კვი­რას, სა­დღაც სა­ღა­მოს შვი­დი სა­ა­თის­კენ და­ა­ნონსდა, რომ ის­რა­ე­ლი­დან დაბ­რუ­ნე­ბუ­ლი შს მი­ნის­ტრი სა­გან­გე­ბო ბრი­ფინგს მარ­თავ­და და ვი­ღა­ცას სიკ­ვდი­ლის ბუზი აჯ­დე­ბო­და... მაგ­რამ ეს "ვი­ღა­ცა" თუ ღა­რი­ბაშ­ვი­ლის პირ­ვე­ლი მო­ად­გი­ლე, გელა ხვე­დე­ლი­ძე იქ­ნე­ბო­და, თურ­მე სულ ხუთ კაცს სცოდ­ნია... მოკ­ლედ, რო­გორც მი­ნის­ტრმა სა­გან­გე­ბოდ გვამ­ცნო, ხვე­დე­ლი­ძე გი­ორ­გი ფა­რე­სიშ­ვი­ლის პი­რა­დი ცხოვ­რე­ბის ამ­სახ­ვე­ლი კად­რე­ბის გავ­რცე­ლე­ბის გამო და­ა­კა­ვე­სო:

"ჩვენ გავ­ხსე­ნით და და­ვად­გი­ნეთ იმ და­ნა­შა­უ­ლის ყვე­ლა ფაქ­ტობ­რი­ვი გა­რე­მო­ე­ბა. პირ­ვე­ლი - კად­რე­ბი გა­და­ღე­ბუ­ლია წინა ხე­ლი­სუფ­ლე­ბის კუდ-ის მიერ, ცხა­დია, უკა­ნო­ნოდ, გი­ორ­გი ფა­რე­სიშ­ვილ­ზე ფსი­ქო­ლო­გი­უ­რი ზე­მოქ­მე­დე­ბი­სა და ფა­რულ თა­ნამ­შრომ­ლო­ბა­ზე და­ყო­ლი­ე­ბის მიზ­ნით. ახა­ლი ხე­ლი­სუფ­ლე­ბის მოს­ვლის შემ­დეგ ეს და სხვა კად­რე­ბი და­ი­ლუ­ქა დად­გე­ნი­ლი წე­სით, თუმ­ცა არ გვაქვს იმის გა­რან­ტია, რომ წინა ხე­ლი­სუფ­ლე­ბის წარ­მო­მად­გე­ნელ­თა ხელ­ში არ არის ას­ლე­ბი. ამ და სხვა უკა­ნო­ნო კად­რე­ბის უსაფრ­თხო­ე­ბის უზ­რუნ­ველ­ყო­ფა, სხვა პი­რებ­თან ერ­თად, მინ­დო­ბი­ლი ჰქონ­და ჩემს ყო­ფილ პირ­ველ მო­ად­გი­ლეს, გელა ხვე­დე­ლი­ძეს. პი­რა­დად ჩემ­თვის, ეს არის ძა­ლი­ან არა­ს­ა­სი­ა­მოვ­ნო ფაქ­ტი. ჩემ­მა პირ­ველ­მა მო­ად­გი­ლემ ჩა­ი­დი­ნა არა მარ­ტო და­ნა­შა­უ­ლი, არა­მედ მო­ხე­ლის­თვის შე­უ­ფე­რე­ბე­ლი საქ­ცი­ე­ლი. მან არა­ა­დეკ­ვა­ტუ­რად და მტკივ­ნე­უ­ლად მი­ი­ღო მის მი­მართ მე­დი­ით გავ­რცე­ლე­ბუ­ლი უსა­ფუძ­ვლო ბრალ­დე­ბე­ბი და ფა­რე­სიშ­ვილ­ზე შუ­რის­ძი­ე­ბის მო­ტი­ვით, და­მო­უ­კი­დებ­ლად გა­ნა­თავ­სა ეს კად­რე­ბი ინ­ტერ­ნეტ­სივ­რცე­ში".

