8 მარტს კას­პში, ომარ (თა­მაზ) ნავ­რო­ზაშ­ვი­ლის ეზო­ში მო­უ­ლოდ­ნე­ლად, პო­ლი­ცი­ე­ლე­ბი შე­იჭრ­ნენ. და­უ­პა­ტი­ჟე­ბე­ლი "სტუმ­რე­ბი" იქ გა­დაჭ­რილ თოფს ეძებ­დნენ. გაკ­ვირ­ვე­ბულ­მა ოჯა­ხის უფ­როს­მა ძა­ლო­ვა­ნებს უთხრა, რომ ასეთ ნივთს მის სახ­ლში ვერ იპო­ვიდ­ნენ. "ოპე­რა­ტი­უ­ლი ინ­ფორ­მა­ცია გვაქვს, სას­წრა­ფოდ ჩხრე­კა უნდა ჩა­ვა­ტა­როთ", - უთხრეს მას და ოთა­ხებ­ში შეც­ვივ­დნენ. მათი შე­ჩე­რე­ბა ოჯა­ხის დი­ა­სახ­ლის­მა, ზი­ნა­ი­და თეთ­ვა­ძემ სცა­და და ჩხრე­კის ორ­დე­რი მო­ი­თხო­ვა.

სა­მარ­თალ­დამ­ცვე­ლებს ორ­დე­რი არ აღ­მო­აჩ­ნდათ, ისი­ნი დი­ა­სახ­ლისს უხე­შად მო­ექ­ცნენ, რა­ზეც მისი ქა­ლიშ­ვი­ლი იქვე ჩა­ი­კე­ცა და გო­ნე­ბა და­კარ­გა...

ომარ ნავ­რო­ზაშ­ვილს ძა­ლო­ვა­ნებ­მა ია­რა­ღის უკა­ნო­ნო შე­ძე­ნა-შე­ნახ­ვის ბრალ­დე­ბა წა­უ­ყე­ნეს და 2.000-ლა­რი­ა­ნი გი­რაო გა­და­ახ­დე­ვი­ნეს.

ომარ ნავ­რო­ზაშ­ვი­ლი:

- ნა­ხე­ვა­რი სა­ა­თი ჩემი შვი­ლი გონ­ზე ვერ მოგ­ვყავ­და. არ ვი­ცო­დი, რა გა­მე­კე­თე­ბი­ნა, შვილს დავტრი­ა­ლებ­დით და სა­სო­წარ­კვე­თი­ლე­ბი, პო­ლი­ცი­ე­ლებს "სას­წრა­ფოს" გა­მო­ძა­ხე­ბას ვთხოვ­დით. ამა­ზეც უხე­ში უარი მი­ვი­ღეთ. არც უნერ­ვი­უ­ლი­ათ, ახალ­გაზ­რდა გოგო გონ­წა­სუ­ლი ბე­ტონ­ზე ეგდო, ისი­ნი ოთა­ხებ­ში დარ­ბოდ­ნენ და რა­ღა­ცას ეძებ­დნენ. გა­მომ­ძი­ე­ბელ სლა­ვა სირ­ბი­ლა­ძის მხრი­დან ზე­წო­ლას, აგ­რე­სი­ა­სა და მუ­ქა­რას ჰქონ­და ად­გი­ლი. ერ­თა­დერ­თი, ვინც ადა­მი­ა­ნუ­რად მო­იქ­ცა, პო­ლი­ცი­ე­ლი ლე­ვან გუ­გუ­ლაშ­ვი­ლი იყო, - ჩემი შვი­ლის გა­დარ­ჩე­ნას ცდი­ლობ­და... ალ­ბათ არას­დროს დაგ­ვა­ვი­წყდე­ბა ის სა­ში­ნე­ლი დღე. დღემ­დე ვერ ამიხ­სნია, ვის დას­ჭირ­და ჩემი ოჯა­ხის და­წი­ო­კე­ბა... ვფიქ­რობ, ეს არის სა­ბო­ტა­ჟი ახა­ლი ხე­ლი­სუფ­ლე­ბის წი­ნა­აღ­მდეგ - ვი­ღა­ცებს უნ­დათ, მო­სახ­ლე­ო­ბას იმე­დი და­უ­კარ­გონ. მი­ჭირს ამა­ზე ლა­პა­რა­კი, მაგ­რამ სო­ფელ­ში თი­თით საჩ­ვე­ნე­ბე­ლი ოჯა­ხი მაქვს. ჩვენ­თვის მუ­დამ პა­ტი­ოს­ნე­ბა იყო მთა­ვა­რი, სუფ­თა ცხოვ­რე­ბით მი­ცხოვ­რია და უცებ დამ­ნა­შა­ვის იარ­ლი­ყი მო­მა­კე­რეს, რა­საც ძა­ლი­ან გან­ვიც­დი.

