ერთი თვეა, რაც "პა­ლიტ­რა TV"-სა და რა­დიო "პა­ლიტ­რის" ეთერ­ში HARD TALK ფორ­მა­ტის გა­და­ცე­მა, "ემას შოუ" გა­დის. ყო­ველ შა­ბათს, 19:30 სა­ათ­ზე ჟურ­ნა­ლის­ტი ემა ტუ­ხი­აშ­ვი­ლი ხე­ლი­სუფ­ლე­ბის მა­ღა­ლი თა­ნამ­დე­ბო­ბის პირ­სა თუ სხვა ცნო­ბილ ადა­მი­ანს სა­ზო­გა­დო­ე­ბის­თვის სა­ინ­ტე­რე­სო, აქ­ტუ­ა­ლურ შე­კი­თხვებს უს­ვამს. ტე­ლე­კა­მე­რის წინ პი­რის­პირ შეხ­ვედ­რი­სას, წამ­ყვა­ნი და რეს­პონ­დენ­ტი რო­გორც მიმ­დი­ნა­რე პრო­ცე­სებს, ასე­ვე ახლო წარ­სულ­ში მომ­ხდარ მოვ­ლე­ნებ­სა და კუ­ლუ­ა­რულ ამ­ბებს გა­ნი­ხი­ლა­ვენ. ერთ-ერთი გა­და­ცე­მის ჩა­წე­რი­სას კი გა­და­ცე­მის ფორ­მა­ტი მო­უ­ლოდ­ნე­ლად და­ირ­ღვა: მწვა­ვე და მის­თვის მო­უ­ხერ­ხე­ბე­ლი შე­კი­თხვე­ბით გან­რის­ხე­ბულ­მა ბიზ­ნეს­მენ­მა და ყო­ფილ­მა მა­ღალ­ჩი­ნო­სან­მა კახა ბენ­დუ­ქი­ძემ მიკრო­ფო­ნი მო­იგ­ლი­ჯა და კად­რი­დან გა­ვარ­და. მოვ­ლე­ნას ცო­ტა­თი წინ გა­ვუს­წა­რით და გა­და­ცე­მის ეთერ­ში გას­ვლამ­დე წამ­ყვანს ვთხო­ვეთ, ამ სკან­და­ლუ­რი ჩა­წე­რის შე­სა­ხებ ჩვე­ნი მკი­თხვე­ლის­თვის მო­ე­თხრო.

ემა ტუ­ხი­აშ­ვი­ლი, "ემას შოუს" წამ­ყვა­ნი:

