარიზმში დაადანაშაულეს და ერდოღანის გადადგომის მოთხოვნით გაერთიანდნენ.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რუსეთ-უკრაინის პირდაპირი სამშვიდობო მოლაპარაკებების მეორე რაუნდი დღეს, კვლავ სტამბოლში შედგება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
