მნიშვნელოვანი ინფორმაცია
8
ივნისიდღის ზოგადი ასტროლოგიური პროგნოზი
კვირა, მთვარის მეცამეტე დღე დაიწყება 19:40-ზე, მთვარე მორიელშია – კარგია ჯგუფური მუშაობისთვის, ახალი ინფორმაციის მოსაპოვებლად, სწავლის დასაწყებად. საყოფაცხოვრებო ნივთების დაგროვების, შეძენისა და წარმოებისთვის. კარგია პურის გამოცხობა. არ არის რეკომენდებული სერიოზული საქმეების და ვალდებულებების შესრულება, განსაკუთრებით მარტო. ადრე დაწყებული პროექტების მიტოვება. სიზარმაცე. ხელსაყრელი დღეა მოგზაურობისთვის, მივლინების ან მომლოცველებისთვის. აგრეთვე ოჯახის შესაქმნელად.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
როგორ იხდიან მოხუცები პენსიით გირაოს თანხას - არაადეკვატური სასამართლო განაჩენები
23:14 / 10-05-2013
სასამართლოს რეფორმირების საკითხის გარშემო დიდი აჟიოტაჟია ატეხილი. ეს თემა ხელისუფლებასა და ოპოზიციას შორის ერთგვარ საჯილდაო ქვადაც იქცა. არადა, ფაქტია - სასამართლოში აუცილებლად არის რაღაც შესაცვლელი, მოსამართლეები სამართლის აღმსრულებლები უნდა გახდნენ და არა "ინკვიზიტორები". გთავაზობთ ბოლო წლების არაადეკვატური სასამართლო გადაწყვეტილებების არასრულ ჩამონათვალს, რაც ადასტურებს, რომ ამ სისტემაში ბევრი რამ ძირფესვიანად არის შესაცვლელი.
ერთი წელი 35-ლარიანი ფიცრისთვის
2010 წლის 4 სექტემბერს სოფელ წიწამურში მდებარე მცხეთის სატყეო უბანზე ქურდობა მოხდა. სატყეო უბნის დარაჯი იმ დღეს საგურამოს პოლიციაში მივიდა და განაცხადა, რომ სატყეოში დასაწყობებული ხის მასალიდან 2 კოჭი და 1 ფიცარი მოიპარეს. პოლიციამ იმავე დღეს ქურდობის ბრალდებით სოფელ საგურამოში, დევნილთა ჩასახლებაში მცხოვრები მხატვარი, 63 წლის ვალიკო ჭილაშვილი დააპატიმრა. ჭილაშვილი ქურდობას კატეგორიულად უარყოფდა, თუმცა პროკურატურამ ბრალი წაუყენა და საქმე სასამართლოს გადასცა. 35 ლარად შეფასებული ხის მასალის ქურდობაში ბრალდებულ ვალერიან ჭილაშვილს მცხეთის სასამართლომ 2000-ლარიანი გირაო შეუფარდა და ამ თანხის გადახდისთვის 30-დღიანი ვადა მისცა. ჭილაშვილმა გირაო არ გადაიხადა, რადგან მიაჩნდა, რომ თანხის გადახდა დანაშაულის აღიარებას ნიშნავდა. მოსამართლე რომან ხორავამ მას ერთი წლით პატიმრობა მიუსაჯა.
ჯართის საქმე
ავჭალელი 19 წლის გიორგი ჩუბინიძის საქმეც ოდიოზურია, ის დღემდე იხდის სასჯელს ჩაუდენელი დანაშაულისთვის. ჩუბინიძე თბილისის დასუფთავების სამსახურში მუშად მუშაობდა, პარალელურად, დასვენების დღეებში "ჟიგულით" "ტაქსაობდა".