- სა­ი­დუმ­ლო არა­ვის­თვი­საა, რომ კახა ბენ­დუ­ქი­ძე ზო­გა­დად, სკან­და­ლუ­რი ფი­გუ­რა, სა­ინ­ტე­რე­სო რეს­პონ­დენ­ტია. ამ­დე­ნი წე­ლია, პრე­სა­ში ვმუ­შა­ობ და მას­თან ინ­ტერ­ვიუ არას­დროს ჩა­მი­წე­რია... რეს­პონ­დენ­ტთან შეხ­ვედ­რი­სას, ყო­ველ­თვის ვცდი­ლობ, ისე­თი შე­კი­თხვე­ბი დავ­სვა, რომ­ლე­ბიც ნე­ბის­მი­ერ მკი­თხველ­სა თუ მა­ყუ­რე­ბელს შე­იძ­ლე­ბა აინ­ტე­რე­სებ­დეს. თი­თო­ე­ულ გა­და­ცე­მა­ზე მუ­შა­ო­ბა ხან­გრძლი­ვი პრო­ცე­სია, სა­ფუძ­ვლი­ან მომ­ზა­დე­ბას მო­ი­თხოვს. ამ დროს ბევრ ინ­ფორ­მა­ცი­ას ვეც­ნო­ბი ხოლ­მე და ვი­ნა­ი­დან ბენ­დუ­ქი­ძეს­თან მივ­დი­ო­დი, კი­დევ უფრო მე­ტად მო­ვემ­ზა­დე. ინ­ტერ­ვი­უ­ზე, რა თქმა უნდა, წი­ნას­წარ შევ­თან­ხმდით. შეხ­ვედ­რის ად­გი­ლად, "თა­ვი­სუ­ფა­ლი უნი­ვერ­სი­ტე­ტი" დავთქვით... ჩემი პირ­ვე­ლი შე­კი­თხვა ეკო­ნო­მი­კურ მაჩ­ვე­ნებ­ლებს შე­ე­ხე­ბო­და. აღ­ვნიშ­ნე, რომ ბიზ­ნესს პო­ლი­ტი­კუ­რი წნე­ხი მო­ეხ­სნა და რომ "ქარ­თულ ოც­ნე­ბა­სა" და "ნა­ცი­ო­ნა­ლურ მოძ­რა­ო­ბას" ამ სფე­რო­სად­მი გან­სხვა­ვე­ბუ­ლი მიდ­გო­მე­ბი აქვთ. ამას პირ­და­პირ მოჰ­ყვა ბენ­დუ­ქი­ძის აღ­შფო­თე­ბა და კონ­ტრკი­თხვა, - სტა­ტის­ტი­კუ­რი მო­ნა­ცე­მე­ბი გა­მოქ­ვეყ­ნდა და რა­ტომ არ იცით ამის შე­სა­ხე­ბო?! ჩემი ხან­გრძლი­ვი საქ­მი­ა­ნო­ბი­სას, ბიზ­ნეს­თან უშუ­ა­ლო შე­ხე­ბა მაქვს და სტა­ტის­ტი­კუ­რი მო­ნა­ცე­მე­ბი ნამ­დვი­ლად არ მჭირ­დე­ბა, რად­გან თა­ვად ბიზ­ნეს­მე­ნე­ბის­გან ისე­დაც ვიცი, რომ თით­ქმის ყვე­ლა სფე­რო­ში გარ­კვე­უ­ლი უძ­რა­ო­ბა შე­ი­ნიშ­ნე­ბა; ამ შემ­თხვე­ვა­ში თქვე­ნი აზრი მა­ინ­ტე­რე­სებს, - ბიზ­ნეს­ში სტაგ­ნა­ცია ხე­ლი­სუფ­ლე­ბის ცვლი­ლე­ბამ გა­მო­იწ­ვია-მეთ­ქი? - ასე და­გე­წყოო, - თქვა და ამის შემ­დეგ მი­პა­სუ­ხა შე­კი­თხვა­ზე, რომ­ლის დას­რუ­ლე­ბაც არ მა­ცა­და...

- შთა­ბეჭ­დი­ლე­ბა რჩე­ბა, რომ ბენ­დუ­ქი­ძე ყო­ველ­თვის მიზ­ნად ისა­ხავს ჟურ­ნა­ლის­ტის დაკ­ნი­ნე­ბას, უვი­ცო­ბა­ში მის მხი­ლე­ბას... შე­საძ­ლოა, ესა თუ ის შე­კი­თხვა იმ­დე­ნად არც აღი­ზი­ა­ნებს, მაგ­რამ მთა­ვა­რია, "შოუ" დად­გას.

- არ ვიცი, იმ მო­მენ­ტში რას გრძნობს ბენ­დუ­ქი­ძე, მაგ­რამ მარ­თლაც ფაქ­ტია, რომ ეს ჩვე­ნი კო­ლე­გე­ბის მი­მართ არა­ერ­თხელ გა­უ­კე­თე­ბია, - ინგა გრი­გო­ლი­ას და დი­ა­ნა ტრა­პა­ი­ძის მა­გა­ლი­თე­ბი ყვე­ლას გვახ­სოვს. რო­გორც ჩანს, ბენ­დუ­ქი­ძის "სტი­ლია", შე­ე­ცა­დოს დათ­რგუ­ნოს ჟურ­ნა­ლის­ტი და ისე წა­იყ­ვა­ნოს საქ­მე, რომ არა­კომ­პე­ტენ­ტუ­რად გა­მო­იყ­ვა­ნოს. შთა­ბეჭ­დი­ლე­ბა დამ­რჩა, რომ იმ­დე­ნა­დაა შე­სუ­ლი პე­და­გო­გის როლ­ში, რომ ყვე­ლას, ასა­კი­სა და გა­მოც­დი­ლე­ბის მი­უ­ხე­და­ვად, ჭკუ­ას არი­გებს. ბუ­ნებ­რი­ვია, ბიზ­ნეს­სა და ეკო­ნო­მი­კა­ში მისი დო­ნის კომ­პე­ტენ­ცი­ას არ და­ვი­ჩე­მებ, მაგ­რამ საკ­მა­რი­სად კარ­გად ვარ ინ­ფორ­მი­რე­ბუ­ლი იმ სა­კი­თხებ­ში, რომ­ლე­ბიც დღეს­დღე­ო­ბით ყვე­ლა­ზე აქ­ტუ­ა­ლუ­რია და სრუ­ლი უფ­ლე­ბა მაქვს, დავ­სვა ნე­ბის­მი­ე­რი შე­კი­თხვა, რო­მე­ლიც სა­ზო­გა­დო­ე­ბას აინ­ტე­რე­სებს.

