25
მაისიდღის ზოგადი ასტროლოგიური პროგნოზი
კოლმეურნეობის მოედანზე ერთ-ერთ სამარშრუტო ტაქტს, რომელშიც სავარაუდოდ, ლგბტ-ები და მათი მხარდამჭერები ისხდნენ, ქვები დაუშინეს.
როგორც "ინტერპრესნიუსის" კორესპონდენტი იუწყება, ინციდენტის შედეგად, სავარაუდოდ, არიან დაშავებულები. დაშავდა პოლიციის ერთ-ერთი თანამშრომელიც.
არსებული ცნობით, მას ფეხი აქვს მოტეხილი. სხვა დაშავებულების შესახებ კონკრეტული ინფორმაცია ჯერ ცნობილი არაა, თუმცა შემთხვევის ადგილზე სასწრაფო დახმარების სამსახური უკვე გამოძახებულია.
ლგბტ-ებისა და მათი მხარდამჭერების წინააღმდეგ მიმართული აქციის მონაწილეების ერთი ნაწილი "თავისუფლების მოედანზე", პარლამენტის შენობასა და მიმდებარე ტერიტორიებზე ისევ რჩება.
თუმცა, როგორც "ინტერპრესნიუსის" კორესპონდენტი იუწყება, ამ დროისთვის ვითარება შედარებით განმუხტულია.
ადგილზე კვლავ იმყოფებიან სამართალდამცველები, თუმცა მათი რაოდენობა შემცირებულია.
აღსანიშნავია, რომ რამდენიმე წუთის წინ აქციის მონაწილეების ერთი ნაწილი მეუფე იაკობის მოწოდების საფუძველზე, სამების საკათედრო ტაძრისკენ დაიძრა, კიდევ ერთმა ნაწილმა კი კოლმეურნეობის მოედნისკენ გადაინაცვლა, სადაც, სავარაუდოდ, მათ ლგბტ-ები და მათი მხარდამჭერები შენიშნეს.
კოლმეურნეობის მოედანზე მომხდარი ინციდენტის მონაწილეები ამ დროისთვის სანაპიროზე, იუსტიციის სახლთან იმყოფებიან. როგორც "ინტერპრესნიუსის" კორესპონდენტი იუწყება, ისინი იმ სამარშრუტო ტაქსს დაედევნენ , რომელშიც, სავარაუდოდ, ლგბტ-ები და მათი მხარდამჭერები ისხდნენ.
აღსანიშნავია, რომ სექსუალური უმცირესობების საწინააღმდეგო აქციის მონაწილეებმა სამარშრუტო ტაქსის მინები ჩაამსხვრიეს და მასში მსხდომთ ქვები დაუშინეს, რის გამოც, არსებული ცნობით, არიან დაშავებულები.
მიუხედავად ამისა, სამარშრუტო ტაქსის მძღოლმა ავტომანქანის დაძვრა და ტერიტორიიდან მგზავრთა გაყვანა მოახერხა.