"სა­ღოლ, ირაკ­ლი!", "დღე­ი­დან ჩემი რჩე­უ­ლი მი­ნის­ტრი ხარ!", "გა­ბე­და!", "ვააა, გელა?! ირაკ­ლის ფანი გავ­ხდი!"... "ვა­ნომ და­წე­რა, მე­რა­ბიშ­ვილ­მა, რა ფრთებს ას­ხამთ ღა­რი­ბაშ­ვილს, მე არ მყავ­და მო­ად­გი­ლე, თო­რემ მის და­ჭე­რას ვინ და­მას­წრებ­დაო..." - და­ახ­ლო­ე­ბით ასე­თი გან­წყო­ბა იყო სო­ცი­ა­ლურ ქსელ "ფე­ის­ბუქ­ში"... ვინ ვინ და, "ალი­ას" და "ქრო­ნი­კის" მკი­თხველ­მა კარ­გად იცის, ხვე­დე­ლი­ძე­ზე რამ­დე­ნი მამ­ხი­ლე­ბე­ლი მა­სა­ლა დაგ­ვი­ბეჭ­დავს. ჩვე­ნი რეს­პო­დენ­ტე­ბი მის წი­ნა­აღ­მდეგ უამ­რავ კომ­პრო­მა­ტებს ასა­ხე­ლებ­დნენ. ისე, ვა­ღი­ა­რებთ, ხვე­დე­ლი­ძის მხი­ლე­ბა­ში ყვე­ლა რე­კორდს ხსნი­და "სა­ხალ­ხო კრე­ბის" წევ­რი ლაშა ამი­რე­ჯი­ბი, რო­მე­ლიც თვე­ე­ბია ამ­ტკი­ცებ­და, რომ გელა ხვე­დე­ლი­ძე მე­რა­ბიშ­ვი­ლის კად­რი იყო და "ვანო-2" ღა­რი­ბაშ­ვი­ლის უწყე­ბა­ში. ლაშა ამი­რე­ჯი­ბი, "ქრო­ნი­კის" არ­ქი­ვი­დან:

"...ბოლო დღე­ებ­ში გავ­რცელ­და ინ­ფორ­მა­ცია, რომ სა­ქარ­თვე­ლო­ზე გა­ი­ა­რა 85-მა კი­ლოგ­რამ­მა ჰე­რო­ინ­მა, რო­მე­ლიც მოხ­ვდა უკ­რა­ი­ნა­ში და შემ­დეგ გა­და­ვი­და ბე­ლო­რუ­სი­ა­ში, და­ა­კა­ვეს ეს­ტო­ნეთ-ბე­ლო­რუ­სი­ის სა­ზღვარ­ზე. ამ ტვირ­თის ღი­რე­ბუ­ლე­ბა იყო 5 მი­ლი­ო­ნი დო­ლა­რი. ახლა ვკი­თხუ­ლობ, ვინ კუ­რი­რებს დღეს უშიშ­რო­ე­ბის სამ­სა­ხურს და სა­ზღვრის დაც­ვის დე­პარ­ტა­მენტს? ვინ და გელა ხვე­დე­ლი­ძე..."

"...გელა ხვე­დე­ლი­ძე სულ ახ­ლა­ხან გა­და­იყ­ვა­ნეს ირაკ­ლი ღა­რი­ბაშ­ვი­ლის პირ­ველ მო­ად­გი­ლედ. მე ყო­ველ­თვის ვამ­ბობ­დი და ახ­ლაც ვამ­ბობ, რომ გელა ხვე­დე­ლი­ძე იყო და არის ვანო მე­რა­ბიშ­ვი­ლის კად­რი და ფა­რუ­ლად ყო­ველ­თვის ემ­სა­ხუ­რე­ბო­და "ნა­ცი­ო­ნა­ლურ მოძ­რა­ო­ბას"!... ასე, მა­გა­ლი­თად, კარ­ვე­ბის ცნო­ბი­ლი აქ­ცი­ის დროს (მა­შინ ხვე­დე­ლი­ძე ოპო­ზი­ცი­ა­ში იყო - რედ.) გელა ხვე­დე­ლი­ძე ხში­რად ჰყავთ ნა­ნა­ხი ში­ნა­გან საქ­მე­თა სა­მი­ნის­ტროს მა­ღალ­ჩი­ნოს­ნე­ბის კა­ბი­ნე­ტი­დან გა­მო­სუ­ლი..."

19 აპ­რი­ლის აქ­ცი­ამ­დე რამ­დე­ნი­მე დღით ადრე კი "ქრო­ნი­კას" ექ­სკლუ­ზი­უ­რი ინ­ტერ­ვიუ მის­ცა თა­ვად ირაკ­ლი ღა­რი­ბაშ­ვილ­მა:

- ბა­ტო­ნო ირაკ­ლი, აქვე ჩა­გე­კი­თხე­ბით, თქვენს პირ­ველ მო­ად­გი­ლე­ზე - გელა ხვე­დე­ლი­ძე­ზე უამ­რა­ვი უარ­ყო­ფი­თი ინ­ფორ­მა­ცია ქვეყ­ნდე­ბა, ამ­ბო­ბენ, რომ ის არის ვა­ლე­რი ხა­ბუ­რძა­ნი­ას კად­რი, რო­მე­ლიც შემ­დგომ "ფო­რუმ­ში" აღ­მოჩ­ნდა, გუ­ბაზ სა­ნი­კი­ძის მეშ­ვე­ო­ბით, გუ­ბაზ სა­ნი­კი­ძე და ხა­ბუ­რძა­ნია მე­გობ­რე­ბი არი­ან. რამ­დე­ნად ენ­დო­ბით გელა ხვე­დე­ლი­ძეს?