- ამ პირ­ვე­ლი შე­კი­თხვის შემ­დეგ რო­გორ გან­ვი­თარ­და მოვ­ლე­ნე­ბი?

- რამ­დე­ნი­მე შე­კი­თხვა და­ვუს­ვი ხე­ლი­სუფ­ლე­ბის რე­ფორ­მებ­თან და­კავ­ში­რე­ბით. ყვე­ლას უპა­სუ­ხა და საკ­მა­ოდ სა­ინ­ტე­რე­სო­დაც. რა თქმა უნდა, შე­კი­თხვე­ბი წი­ნას­წარ და­გეგ­მი­ლი და ჩა­მო­წე­რი­ლი არ მქონ­და, რად­გან სა­უბ­რი­სას ეს ყო­ველ­თვის შე­სამ­ჩნე­ვია და ვცდი­ლობ, ფორ­მუ­ლი­რე­ბა სი­ტუ­ა­ცი­ის შე­სა­ბა­მი­სად ჩა­მო­ვა­ყა­ლი­ბო ხოლ­მე. რეს­პონ­დენტს ად­რე­ვე შე­ვა­ტყვე - რომ იტყვი­ან, "გაქ­ცე­ვა­ზე იყო": აშ­კა­რად დის­კომ­ფორ­ტს გრძნობ­და, ამი­ტომ მაქ­სი­მა­ლუ­რად ვცდი­ლობ­დი, შე­კი­თხვის ფორ­მუ­ლი­რე­ბით, მის­თვის გაქ­ცე­ვის სა­ბა­ბი არ მი­მე­ცა... მახ­სოვს, ერთ-ერთ ინ­ტერ­ვი­უ­ში ბენ­დუ­ქი­ძემ აღ­ნიშ­ნა, რომ აღი­ა­რებს წინა ხე­ლი­სუფ­ლე­ბის შეც­დო­მებს და ამა­ზე აუ­ცი­ლებ­ლად და­წერს ათას­გვერ­დი­ან წიგნს; ვთხო­ვე, - იმ ათა­სი­დან ერთი გვერ­დის ში­ნა­არ­სი მა­ინც გაგ­ვიმ­ხი­ლეთ-მეთ­ქი... მი­პა­სუ­ხა, - რომ დავ­წერ, მერე წა­ი­კი­თხეო... ერთი სი­ტყვით, აშ­კა­რა იყო, რომ არ უნ­დო­და წინა ხე­ლი­სუფ­ლე­ბის კრი­ტი­კა და როცა შე­ვახ­სე­ნე, რომ იმ დროს ბევ­რი ფი­ზი­კუ­რი და იუ­რი­დი­უ­ლი პირი სა­კუ­თარ ქო­ნე­ბას "ნე­ბა­ყოფ­ლო­ბით", "უსას­ყიდ­ლოდ გა­დას­ცემ­და" მთავ­რო­ბას, მისი პა­სუ­ხი იყო, რომ ჩემი "შე­კი­თხვა არის სი­სუ­ლე­ლე". ისიც შე­ვახ­სე­ნე, რომ ჩი­ნოვ­ნი­კე­ბი თა­ნამ­დე­ბო­ბე­ბი­დან პირ­და­პირ ბიზ­ნეს­ში გა­და­დი­ოდ­ნენ, უცა­ბე­დად მდიდ­რდე­ბოდ­ნენ და ერთ-ერთ მა­გა­ლი­თად, და­ვით კე­ზე­რაშ­ვი­ლი მო­ვიყ­ვა­ნე, რომ­ლის ბიზ­ნეს­საქ­მი­ა­ნო­ბა რამ­დე­ნი­მე ასე­ულ მი­ლი­ონს უკავ­შირ­დე­ბა. ბა­ტო­ნი კახა ძა­ლი­ან გა­ცხარ­და: - სად ინა­ხავს კე­ზე­რაშ­ვი­ლი ამ ფულ­სო? - ოფ­შო­რებ­ში-მეთ­ქი, - ვუ­პა­სუ­ხე (იცი­ნის). უცენ­ზუ­რო სი­ტყვე­ბი ჩემს კი­თხვებ­სა და თე­მებ­თან და­კავ­ში­რე­ბით მა­ნამ­დეც არა­ერ­თხელ გა­მო­ი­ყე­ნა, მაგ­რამ ამის შემ­დეგ კი­დევ უფრო გა­ცხარ­და... ვცდი­ლობ­დი, მაქ­სი­მა­ლუ­რად თავ­შე­კა­ვე­ბუ­ლი ვყო­ფი­ლი­ყა­ვი და ამა­ში "პა­ლიტ­რა TV"-ის მა­ყუ­რე­ბე­ლი თა­ვად დარ­წმუნ­დე­ბა 11 მა­ისს, როცა გა­და­ცე­მას ნა­ხავს. მი­უ­ხე­და­ვად ამი­სა, ინ­ტერ­ვი­უს ჩა­წე­რის მე-40 წუთ­ზე უეც­რად, კახა ბენ­დუ­ქი­ძემ გულ­მკერ­დზე და­მაგ­რე­ბუ­ლი მიკრო­ფო­ნი მო­იგ­ლი­ჯა და უცენ­ზუ­რო სი­ტყვა ის­რო­ლა, - ასეთ ... გა­და­ცე­მა­ში მო­ნა­წი­ლე­ო­ბა აღარ მინ­დაო!.. რა ვუ­პა­სუ­ხე, რამ შე­აც­ბუ­ნა ბენ­დუ­ქი­ძე, რა­ტომ შე­მომ­ხე­და გა­ო­ცე­ბულ­მა, - ყვე­ლა­ფერ ამას მა­ყუ­რე­ბე­ლი შა­ბათს, 11 მა­ისს იხი­ლავს.