ჩუბინიძე 2011 წლის 3 იანვარს დილის 11 საათზე ავჭალის დასახლებაში პოლიციამ იმ დროს დააპატიმრა, როცა კლიენტის შეგროვებულ ჯართს მანქანაში ტვირთავდნენ და მიმღებ პუნქტში მიჰქონდათ. მასთან ერთად 3 პირი დააპატიმრეს, ერთ-ერთი არასრულწლოვანი იყო. პოლიციამ დაკავებულები ჯართის ქურდობის მცდელობაში დაადანაშაულა, მათი ოჯახის წევრები ამბობდნენ, რომ რამდენიმე ჟანგიანი მილი, თუნუქის ნაჭრები და გაფუჭებული გაზქურა რკინიგზის მშენებლობისთვის დანგრეული სახლების ნანგრევებიდან შეაგროვეს და არ მოუპარავთ. სამი დაკავებული საპროცესო შეთანხმების საფუძველზე გაათავისუფლეს. პატიმრობაში დატოვეს ტაქსის მძღოლი გიორგი ჩუბინიძე, რომელიც წარსულში ნასამართლევი იყო და პირობითი მსჯავრი ჰქონდა მისჯილი. მიუხედავად იმისა, რომ ჩუბინიძის ოჯახი შეჭირვებულად ცხოვრობს, ადვოკატი მაინც დაიქირავეს და იმის დამტკიცებას ცდილობდნენ, რომ გიორგი მხოლოდ ტაქსის მძღოლი იყო და ჯართის წარმომავლობის შესახებ არაფერი იცოდა. ადვოკატმა მოწმეებიც იპოვა, რომლებიც ჩუბინიძის უდანაშაულობას ადასტურებდნენ, თუმცა სასამართლომ მათ დაკითხვაზე უარი თქვა. საბოლოოდ, მოსამართლე ბადრი კოჭლამაზაშვილმა მას 56 ლარის და 46 თეთრის ღირებულების ჯართის ქურდობის მცდელობაში მონაწილეობისთვის 8 წელი მიუსაჯა.
საზამთროს საქმე
30 ცალი საზამთროს მოპარვის მცდელობა სამ არასრულწლოვანს ძვირი დაუჯდა. ზარალი, რომელიც მათ თანასოფლელის მიაყენეს, 37 ლარი იყო.
მოსამართლემ მოზარდებს აღკვეთის ღონისძიების სახით 5-5 ათასი ლარის გირაოს გადახდა დააკისრა. გირაოს შეტანის ვადად ორ მათგანს 30, ხოლო მესამეს, სოციალურად დაუცველს, 20 დღე განუსაზღვრეს. ოჯახმა გირაოსთვის საჭირო ფულის შოვნა ვერ შეძლო და თანხის სანაცვლოდ სახლი დააგირავა.
6 ათასი ლარი 15 კგ სიმინდისთვის
ტარას ცინდელიანის ოჯახი სვანეთიდან დმანისში 20 წლის წინ ჩამოსახლდა. ის 2011 წლის 5 დეკემბერს, დილით, მეუღლესთან, ლუბა ცინდელიანთან ერთად, ტყეში ფიჩხის შესაგროვებლად წავიდა.Gგზად მათ სიმინდის ყანა შენიშნეს, რომელსაც სოფლის საქონელი მისეოდა და ანადგურებდა.
ცოლ-ქმარმა სიმინდის შეგროვება გადაწყვიტა. მათ დაახლოებით 10-15 კგ სიმინდი ჰქონდათ შეგროვებული, როცა ყანის მეპატრონე გამოჩნდა, რამდენიმე წუთში მათთან პოლიციაც მივიდა და ცინდელიანი დააპატიმრეს.
დაკითხვისას ტარას ცინდელიანმა დეტალურად მოუთხრო გამომძიებელს რა და როგორ მოხდა, ამის შემდეგ მათ ცინდელიანის მეუღლე ლუბაც დააკავეს. მათმა ქმედებამ ჯგუფური დანაშაულის სტატუსი "შეიძინა" და ცოლ-ქმარი ბოლნისის იზოლატორში გადაიყვანეს.
ბოლნისის რაიონულმა სასამართლომ ცინდელიანებს აღმკვეთ ღონისძიებად გირაოს სახით 6 ათასი ლარი შეუფარდა. ცინდელიანების ოჯახში 6 ათასი ლარის შეგროვება გაუჭირდათ. ტარას ცინდელიანი გლდანის მე-7 საპყრობილეში, ლუბა ცინდელიანი კი - რუსთავში, ქალთა კოლონიაში გადაიყვანეს. შვილებმა ასაკოვანი მშობლების დასახსნელად ბანკიდან კრედიტი აიღეს. მოხუცები პენსიით კრედიტს ფარავენ, თუმცა ეს არ კმარა და მათ შვილები ეხმარებიან.
ლამუნა ირემაშვილი
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები კიევიდან - რუსებმა ქალაქს დრონებით და რაკეტებით დაარტყეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