- რო­გორც შე­ვი­ტყვე, თქვენს ოჯახ­ში პო­ლი­ცი­ე­ლე­ბის შე­მოჭ­რის წი­ნა­დღეს ძმა დაკ­რძა­ლეთ...

- კი, 7 მარტს დავ­კრძა­ლეთ და 8-ში მის საფ­ლავ­ზე გა­სას­ვლე­ლად ვემ­ზა­დე­ბო­დით... ჩემი უფ­რო­სი ძმა - გი­ორ­გი ჭი­და­ო­ბის "ჯა­დო­ქა­რი" გახ­ლდათ... მეც მო­ჭი­და­ვე ვი­ყა­ვი და ჭად­რაკ­საც ვთა­მა­შობ­დი. მრა­ვალ­გზის ჩემ­პი­ო­ნი და პრი­ზი­ო­რი ვარ, ოღონდ, ძმის­გან გან­სხვა­ვე­ბით, სა­ქარ­თვე­ლოს მას­შტა­ბით... 20 წლის გან­მავ­ლო­ბა­ში სკო­ლა­ში ფი­ზი­კა-მა­თე­მა­ტი­კას ვას­წავ­ლი­დი, მერე დი­რექ­ტო­რის მო­ად­გი­ლედ და­მა­წი­ნა­უ­რეს. მოგ­ვი­ა­ნე­ბით, კას­პის გა­ნათ­ლე­ბის გან­ყო­ფი­ლე­ბის სას­კო­ლო ინ­სპექ­ტო­რი გავ­ხდი. ლა­მის­ყა­ნის თე­მის დე­პუ­ტა­ტიც ვი­ყა­ვი. 2006 წლამ­დე კას­პის რა­ი­ო­ნის საკ­რე­ბუ­ლო­ში ვმუ­შა­ობ­დი, მაგ­რამ სა­ა­კაშ­ვი­ლის პო­ლი­ტი­კას არ ვი­ზი­ა­რებ­დი, ამის გამო რეპ­რე­სი­ის მსხვერ­პლი გავ­ხდი, სამ­სა­ხუ­რი­დან და­მი­თხო­ვეს... მოკ­ლედ, ჩემ­მა ოჯახ­მა რეპ­რე­სია უკვე მე­რამ­დე­ნედ გა­ნი­ცა­და...

- რას გუ­ლის­ხმობთ?

