როგორ მიითვისა თაღლითმა 7 სოფლის მოხუცების პენსია

სოფელ მუღანლოს მკვიდრმა იმრან ალიევმა, რომელიც წლების განმავლობაში პენსიების დამტარებლად მუშაობდა თანასოფლელი პენსიონერები მოატყუა. მან მოსახლეობის ნდობით ისარგებლა, "ლიბერთი ბანკიდან" იორმუღანლოს თემის მაცხოვრებლების აპრილის თვის პენსია გამოიტანა და მიიმალა. აღნიშნულ ფაქტთან დაკავშირებით დაწყებულია გამოძიება.

მოსახლეობა ეჭვობს, რომ საქმე წინასწარ უნდა ყოფილიყო დაგეგმილი. მათი განმარტებით, სანამ ეს მოხდებოდა, ცოტა ხნით ადრე იმრან ალიევი ცოლს ფიქტიურად გაეყარა, რათა მეუღლეს არავინ მოსდავებოდა. "ჩვენი საპენსიო ბარათები მას ჰქონდა და ასე გამოიტანა. ფულს ვეღარ ვიღებთ, ძალიან ცუდ მდგომარეობაში ჩავვარდით. დაახლოებით მილიონ ლარზეა ლაპარაკი. ეს თანხა იორმუღანლოს თემში შემავალი შვიდივე სოფლის მოსახლეობას ეკუთვნოდა. დაახლოებით ორი კვირაა, რაც ეს ამბავი მოხდა. როგორც ამბობენ, საქართველოში აღარ იმყოფება, რუსეთში გადავიდა. ბრმად ვენდობოდით, რადგან წლები ამ საქმეზე მუშაობდა", - ამბობენ ადგილობრივები.

იხილეთ ვრცლად

”სპექტრი”