- და მა­ინც, მოკ­ლედ რო­გორ და­ა­ხა­სი­ა­თებ მას, რო­გორც რეს­პონ­დენტს?

- მას შემ­დეგ, სულ ვფიქ­რობ ამ გა­და­ცე­მა­ზე და ბენ­დუ­ქი­ძე­ზე, რო­გორც რეს­პონ­დენ­ტის, რა­ღაც გან­სხვა­ვე­ბულ ფე­ნო­მენ­ზე. მო­გეხ­სე­ნე­ბა, არ­სე­ბო­ბენ: ყვე­ლა­ზე უც­ნა­უ­რი, ყვე­ლა­ზე სი­ტყვა­ძუნ­წი ან ენა­წყლი­ა­ნი რეს­პონ­დენ­ტე­ბი, მაგ­რამ ეს რა­ღაც, სხვა ფე­ნო­მე­ნია. როცა ბენ­დუ­ქი­ძის ქცე­ვა გა­ვა­ა­ნა­ლი­ზე, მი­ვე­დი დას­კვნამ­დე - ის ნამ­დვი­ლად მიხ­ვდა, თუ რა იქ­ნე­ბო­და შემ­დე­გი შე­კი­თხვა და ასე იმი­ტო­მაც მო­იქ­ცა: კერ­ძოდ, ლო­გი­კუ­რი იყო, მე­კი­თხა, თუ რო­გორ ჩა­იგ­დო მან ას მი­ლი­ო­ნად შე­ფა­სე­ბუ­ლი აგ­რა­რუ­ლი უნი­ვერ­სი­ტე­ტის ქო­ნე­ბა მხო­ლოდ 4 მი­ლი­ონ დო­ლა­რად. პა­სუ­ხი წი­ნას­წარ ვი­ცო­დი, რი­თაც ის ჩემს კო­ლე­გებს იცი­ლებს ხოლ­მე თა­ვი­დან, - რომ თურ­მე ინ­ვეს­ტი­ცი­ე­ბის გან­ხორ­ცი­ე­ლე­ბის ვალ­დე­ბუ­ლე­ბა ჰქონ­და ნა­კის­რი და, რა თქმა უნდა, შე­ვე­კი­თხე­ბო­დი - რა მო­ცუ­ლო­ბის ინ­ვეს­ტი­ცია გა­ნა­ხორ­ცი­ე­ლა და რით "გა­და­ფა­რა" ეს ასი მი­ლი­ო­ნი?..