- ხვე­დე­ლი­ძე არის ჩემი ერ­თგუ­ლი და მე მას ვენ­დო­ბი, ის არის თა­ვი­სი საქ­მის და ქვეყ­ნის ერ­თგუ­ლი, შე­სა­ბა­მი­სად, ყვე­ლა ის ჭორი და ბრალ­დე­ბე­ბი არის აბ­სო­ლუ­ტუ­რად უსა­ფუძ­ვლო. შე­სა­ბა­მი­სად, ეს ყვე­ლა­ფე­რი ძა­ლი­ან გაზ­ვი­ა­დე­ბუ­ლია, სა­ზო­გა­დო­ე­ბის­თვის ცნო­ბი­ლი ადა­მი­ა­ნე­ბი გა­მო­დი­ან პრე­სით და ინ­ტერ­ვი­უ­ებ­ში ამ­ბო­ბენ, რომ ხვე­დე­ლი­ძე სა­კუ­რა­ტო­რო­ში და­ი­ნიშ­ნა, სის­ტე­მას იგი­ვე პი­რე­ბი მარ­თა­ვენ, ეს უბ­რა­ლოდ ასე არ არის, ასე­თი დე­ზინ­ფორ­მა­ცია ჩემ­თვის ღი­მი­ლის მომ­გვრე­ლია.

ფაქ­ტია, ღა­რი­ბაშ­ვილს ეს ამ­ბა­ვი არ სჯე­რო­და, მაგ­რამ სჯობს გვი­ან, ვიდ­რე არას­დრო­სო... მარ­თა­ლია, ხვე­დე­ლი­ძე დიდი ვე­რა­ფე­რი ბრალ­დე­ბით და­ა­კა­ვეს (ამა­ზე ცოტა ქვე­მოთ), მაგ­რამ რა იცი, გა­მო­ძი­ე­ბა საით წავა და რას ამო­უ­ქე­ქა­ვენ ყო­ფილ მო­ად­გი­ლეს...

თა­ვად ამ საქ­მის "გმი­რი" გი­ორ­გი ფა­რე­სიშ­ვი­ლი კი "ქრო­ნი­კას­თან" სა­უ­ბარ­ში ამ­ბობს, რომ ეს არის სა­მარ­თლი­ა­ნო­ბის აღ­დგე­ნის პირ­ვე­ლი ეტა­პი:

- რო­დე­საც კუდ-ის თა­ნამ­შრომ­ლე­ბის მიერ მოხ­და ჩემი "და­ვერ­ბოვ­კე­ბის" მცდე­ლო­ბა, ამის შემ­დეგ მე ვი­ყა­ვი უკ­რა­ი­ნა­ში გაქ­ცე­უ­ლი, მა­შინ ჩემ­ზე იყო ასე­თი ზე­წო­ლა, - შენ ვერ ჩა­გი­დებთ ნარ­კო­ტიკს, ვერ ჩა­გი­დებთ ია­რაღს, მაგ­რამ რა­მეს გა­გი­კე­თებთ, რა­მეს გა­გი­ჩა­ლი­ჩებთ! მე ვამ­ბობ, რომ ეს ფირი არის ფაბ­რი­კა­ცია და ამას უკე­თე­სად გა­ვარ­კვევთ მო­მა­ვალ­ში.

- ღა­რი­ბაშ­ვი­ლი ამ­ბობს, რომ ფირი გა­და­ღე­ბუ­ლია ძვე­ლი ხე­ლი­სუფ­ლე­ბის კუდ-ის მიერ, ამა­ში ეთან­ხმე­ბი?

- მე არ გა­მოვ­რი­ცხავ, რომ ეს იყოს ძვე­ლი ხე­ლი­სუფ­ლე­ბის მიერ გა­კე­თე­ბუ­ლი, მაგ­რამ ფაქ­ტია, რომ დღე­ვან­დე­ლი ხე­ლი­სუფ­ლე­ბის ში­ნა­გან საქ­მე­თა მი­ნის­ტრის მო­ად­გი­ლემ გა­ავ­რცე­ლა. მე ერთ კო­რექ­ტი­რე­ბას შე­ვი­ტან ბა­ტო­ნი ირაკ­ლის ნათ­ქვამ­ში, რა­საც მე ვამ­ბობ­დი, ეს არ იყო ცი­ლისმწა­მებ­ლუ­რი გან­ცხა­დე­ბე­ბი გელა ხვე­დე­ლი­ძის მი­მართ.

