გელა ხვედელიძის საქმე სასამართლოში შევიდა

შს მინისტრის ყოფილი პირველი მოადგილის, გელა ხვედელიძის საქმე სასამართლოში შევიდა. საქალაქო სასამართლოს პროკურატურამ აღმკვეთი ღონისძიების შეფარდების შუამდგომლობით უკვე მიმართა. თუმცა, როგორც ”ინტერპრესნიუსს” საქალაქო სასამართლოში განუცხადეს, პროცესი ჯერ ჩანიშნული არ არის, უცნობია აღმკვეთი ღონისძიების ის ფორმაც, რომელიც პროკურატურამ გელა ხვედელიძისთვის მოითხოვა.

შინაგან საქმეთა მინისტრის პირველი მოადგილე გელა ხვედელიძე შინაგან საქმეთა სამინისტრომ 12 მაისს სისხლის სამართლის კოდექსის 157-ე მუხლის მეორე ნაწილით დააკავა, რაც პირადი საიდუმლოების ხელყოფას გულისხმობს.

გელა ხვედელიძეს ბრალად ედება ჟურნალისტ გიორგი ფარესიშვილის პირადი ცხოვრების ამსახველი ვიდეომასალის გავრცელებაში, რომელიც სოციალურ ქსელში რამდენიმე დღის წინ გამოქვეყნდა.

გამორიცხული არ არის, მინისტრის ყოფილ მოადგილეს ოფიციალური წარდგინებისას ბრალი დაუმძიმონ. 157-ე მუხლის მეორე ნაწილი კი - 2 წლით თავისუფლების აღკვეთას ან ჯარიმას ითვალისწინებს.

"ინტერპრესნიუსი"