- რა კი­თხვე­ბი დარ­ჩა პა­სუ­ხგა­უ­ცე­მე­ლი?

- აუ­ცი­ლებ­ლად მინ­დო­და მე­კი­თხა, ამ 9 წლის გან­მავ­ლო­ბა­ში, მას შემ­დეგ, რაც ბიზ­ნე­სი­დან ხე­ლი­სუფ­ლე­ბა­ში მო­ვი­და, შემ­ცირ­და თუ გა­ი­ზარ­და მისი ქო­ნე­ბა; დღე­ვან­დე­ლი გა­და­სა­ხე­დი­დან, ხომ არ ნა­ნობ­და, რომ "ნა­ცი­ო­ნა­ლუ­რი მოძ­რა­ო­ბის" გუნდში ერთ-ერთი საკ­ვან­ძო ფი­გუ­რა იყო, რო­გორც ეკო­ნო­მი­კის მი­ნის­ტრის, ასე­ვე კან­ცე­ლა­რი­ის ხელ­მძღვა­ნე­ლის პოსტზე, და ზუ­რაბ ჟვა­ნია რომ არა, რო­მელ­მაც ის ეკო­ნო­მი­კის მი­ნის­ტრად წა­რად­გი­ნა, ჩა­მო­ვი­დო­და თუ არა სა­ქარ­თვე­ლო­ში. მაგ­რამ ამ შე­კი­თხვე­ბის დას­მის სა­შუ­ა­ლე­ბა აღარ მო­მე­ცა. სხვა­თა შო­რის, ბი­ძი­ნა ივა­ნიშ­ვი­ლი­სად­მი მისი და­მო­კი­დე­ბუ­ლე­ბი­თაც და­ვინ­ტე­რეს­დი, რის პა­სუ­ხა­დაც პრე­მი­ე­რი შე­ა­ქო, რო­გორც ბიზ­ნეს­მე­ნი... გა­და­ცე­მი­დან შე­ი­ტყობთ, თუ რამ­დე­ნი ხნით უწი­ნას­წარ­მე­ტყვე­ლებს ბენ­დუ­ქი­ძე "ქარ­თულ ოც­ნე­ბას" ხე­ლი­სუფ­ლე­ბა­ში დარ­ჩე­ნას, ვინ მი­აჩ­ნია "დე ფაქ­ტო ვიცე-პრე­მი­ე­რად"...