- 1949 წელს, ჯერ კი­დევ ჩვი­ლი იყო ჩემი მე­უღ­ლე, როცა უსა­მარ­თლო­ბის მსხვერ­პლი გახ­და. მისი ოჯა­ხი შუა აზი­ა­ში გა­და­ა­სახ­ლეს. უკი­დუ­რეს სი­დუ­ხ­ჭი­რე­ში, ოჯახ­თან ერ­თად, 7 წელი გა­ა­ტა­რა... უკვე გი­თხა­რით, რომ "ვარ­დე­ბის რე­ვო­ლუ­ცი­ის" შემ­დეგ სამ­სა­ხუ­რი­დან იმის გამო და­მი­თხო­ვეს, რომ სა­ა­კაშ­ვი­ლის რე­ჟი­მის უკა­ნო­ნო­ბებს არ ვემ­ხრო­ბო­დი. ამას, სკო­ლი­დან ჩემი მე­უღ­ლის გა­თა­ვი­სუფ­ლე­ბაც მოჰ­ყვა - აი­ძუ­ლეს, გან­ცხა­დე­ბა და­ე­წე­რა. ის რუ­სუ­ლი და ფრან­გუ­ლი ენე­ბის მას­წავ­ლე­ბე­ლია. უმაღ­ლე­სი კა­ტე­გო­რი­ის ერ­თა­დერ­თი სპე­ცი­ა­ლის­ტი იყო ლა­მის­ყა­ნის სკო­ლა­ში. იმა­ვე წელს სამ­სა­ხუ­რი­დან ჩემი გო­გოც გა­ა­თა­ვი­სუფ­ლეს, ბიჭი არ­სად მი­ი­ღეს და მთე­ლი ოჯა­ხი ულუკ­მა­პუ­როდ დავ­რჩით. ან­გა­რე­ბის გა­რე­შე ვიბ­რძო­დით ხე­ლი­სუფ­ლე­ბის შე­საც­ვლე­ლად და "ქარ­თულ ოც­ნე­ბას" მხარს ვუ­ჭერ­დით. არ­ჩევ­ნე­ბის შემ­დეგ სამ­სა­ხუ­რებ­ში აღ­დგე­ნა არ მოგ­ვი­თხო­ვია. ვფიქ­რობ­დი, რომ ეს ცვლი­ლე­ბე­ბი ჩემს ოჯახ­საც შე­ე­ხე­ბო­და. ყვე­ლა­ფე­რი პი­რი­ქით მოხ­და... ჩემი ოჯა­ხის მი­მართ გან­ხორ­ცი­ე­ლე­ბუ­ლი ქმე­დე­ბა მოწ­მენ­დილ ცაზე მე­ხის გა­ვარ­დნას ჰგავ­და... მინ­და, აღიკ­ვე­თოს პა­ტი­ო­სა­ნი ხალ­ხის წი­ნა­აღ­მდეგ მი­მარ­თუ­ლი უკა­ნო­ნო ქმე­დე­ბე­ბი და პა­სუ­ხი აგე­ბი­ნონ დამ­ნა­შა­ვე­ებს. ერთხელ და სა­მუ­და­მოდ, კას­პის პო­ლი­ცი­ელ­თა მხრი­დან ძა­ლა­დო­ბა უნდა შე­ჩერ­დეს.

- რაში გა­და­ნა­შა­უ­ლებ­დნენ?

