31
მაისიდღის ზოგადი ასტროლოგიური პროგნოზი
ჟურნალ "ტაბულას" მთავარი რედაქტორი თამარ ჩერგოლეიშვილი საპარლამენტო უმრავლესობის ერთ-ერთი ლიდერ თინა ხიდაშელს მოუწოდებს პოლიტიკური რეიტინგზე ზრუნვას სახელმწიფო არ გადააყოლოს. ამის შესახებ გიგა ბოკერიას მეუღლე სოციალურ ქსელ "ფეისბუქში" წერს.
"დღეს, სამ საათზე კანცელარიასთან აქციაა, სავარაუდოდ მცირერიცხოვანი, იმიტომ რომ სულ რაღაც ერთი საათის წინ შევიტყვე მე, ბევრმა ალბათ არც კი იცის.
მიუხედავად იმისა, რომ კომიკურად ჟღერს, მაინც მივმართავ ბ-ნ ღარიბაშვილს - იზრუნეთ ჩვენი გამოხატვის თავისუფლებასა და უსაფრთხოებაზე.
მივმართავ ქ-ნ თინა ხიდაშელს - მესმის რომ ქალიშვილობის შენარჩუნება გსურთ, მაგრამ გაითვალისწინეთ, რომ ძალადობაზე ექსკლუზიური უფლება ცივილიზებულ სახელმწიფოში აქვს სახელმწიფოს! იმისთვის, რომ ეს ექსკლუზიური უფლება შეინარჩუნოთ და სახელმწიფოდ დავრჩეთ - თეთრი ხელთათმანების გახდა მოგიწევთ.
მაღალი პოლიტიკური რეიტინგი მშვენიერი რამაა, მაგრამ ხელისუფლებაში ყოფნა პასუხისმგებლობას გაკისრებთ და მასზე ზრუნვას, სახელმწიფო არ უნდა გადააყოლოთ",- წერს ჩერგოლეიშვილი.