- რო­გორ ფიქ­რობ, ყვე­ლა­ფე­რი ამით ამო­ი­წუ­რა, თუ სხვე­ბიც არი­ან ამ საქ­მე­ში გა­რე­უ­ლე­ბი?

- მე მო­ვი­თხოვ ლაშა ნაც­ვლიშ­ვი­ლის შე­მოწ­მე­ბას ნარ­კო­ტი­კებ­ზე.

- ეგ გა­სა­გე­ბია, მაგ­რამ მა­ინ­ტე­რე­სებს, კონ­კრე­ტულ საქ­მე­ში ლაშა ნაც­ვლიშ­ვი­ლი და გია ხუ­ხაშ­ვი­ლიც მო­ნა­წი­ლე­ობ­დნენ?

- ამის შე­სა­ხებ უახ­ლო­ეს დღე­ებ­ში ვი­სა­უბ­რებ, სა­ზო­გა­დო­ე­ბა კი­დევ ბევ­რს გა­ი­გებს. გელა ხვე­დე­ლი­ძეს ჩემ მი­მართ ბინ­ძუ­რი ინ­ტე­რე­სი გა­უჩ­ნდა არა ახლა, არა­მედ მა­შინ, როცა მე ვი­ყა­ვი "ქარ­თულ ოც­ნე­ბა­ში" და ის ვამ­ხი­ლე ორ­მაგ თა­მაშ­ში. მარ­თა­ლია, მა­შინ მტყუ­ა­ნი მე აღ­მოვ­ჩნდი, მაგ­რამ სი­მარ­თლე ახლა მა­ინც გა­ირ­კვე­ვა.

ამ საქ­მე­ში არ­სე­ბობს უამ­რა­ვი კი­თხვა: გელა ხვე­დე­ლი­ძე მარ­ტო მოქ­მე­დებ­და თუ კი­დევ ვინ­მეს და­პა­ტიმ­რე­ბაა და­გეგ­მი­ლი? სად არის გელა ხვე­დე­ლი­ძის აღი­ა­რე­ბი­თი ჩვე­ნე­ბა, იქ­ნებ ვინ­მემ ისარ­გებ­ლა შექ­მნი­ლი სი­ტუ­ა­ცი­ით, შე­აღ­წია მის კომ­პი­უ­ტერ­ში და ატ­ვირ­თა ჩა­ნა­წე­რი? ამ კი­თხვებ­ზე ში­ნა­გან საქ­მე­თა სა­მი­ნის­ტრო პა­სუხს ჯერ­ჯე­რო­ბით ვერ იძ­ლე­ვა, პრეს­სამ­სა­ხუ­რის უფ­რო­სის, ნინო გი­ორ­გო­ბი­ა­ნის თქმით, გა­მო­ძი­ე­ბა გრძელ­დე­ბა და უახ­ლო­ეს ხან­ში ყვე­ლა­ფე­რი გახ­დე­ბა ცნო­ბი­ლი. 12 მა­ისს, გვი­ან ღა­მით ში­ნა­გან საქ­მე­თა სა­მი­ნის­ტრომ გა­ავ­რცე­ლა ინ­ფორ­მა­ცია იმის თა­ო­ბა­ზე, რომ გელა ხვე­დე­ლი­ძემ და­ნა­შა­უ­ლი აღი­ა­რა. თუმ­ცა ამი­სი და­მამ­ტკი­ცე­ბე­ლი დო­კუ­მენ­ტი არ გვი­ნა­ხავს. სა­მი­ნის­ტროს გან­ცხა­დე­ბა­ში ასე­ვე ნათ­ქვა­მია, რომ გე­ნე­რა­ლურ­მა ინ­სპექ­ცი­ამ გელა ხვე­დე­ლი­ძე სის­ხლის სა­მარ­თლის კო­დექ­სის 157-ე მუხ­ლის მე-2 ნა­წი­ლით (პი­რა­დი ან ოჯა­ხუ­რი სა­ი­დუმ­ლოს უკა­ნო­ნოდ გა­მო­ყე­ნე­ბა ანდა გავ­რცე­ლე­ბა ამა თუ იმ ხერ­ხით გავ­რცე­ლე­ბულ ნა­წარ­მო­ებ­ში, მა­სობ­რი­ვი მა­უ­წყებ­ლო­ბით ან სხვა სა­ჯა­რო გა­მოს­ვლი­სას) გათ­ვა­ლის­წი­ნე­ბუ­ლი და­ნა­შა­უ­ლის ჩა­დე­ნის­თვის და­ა­კა­ვა. და­ნა­შა­უ­ლი ის­ჯე­ბა ჯა­რი­მით, ან გა­მას­წო­რე­ბე­ლი სა­მუ­შა­ო­თი ვა­დით ორ წლამ­დე, ან თა­ვი­სუფ­ლე­ბის აღ­კვე­თით იმა­ვე ვა­დით. ალ­ბათ, ეჭვი არა­ვის ეპა­რე­ბა ამ ქვე­ყა­ნა­ში, რომ გელა ხვე­დე­ლი­ძე ჯა­რი­მას გა­და­იხ­დის და რამ­დე­ნი­მე დღე­ში ისევ თა­ვი­სუფ­ლე­ბა­ზე იქ­ნე­ბა და სად­მე შე­ა­ყო­ფი­ნე­ბენ ცხვირს... რა ვიცი, რა ვიცი... ამ ეჭ­ვის სა­ფუძ­ველს გიგა ჩრდი­ლე­ლის ის­ტო­რია მაძ­ლევს - ალ­ბათ ყვე­ლას კარ­გად გახ­სოვთ, როცა ივა­ნიშ­ვი­ლი პირ­ვე­ლად გა­მოჩ­ნდა პო­ლი­ტი­კა­ში, აგენ­ტის რო­გო­რი სა­ხე­ლით გა­ა­ძე­ვა "ქარ­თუ ჯგუ­ფი­დან" ვინ­მე გიგა ჩრდი­ლე­ლი... რამ­დე­ნი­მე თვის წინ ეს ადა­მი­ა­ნი უკან მი­აბ­რუ­ნა და სა­ა­ვი­ა­ციო ქარ­ხნის სა­მეთ­ვალ­ყუ­რეო საბ­ჭოს თავ­მჯდო­მა­რედ და­ნიშ­ნა.