- მი­თხრეს, რომ "გე­კოს" გა­დაჭ­რილ თოფს ეძებ­დნენ. მათ სას­წრა­ფოდ გა­მო­ვუ­ტა­ნე მა­მა­ჩე­მის ნა­ქო­ნი სა­ნა­დი­რო თოფი, რო­მე­ლიც რე­გის­ტრი­რე­ბუ­ლი იყო. ამ ია­რაღ­ზე პრე­ტენ­ზია არ გვაქ­ვსო, - მი­პა­სუ­ხეს. მამა წლე­ბის მან­ძილ­ზე საბ­ჭოს თავ­მჯდო­მა­რე იყო. სა­მა­მუ­ლო ომის მო­ნა­წი­ლე, მო­ნა­დი­რე­თა კავ­ში­რის წევ­რი იყო და ია­რა­ღი ძა­ლი­ან უყ­ვარ­და. ის წლე­ბის წინ გარ­და­იც­ვა­ლა. როცა ია­რა­ღის გა­და­სა­ფორ­მებ­ლად პო­ლი­ცი­ა­ში მი­ვე­დი, 70 ლარი მომ­თხო­ვეს. ეს თან­ხა არ მქონ­და. მი­თხრეს, რომ ამის გამო პრობ­ლე­მა არ შე­მექ­მნე­ბო­და; ფულს როცა ვი­შო­ვი­დი, ია­რაღს ჩემს სა­ხელ­ზე მა­შინ გა­და­ვი­ფორ­მებ­დი. მოკ­ლედ, იმ ია­რაღს გა­უ­ფორ­მე­ბელს ვი­ნა­ხავ­დი... "გეკო" ბუ­ნებ­რი­ვია, არ მქონ­და და ვერც იპო­ვეს, სა­მა­გი­ე­როდ, მა­მა­ჩე­მის კა­რა­და­ში ძვე­ლი ქარ­ხნუ­ლი ტყვი­ე­ბი აღ­მოჩ­ნდა. მას მერე, რაც მამა გარ­და­იც­ვა­ლა, მის უჯ­რას არ შევ­ხე­ბი­ვართ. არ უყ­ვარ­და, მის უჯ­რა­ში სხვა რომ იქე­ქე­ბო­და, ამი­ტომ არა­ვინ ვე­კა­რე­ბო­დით. ასე რომ, პო­ლი­ცი­ე­ლებ­მა ის ტყვი­ე­ბი მე მო­მა­წე­რეს და საბ­რძო­ლო მა­სა­ლის შე­ძე­ნა-შე­ნახ­ვა­ში და­მა­და­ნა­შა­უ­ლეს.

- აღი­ა­რეთ, რომ ის ტყვი­ე­ბი თქვენს სახ­ლში იყო?

- სი­მარ­თლე გი­თხრათ, პო­ლი­ცი­ე­ლე­ბის დევ­ნის თავი არ მქონ­და, რად­გან გო­ნე­ბა­და­კარ­გულ შვილს ვა­სუ­ლი­ე­რებ­დი. არც ის არის გა­მო­რი­ცხუ­ლი, რომ ის ტყვი­ე­ბი მათ ჩა­ე­ყა­რათ უჯ­რა­ში, მაგ­რამ ამა­საც დამ­ტკი­ცე­ბა უნდა. ამი­ტომ იძუ­ლე­ბუ­ლი ვარ, და­ვე­თან­ხმო მათ ვერ­სი­ას და ვთქვა, რომ მა­მა­ჩე­მის ნა­ქო­ნი ტყვი­ე­ბი მის უჯ­რა­ში ინა­ხე­ბო­და. თუმ­ცა მათი სიძ­ვე­ლე ექ­სპერ­ტი­ზას უნდა გა­ნე­სა­ზღვრა. ნა­წი­ლობ­რივ ვა­ღი­ა­რებ და­უ­დევ­რო­ბას. ალ­ბათ ამ­დე­ნი წლის მან­ძილ­ზე მა­მის უჯრე­ბი უნდა და­მეთ­ვა­ლი­ე­რე­ბი­ნა, მაგ­რამ რას ვი­ფიქ­რებ­დი, იმ ძველ კა­რა­და­ში ტყვი­ე­ბი თუ იქ­ნე­ბო­და?!. პრო­კუ­რა­ტუ­რამ ბრა­ლი წა­მი­ყე­ნა და სა­სა­მარ­თლომ ჯა­რი­მა და­მა­კის­რა. ძნე­ლია, არ აღ­შფოთ­დე, როცა უდა­ნა­შა­უ­ლო ადა­მი­ანს ასე გექ­ცე­ვი­ან... ამ­ბობ­დნენ, ოპე­რა­ტი­უ­ლი ინ­ფორ­მა­ცია გვაქ­ვსო, მაგ­რამ შე­იძ­ლე­ბა ცრუ, სა­ეჭ­ვო ინ­ფორ­მა­ცი­ის სა­ფუძ­ველ­ზე პა­ტი­ო­სა­ნი ოჯა­ხი აა­წი­ო­კო და გული გა­უ­ხეთ­ქო?! ამ ფაქ­ტით მთე­ლი სო­ფე­ლი აღ­შფო­თე­ბუ­ლია. ყვე­ლამ იცის, რომ კა­ნონ­დარ­ღვე­ვა არა­სო­დეს ჩაგ­ვი­დე­ნია... კას­პის პო­ლი­ცი­ის უფ­როსს ჩემ­მა ვაჟ­მა ჩხრე­კის ორ­დე­რის ჩვე­ნე­ბა რომ მოს­თხო­ვა, მან აგ­დე­ბუ­ლად უპა­სუ­ხა, - ინ­ტრი­გა­ნო­ბას თავი და­ა­ნე­ბეო!.. ვერ ავი­ტან იმას, რომ კრი­მი­ნა­ლად შემ­რა­ცხონ. ჭრი­ლო­ბა, რო­მე­ლიც ახა­ლი ხე­ლი­სუფ­ლე­ბის დროს მოგ­ვა­ყე­ნეს, არა­სო­დეს შეგ­ვი­ხორ­ცდე­ბა.U არ ვიცი, უც­ნა­უ­რი დამ­თხვე­ვაა თუ არა, მაგ­რამ ფაქ­ტია, - ვა­უ­ჩე­რი, რო­მე­ლიც სოფ­ლის მე­ურ­ნე­ო­ბის გან­ვი­თა­რე­ბის­თვის და­რიგ­და, რა­ტომ­ღაც მე არ მი­მი­ღია; მი­თხრეს, სი­ა­ში არ ხარ­თო. ახლა თქვენ თქვით, რა ჰქვია ამ ყვე­ლა­ფერს?

