29
მაისიდღის ზოგადი ასტროლოგიური პროგნოზი
დუბაის საერთაშორისო აეროპორტის მეორე ტერმინალის განახლებული დარბაზის გახსნის შედეგად, Flydubai-ს მგზავრებს საშუალება მიეცათ უფრო კომფორტულად იმოგზაურონ.
"ჩვენი კომპანია მუდმივად ზრუნავს თავის მომხმარებელზე. ჩვენ მგზავრებს არა მხოლოდ კომფორტულ ფრენას ვთავაზობთ, არამედ მეორე ტერმინალის განახლებული გამგზავრების დარბაზი მოგზაურობის კომფორტულ დაწყებასაც უზრუნველყოფს. დარბაზის განახლების პროცესმა მგზავრებისთვის მშვიდად ჩაიარა. ჩვენ ვიმედოვნებთ, რომ მგზავრებისთვის შექმნილი ახალი ხელსაყრელი პირობები მათ მოეწონებათ", - განაცხადა Flydubai-ს აღმასრულებელმა დირექტორმა, გაიტ ალ გაიტმა.
დუბაის საერთაშორისო აეროპორტის მეორე ტერმინალის განახლების პროექტის ღირებულება 600 მლნ. არაბულ დირჰამს შეადგენს. განახლებულ ტერმინალს ყოველწლიურად 10 მლნ მგზავრის მომსახურების საშუალება ექნება.
დუბაის აეროპორტების სტრატეგიის და განვითარების ვიცე-პრეზიდენტმა რიჩარდ ტალიანმა შემდეგი კომენტარი გააკეთა: "Flydubai სიდიდით მეორე ავიაკომპანიაა, რომელიც დუბაის საერთაშორისო აეროპორტიდან ასრულებს ფრენებს. მეორე ტერმინალში კი ის ყველაზე დიდი ავიაგადამზიდავია. ჩვენი სურვილია Flydubai-ს მგზავრებს მაქსიმალური კომფორტი შევუქმნათ. პროექტის ფარგლებში, ჩვენ მჭიდროდ ვთანამშრომლობთ Flydubai-სთან, რათა ავიაკომპანიის ზრდის სწრაფი ტემპიდან გამომდინარე, მისი მოთხოვნები და ტერმინალის განახლების გეგმა ერთმანეთთან თანხვედრაში მოვაქციოთ".
Flydubai პირველი ავიაკომპანია გახდა, რომელმაც წელს In-Flight Entertainment (IFE) სისტემის ფარგლებში, მგზავრებს ყოველდღიურად განახლებადი ელექტრონული გაზეთები შესთავაზა.
დუბაის პირველი დაბალბიუჯეტიანი და მსოფლიოს ყველაზე სწრაფად მზარდი ახალბედა ავიაკომპანიაა. მისი ოპერირების ქსელი ცენტრალური აღმოსავლეთის, აფრიკის, ინდოეთის სუბკონტინენტის, აზიის, ცენტრალური და აღმოსავლეთ ევროპის მიმართულებით 50-ზე მეტ ქალაქს მოიცავს. ავიაპარკი 28 თვითმფრინავისგან შედგება. Flydubai ქალაქ დუბაის მთავრობის საკუთრებას წარმოადგენს. დაბალბიუჯეტიანი ავიაკომპანია ხელს უწყობს ქალაქის კომერციული და ტურისტული სექტორის განვითარებას და ყველა მგზავრს სთავაზობს ხელმისაწვდომი ტარიფებით ფრენას საკმაოდ ბევრი მიმართულებით.
რა? სად? რა ფასად?
გაიგეთ "რადიო მარკეტში"
ყოველ სამუშაო დღეს 10:50 და 11:50 საათზე
რადიო "პალიტრის" ეთერში - FM 103.9
