მნიშვნელოვანი ინფორმაცია
30
მაისიდღის ზოგადი ასტროლოგიური პროგნოზი
30 მაისი, პარასკევი, მთვარის მეოთხე დღე დაიწყება 07:23-ზე, მთვარე ლომში გადაბრძანდება 23:58-ზე – ნუ აჰყვებით პროვოკაციებს, მოერიდეთ კამათსა და კონფლიქტს. კარგია ახალი ინფორმაციის შეგროვება და დამუშავება. წარმოების გაზრდა. არ არის შესაფერისი დღე მოგზაურობის დასაწყებად ან მივლინებაში წასასვლელად. დღის ენერგიამ შეიძლება გამოიწვიოს გაურკვევლობა, ადამიანებში იმატებს კომპრომისზე წასვლის უუნარობა. ასევე, არ არის მიზანშეწონილი რომანტიკული პაემანი. კარგია ოთახების მოლამაზება. ინტერიერის განახლება. აგრეთვე სადილის მომზადება და ცხობა. საუკეთესოა თმის შეჭრა და შეღებვა. გაიკეთეთ თმისა და სახის ნიღაბი. მოუფრთხილდით გულს, სისხლის მიმოქცევის სისტემას, არტერიებს, ზურგს, დიაფრაგმას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ლაშა ხარაზიშვილმა 2009-2012 წლებში ხელფასისა და პრემიის სახით 87 770 ლარი მიიღო
08:05 / 28-05-2013
"იმედის" ყოფილმა წამყვანმა ლაშა ხარაზიშვილმა ტელეკომპანიაში მუშაობის პარალელურად, 2009-2012 წლებში, სახელმწიფო აუდიტის სამსახურში, ხელფასისა და პრემიის სახით 87770 ლარი მიიღო. ამის შესახებ საქართველოს პარლამენტის დროებითი კომისიის ანგარიშშია ნათქვამი, რომელიც სახელმწიფო აუდიტის სამსახურის 2012 წლის საფინანსო-ეკონომიკური, სამართლებრივი და ორგანიზაციული საქმიანობის, აუდიტის ხარისხის კონტროლისა და შიდა კონტროლის პროცედურების შემოწმების შედეგებს ასახავს.
ანგარიშის მიხედვით "ლაშა ხარაზიშვილი 2009-2012 წლებში სახელმწიფო აუდიტის სამსახურში, ანუ სახელმწიფო სამსახურში, იკავებდა სახელმწიფო მოსამსახურის - შტატგარეშე მოსამსახურის თანამდებობას და იმავდროულად "საჯარო სამსახურის შესახებ" საქართველოს კანონის ზემოაღნიშნულ ნორმათა დარღვევით ეკავა სხვა თანამდებობა და ასრულებდა ანაზღაურებად საქმიანობას ტელეკომპანია "იმედში".
აუდიტის სამსახურში ხარაზიშვილს ხელფასისა და პრემიის სახით სულ მიღებული აქვს 87 770 ლარი (მათ შორის დარიცხული ხელფასი - 55 070 ლარი, დარიცხული პრემია - 32 700 ლარი).
ანგარიშში აღნიშნულია, რომ კომისიას ვერ მიეწოდა რაიმე მასალა აუდიტის სამსახურში მუშაობისას მის მიერ შესრულებული სამუშაოს შესახებ.
კომისიას მიაჩნია, რომ ზემოაღნიშნულ დარღვევათა გამო საკითხი სამართალდამცავი ორგანოების სამართლებრივი შეფასების საგანი უნდა გახდეს.
ლაშა ხარაზიშვილი სახელმწიფო აუდიტის სამსახურის მედიის საკითხებში კონსულტანტის თანამდებობაზე მუშაობდა, მის გარდა სხვადასხვა პერიოდულობით ხელშეკრულება გაუფორმდა 6 შტატგარეშე მოსამსახურეს: მარიამ მამალაძეს - სპეციალისტს შიდა და გარე კომუნიკაციის საკითხებში, მარინე მაზანაშვილს - კონსულტანტს მედიის საკითხებში, ვაჟა გოგინაშვილს - კონსულტანტს ვებგვერდის განახლებასთან დაკავშირებულ საკითხებში, დავით ბარამიძეს - კონსულტანტს ვებგვერდის განახლებასთან დაკავშირებულ საკითხებში, დიმიტრი კოსტავას - ოპერატორს მედიის საკითხებში, თეიმურაზ ხარაძეს - ოპერატორს მედიის საკითხებში.
2012 წელს, აუდიტის სამსახურში სხვადასხვა პერიოდში პრესასთან და საზოგადოებასთან ურთიერთობის საკითხებზე მუშაობდა სულ 12 სპეციალისტი (5 შტატით და 7 შტატგარეშე).
"მედიისა და ვებგვერდის განახლების საკითხებში შტატგარეშე მოსამსახურეებისათვის გაფორმებული ხელშეკრულებების ანალიზით გაირკვა, რომ დაირღვა "საჯარო სამსახურის შესახებ" საქართველოს კანონის მე-8 მუხლის მოთხოვნები, რადგან სახელმწიფო აუდიტის სამსახურის მუდმივ ამოცანათა შესასრულებლად მიიღეს შტატგარეშე მოსამსახურეები, რომლებიც აღნიშნული კანონის მიხედვით, დანიშვნით ან შრომითი ხელშეკრულებით გარკვეული ვადით მიიღებიან სამსახურში არამუდმივ ამოცანათა შესასრულებლად.
კომისიას ვერ მიეწოდა ასევე მასალები მარინე მაზანაშვილის მიერ კონტროლის პალატაში გაწეული საქმიანობის შესახებაც.
"პასუხი ვერ მივიღეთ, თუ რისთვის, რეალურად, რა სამუშაოების შესრულებისათვის გაიცა მასზე ხელშეკრულებით გათვალისწინებული 3636 ლარი.
ჩვენს მოთხოვნაზე, ეცნობებინათ კომისიისათვის, თუ რა სამუშაოები განახორციელეს მედიისა და ვებგვერდის განახლების საკითხებში შტატგარეშე მოსამსახურეებმა მაღალი ხელფასის (თვეში 2000 ლარი) მიღების სანაცვლოდ, აუდიტის სამსახურის ადმინისტრაციიდან შეგვატყობინეს, რომ ასეთი ვალდებულება მათ ხელშეკრულებიდან გამომდინარე არ გააჩნდათ.
აღნიშნული მდგომარეობის ანალიზი კომისიას აძლევს დასაბუთებული ვარაუდის გამოთქმის საფუძველს, რომ 2012 წელს აუდიტის სამსახურში პრესასა და საზოგადოებასთან ურთიერთობის მიმართულებით დასაქმებული ზოგიერთი შტატგარეშე მოსამსახურე ხელშეკრულებით განსაზღვრული საქმიანობით არ იყო დაკავებული ან სათანადოდ ვერ ასრულებდა მასზე დაკისრებულ ვალდებულებებს",- ნათქვამია კომისიის ანგარიშში.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ბაჩიაშვილი - საქართველოს წარმომადგენლებმა, ივანიშვილის დავალებით, მიმართეს ბანდიტურ გზას და მოტაცებით ჩამომიყვანეს საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
