ბრუკ შილდსი: "მეშინია, რომ ადამიანებს გულს ვატკენ"

47 წლის მოდელმა ბრუკ შილდსმა ჟურნალ Hamptons-ისთვის მიცემულ ინტერვიუში ბავშვობა გაიხსენა. ვარსკვლავის თქმით, ახალგაზრდობაში სიღარიბის გამო ბევრჯერ დაუმცირებიათ.

"ჩვენს გარშემო ყველას მოსამსახურე ჰყავდა. ჩვენ ერთოთახიანი ბინა გვქონდა დაქირავებული და ზოგჯერ მხოლოდ ბინის ქირის ფული გვრჩებოდა. ერთხელაც ჩემს მეგობართან სტუმრად მივედი. სადილის შემდეგ თეფში ავიღე და სამზარეულოში ნიჟარაზე ჩავდე. დიასახლისმა ყვირილი დამიწყო - ნუ იქცევი მოსამსახურესავითო. ძალიან დავიბენი. ახლაც მახსოვს, როგორი გახარებული მივდიოდი მეგობრის სახლში და როგორი სევდიანი დავბრუნდი დედასთან. დედამ მითხრა, რომ იმ სახლში სტუმრად აღარასდროს წავსულიყავი.

ძალიან ვამაყობ ჩემი მშობლებით და წარსულით. გაჭირვებამ მასწავლა, რომ გამდიდრების შემდეგაც ადამიანად დავრჩენილიყავი. დღემდე დიდი სიფრთხილით ვეკიდები ადამიანებთან ურთიერთობას. მაქსიმალურად ვცდილობ, ჩემი საქციელით გული არავის ვატკინო", - განაცხადა მოდელმა ინტერვიუში.

იხილეთ ფოტოგალერეა

მომზადებულია Hamptons-ის მიხედვით.