სოციალურად დაუცველი ქალბატონი, რომელიც თბილისის მერიასთან შეუძლოდ გახდა, ღუდუშაურის სახელობის კლინიკაში გადაიყვანეს.
როგორც "ინტერპრესნიუსს" სასწრაფო დახმარების ექიმებმა განუცხადეს, პაციენტის მდგომარეობა სტაბილურია. მათი თქმით, მას აღენიშნება ნევროზული მდგომარეობა, რის გამოც, აუცილებელი გახდა მისი კლინიკაში გადაყვანა.
სოციალურად დაუცველი ქალი თბილისის მერიასთან მომხდარი ინციდენტის დროს გახდა შეუძლოდ. ინციდენტი მას შემდეგ მოხდა, რაც სამართალდამცველებმა სოციალურად დაუცველთა მხრიდან გადაკეტილი მერიის ცენტრალური შესასვლელის გახსნა სცადეს.