- წა­ყე­ნე­ბუ­ლი ბრა­ლი აღი­ა­რეთ?

- არ მინ­დო­და, ტყუ­ი­ლი მე­ღი­ა­რე­ბი­ნა, მაგ­რამ ჩემ მი­მართ ზე­წო­ლა და მუ­ქა­რა იყო. მომ­თხო­ვეს, ოქ­მზე ხელი მო­მე­წე­რა და ნა­წი­ლობ­რივ ბრა­ლი მე­ღი­ა­რე­ბი­ნა. გან­სა­კუთ­რე­ბით, გა­მომ­ძი­ე­ბე­ლი სლა­ვა სირ­ბი­ლა­ძე აქ­ტი­უ­რობ­და. მი­თხრეს, თუ ამას არ აღი­ა­რებ, ცი­ხე­ში გა­გიშ­ვებთ, სა­სა­მარ­თლოს პა­ტიმ­რო­ბის მო­თხოვ­ნით მივ­მარ­თავ­თო. წა­ყე­ნე­ბუ­ლი მუხ­ლი 7 წლამ­დე პა­ტიმ­რო­ბას ით­ვა­ლის­წი­ნებს და იძუ­ლე­ბუ­ლი ვი­ყა­ვი, მე­ღი­ა­რე­ბი­ნა ის, რაც სი­მარ­თლეს არ შე­ე­სა­ბა­მე­ბა. ისეთ სა­ხელ­მწი­ფოს რა ვუ­თხა­რი, რო­მე­ლიც სა­კუ­თა­რი ქვეყ­ნის მო­ქა­ლა­ქეს, წი­ნაპ­რის მიერ შე­ნა­ხუ­ლი, რამ­დე­ნი­მე და­ო­ბე­ბუ­ლი ვაზ­ნის აღ­მო­ჩე­ნის გამო სას­ტი­კად სჯის და სურს, და­ღუ­პოს.

- ჯა­რი­მა მო­გე­სა­ჯათ?

