24
მაისიდღის ზოგადი ასტროლოგიური პროგნოზი
ბრიტანეთში, დასავლეთ იორკშირის საგრაფოს მკვიდრი, 30 წლის პოლ ინმანი კოკა-კოლას ჭარბი მოხმარების გამო გარდაიცვალა. ბრიტანელის სიკვდილის მიზეზი ექიმებმაც დაადასტურეს. ინმანი დღეში 3 ლიტრამდე კოკა-კოლას სვამდა.
პოლის ნათესავებმა მისი სიკვდილის შემდეგ განაცხადეს, რომ 17 წლის ასაკში გარდაცვლილს აუტიზმის ერთ-ერთი ფორის - ასპერგერის სინდრომის დიაგნოზი დაუსვეს.
სუსტი ჯანმრთელობის გამო ახალგაზრდა ექიმთა მუდმივი მეთვალყურეობის ქვეშ უნდა ყოფილიყო, თუმცა მან ამაზე უარი თქვა და საკუთარი კვების რაციონს თავად აკონტროლებდა.
პოლმა კოკა-კოლას სიყვარული ვერ დაძლია, მიუხედავად იმისა, რომ ოჯახის წევრები გაზიანი სასმელის ჭარბი მოხმარებისგან მის დაცვას მუდამ ცდილობდნენ.
გარდაცვლილი საკუთარ საძინებელში აღმოაჩინეს. მამაკაცს ფილტვები შეშუპებული ჰქონდა.
"სამედიცინო ექსპერტიზის ჩატარების შემდეგ დადგინდა, რომ ინმანის ფილტვები 4-ჯერ იყო გადიდებული, - განაცხადა პათოლოგანატომმა დეიდრა მაკენმა, - თავიდან ექიმებს ეგონათ, რომ სიკვდილის მიზეზი გულის შეტევა გახდა, თუმცა მოგვიანებით გაირკვა, რომ ეს ასე არ იყო".
სპეციალისტების თქმით, ამ გაზიანი სასმელის ჭარბმა მიღებამ სასუნთქი ორგანოების შეშუპება გამოიწვია. ოჯახის წევრები გარდაცვლილს დაუდევრობაში ადანაშაულებენ.
მომზადებულია lifenews.ru-ის მიხედვით.