ირაკ­ლი ღა­რი­ბაშ­ვილ­მა ასე­ვე გა­ა­კე­თა გან­ცხა­დე­ბა იმის თა­ო­ბა­ზე, რომ და­უ­ყოვ­ნებ­ლივ გა­ნად­გურ­დე­ბა წინა ხე­ლი­სუფ­ლე­ბის მიერ შექ­მნი­ლი პი­რა­დი ცხოვ­რე­ბის ამ­სახ­ვე­ლი ბინ­ძუ­რი არ­ქი­ვი. თუმ­ცა მან არც ის გა­მო­რი­ცხა, რომ ამ კად­რე­ბის ას­ლე­ბი ყო­ფი­ლი ხე­ლი­სუფ­ლე­ბის წარ­მო­მად­გენ­ლებ­საც ჰქონ­დეთ. თუკი ასეა, მა­შინ კი­დევ და­მა­ტე­ბი­თი ღო­ნის­ძი­ე­ბე­ბია ჩა­სა­ტა­რე­ბე­ლი... კი, ბა­ტო­ნო, და­ვუშ­ვათ, ვი­ღა­ცამ გა­მო­აქ­ვეყ­ნა და ცხელ კვალ­ზე­ვე და­ა­პა­ტიმ­რეს, ე.წ. და­ზა­რა­ლე­ბულს რა ხე­ი­რი? და­ბო­ლოს, იმე­დია, ბა­ტო­ნი ბი­ძი­ნა ივა­ნიშ­ვი­ლი ამ მწა­რე გაკ­ვე­თი­ლის შემ­დეგ მა­ინც აღარ და­უდ­გე­ბა თა­ვის მი­ნის­ტრებ­სა თუ მათ მო­ად­გი­ლე­ებს უფა­სო ად­ვო­კა­ტად და რო­გორც და­ვით სერ­გე­ენ­კოს შემ­თხვე­ვა­ში თქვა - მე არ ვიცი ის დე­ტა­ლე­ბი, რა­ზეც მას კობა და­ვი­თაშ­ვი­ლი ბრალს სდებს, მაგ­რამ ეჭვი არ მე­პა­რე­ბა, რომ ტყუ­ი­ლია, რად­გან სერ­გე­ენ­კოს ვენ­დო­ბი და მას­ში ეჭვი არ მე­პა­რე­ბაო - გა­და­უ­მოწ­მებ­ლად, ასე სა­ჯა­როდ აღარ იტყვის.

გელა ზე­დე­ლაშ­ვი­ლი

გა­ზე­თი "კვი­რის ქრო­ნი­კა"