- 1.000-ლა­რი­ა­ნი ჯა­რი­მა და ერ­თწ­ლი­ა­ნი პი­რო­ბი­თი პა­ტიმ­რო­ბა - ეს იყო შე­თა­ვა­ზე­ბა. მი­თხა­რით, რა ლო­გი­კაა? მი­თხრეს, თუ 2.000 ლარს გა­და­იხ­დი, მა­შინ ნა­სა­მარ­თლო­ბა არ გექ­ნე­ბა და გან­რი­დე­ბას გა­გი­კე­თებ­თო. 10 აპ­რილს გა­მომ­ძი­ე­ბე­ლი ალექ­სან­დრე რთვე­ლი­აშ­ვი­ლი ტე­ლე­ფო­ნით და­მი­კავ­შირ­და და ეს პი­რო­ბა წა­მო­მი­ყე­ნა. სა­მარ­თალს სად ვი­პო­ვი­დი?!. ცი­ხე­ში რომ წავ­სუ­ლი­ყა­ვი, გული გა­მის­კდე­ბო­და და იძუ­ლე­ბუ­ლი გავ­ხდით, უმუ­შე­ვა­რი, გა­ნად­გუ­რე­ბუ­ლი ოჯა­ხი, ერ­თა­დერთ ხე­ხი­ლის ბაღს შევ­ლე­ო­დით - გაგ­ვე­ყი­და და ეს თან­ხა საპ­რო­ცე­სო გა­რი­გე­ბა­ში გა­და­მე­ხა­და. ეს ფუ­ლიც არ მეყო და ჩემ­მა შვილ­მა ვა­ლიც აიღო. 2.000 ლარი მო­გო­ნი­ლი და­ნა­შა­უ­ლის­თვის გა­და­ვი­ხა­დე. მო­ვი­თხოვ, ცრუ და ლა­ჩა­რი დამსმე­ნე­ბის, უკა­ნო­ნო ბრძა­ნე­ბის გამ­ცე­მი­სა და შემ­სრუ­ლებ­ლის დას­ჯას. ასე­ვე მო­ვი­თხოვ, ჩემს ოჯახს მო­რა­ლუ­რი ზი­ა­ნი აუ­ნა­ზღა­უ­რონ... ჩემი მე­უღ­ლე აღი­ა­რე­ბუ­ლია რეპ­რე­სი­ის მსხვერ­პლად. როცა გა­მო­ა­ცხა­დეს, რომ და­ზა­რა­ლე­ბუ­ლებს კომ­პენ­სა­ცი­ას მის­ცემ­დნენ, სა­ჩი­ვა­რი სა­სა­მარ­თლო­ში ჩვენც შე­ვი­ტა­ნეთ და მე­უღ­ლის­თვის მი­ყე­ნე­ბუ­ლი ფი­ზი­კუ­რი და მო­რა­ლუ­რი ზა­რა­ლის ანა­ზღა­უ­რე­ბა მო­ვი­თხო­ვეთ. თუმ­ცა დღემ­დე ეს საქ­მე გა­ნუ­ხილ­ვე­ლია და არა­ნა­ი­რი კომ­პენ­სა­ცია არ მიგ­ვი­ღია. რად­გან მე, რო­გორც მა­მის მემ­კვიდ­რეს, მა­გე­ბი­ნეს პა­სუ­ხი და ამ­ხე­ლა თან­ხა გა­და­მახ­დე­ვი­ნეს, კე­თი­ლი ინე­ბონ და ჩემს მე­უღ­ლე­საც გა­და­უ­ხა­დონ კუთ­ვნი­ლი თან­ხა! თუ სა­მარ­თა­ლი არ აღ­დგა, მა­შინ მივ­მარ­თავ დიპ­ლო­მა­ტი­ურ კორ­პუსს და რო­მე­ლი­მე ქვე­ყა­ნას პო­ლი­ტი­კურ თავ­შე­სა­ფარს ვთხოვ. მერ­წმუ­ნეთ, ამ­დენს არ გე­სა­უბ­რე­ბო­დით, ცამ­დე მარ­თა­ლი რომ არ ვიყო. მინ­და, ჩემი მო­ქა­ლა­ქე­ობ­რი­ვი მო­ვა­ლე­ო­ბა მო­ვი­ხა­დო და გან­ვა­ცხა­დო, რომ პო­ლი­ცია ახა­ლი ხე­ლი­სუფ­ლე­ბის პი­რო­ბებ­შიც აგ­რძე­ლეს უკა­ნო­ნო­ბას. მინ­და, სა­მარ­თა­ლი სა­მუ­და­მოდ აღ­დგეს და ასე უკა­ნო­ნოდ არა­ვის მო­ექ­ცნენ სა­ქარ­თვე­ლო­ში.

აღ­ნიშ­ნუ­ლი საქ­მის ირ­გვლივ კო­მენ­ტა­რი ვთხო­ვეთ ში­ნა­გან საქ­მე­თა სა­მი­ნის­ტროს სა­ზო­გა­დო­ე­ბას­თან ურ­თი­ერ­თო­ბის სამ­სა­ხუ­რის უფ­როსს ნინო გი­ორ­გო­ბი­ანს. მისი თქმით, შიდა ქარ­თლის სამ­ხა­რეო მთა­ვა­რი სამ­მარ­თვე­ლოს კას­პის რა­ი­ო­ნუ­ლი სამ­მარ­თვე­ლოს თა­ნამ­შრომ­ლებ­მა, მი­ღე­ბუ­ლი ოპე­რა­ტი­უ­ლი ინ­ფორ­მა­ცი­ი­სა და შე­სა­ბა­მი­სი ორ­დე­რის სა­ფუძ­ველ­ზე, კას­პის რა­ი­ო­ნის სო­ფელ ლა­მის­ყა­ნა­ში მცხოვ­რე­ბი ომარ ნავ­რო­ზაშ­ვი­ლის სახ­ლის ჩხრე­კი­სას გა­უ­ფორ­მე­ბე­ლი სა­ნა­დი­რო თოფი და 33 ცალი "გე­კოს" ვაზ­ნა ამო­ი­ღეს. გა­მო­ძი­ე­ბა ცე­ცხლსას­რო­ლი ია­რა­ღის უკა­ნო­ნო შე­ძე­ნა-შე­ნახ­ვა-ტა­რე­ბის ბრალ­დე­ბით (სსსკ-ის 236 მუხ­ლის 1-ლი ნა­წი­ლით) და­ი­წყო. თუმ­ცა ომარ ნავ­რო­ზაშ­ვი­ლი სა­მარ­თალ­დამ­ცვე­ლებ­მა 2.000 ლა­რის გი­რა­ოს სა­ნაც­ვლოდ, გან­რი­დე­ბით გა­ა­თა­ვი­სუფ­ლეს. ამო­ღე­ბულ სა­ნა­დი­რო თოფ­ზე კი მომ­სა­ხუ­რე­ბის სა­ა­გენ­ტოს მი­მარ­თეს გან­ცხა­დე­ბით და ნავ­რო­ზაშ­ვილს მის გა­და­ფორ­მე­ბა­ში და­ეხ­მარ­ნენ. გი­ორ­გო­ბი­ა­ნის თქმით, პო­ლი­ცი­ე­ლე­ბის მხრი­დან არა­კა­ნო­ნი­ერ მო­პყრო­ბას­თან და­კავ­ში­რე­ბით ნავ­რო­ზაშ­ვილს არა­ნა­ი­რი სა­ჩი­ვა­რი არ შე­უ­ტა­ნია.

თეა ხურ­ცი­ლა­ვა

ჟურ­ნა­ლი "გზა"

(გა­მო­დის ხუთ­შა­ბა­თო­ბით)