ბევ­რი კი­თხვა მა­ინც პა­სუ­ხგა­უ­ცე­მე­ლი დამ­რჩა, რად­გან კახა ბენ­დუ­ქი­ძე "გაგ­ვექ­ცა"... სხვა­თა შო­რის, რო­გორც კი ადგა და კად­რი­დან გა­ვი­და, მი­თხრა, - ეს გა­და­ცე­მა ეთერ­ში არ გა­უშ­ვა, თო­რემ გი­ჩივ­ლე­ბო, რაც სრუ­ლი აბ­სურ­დია.... ჩვე­ნი სა­უ­ბა­რი კადრს მიღ­მაც იწე­რე­ბო­და და მა­ყუ­რე­ბე­ლი ალ­ბათ მის ნა­წილ­საც იხი­ლავს... სა­ერ­თო ჯამ­ში, ათზე მეტი შე­კი­თხვა და­ვუს­ვი და სულ ვუ­მე­ო­რებ­დი, თუ არ მოგ­წონთ, ნუ მპა­სუ­ხობთ-მეთ­ქი. ის კი მა­ინც უცენ­ზუ­რო სი­ტყვებს იყე­ნებ­და. მი­თხრა, რომ ყვე­ლა ჟურ­ნა­ლის­ტმა იცის მისი ხა­სი­ა­თი, ამი­ტომ თურ­მე მათ­თან წი­ნას­წარ "მო­თელ­ვას" გა­დის ხოლ­მე: ბა­ტო­ნი კახა რამ­დე­ნი­მე­ჯერ ხვდე­ბა, ნა­ხე­ვა­რი სა­ა­თის გან­მავ­ლო­ბა­ში "ამე­ცა­დი­ნებს" და ინ­ტერ­ვი­უს ჩა­წე­რის უფ­ლე­ბას ამის შემ­დეგ აძ­ლევს, წარ­მო­გიდ­გე­ნია?.. მე არ ვარ მიჩ­ვე­უ­ლი რეს­პონ­დენ­ტის­გან "გაკ­ვე­თი­ლე­ბის" მი­ღე­ბას და ეს ჩემ­თვის ყოვ­ლად მი­უ­ღე­ბე­ლია. მსგავ­სი "ინ­სტრუქ­ტა­ჟი" გა­და­ცე­მი­დან ერთი დღის შემ­დეგ მეც შე­მომ­თა­ვა­ზა, რა­ზეც, რა თქმა უნდა, უარი მი­ი­ღო.

- რო­გორ ფიქ­რობ - რო­დე­საც გა­და­ცე­მა ეთერ­ში გავა, რა რე­აქ­ცია ექ­ნე­ბა ბენ­დუ­ქი­ძეს?

- მგო­ნი, ძნე­ლი გა­მო­საც­ნო­ბი არ უნდა იყოს, - უცენ­ზუ­რო სი­ტყვებს გა­მო­ი­ყე­ნებს, რო­მე­ლიც მის ლექ­სი­კა­ში მრავ­ლა­დაა და ეს უკვე მის­გან აღა­რა­ვის უკ­ვირს (იცი­ნის)...

- და­ბო­ლოს, ჩა­მო­ა­ყა­ლი­ბე - რით არის გა­მორ­ჩე­უ­ლი "ემას შოუ"?

- მისი გა­მორ­ჩე­უ­ლო­ბა ის არის, რომ ყო­ველ­თვის შე­იძ­ლე­ბა, მა­ყუ­რე­ბელს გარ­კვე­უ­ლი სი­ურპრი­ზე­ბიც შევ­თა­ვა­ზოთ: მა­გა­ლი­თად, თუ მოწ­ვე­ულ რეს­პონ­დენტზე გარ­კვე­უ­ლი კომ­პრო­მა­ტი არ­სე­ბობს, შე­საძ­ლოა, პირ­და­პირ გა­და­ცე­მის მსვლე­ლო­ბი­სას გა­მო­ვა­ჩი­ნოთ და პა­სუ­ხის გა­ცე­მა ვთხო­ვოთ... არ არ­სე­ბობს შე­კი­თხვა, რო­მელ­საც "შე­ვი­ნა­ხავ" და რეს­პონ­დენტს არ და­ვუს­ვამ. გა­და­ცე­მა­ში რეს­პონ­დენ­ტის სა­პი­რის­პი­რო ანუ მე­ო­რე პო­ზი­ცია, გან­სხვა­ვე­ბუ­ლი აზრი არ არის წარ­მოდ­გე­ნი­ლი, ამი­ტომ ყვე­ლა შე­კი­თხვა და მო­საზ­რე­ბა, რო­მე­ლიც ამა თუ იმ სა­კი­თხის გამო შე­იძ­ლე­ბა არ­სე­ბობ­დეს, მე უნდა გა­მო­ვი­ტა­ნო. ჩემი პირ­ვე­ლი სტუ­მა­რი - ენერ­გე­ტი­კის მი­ნის­ტრი კახი კა­ლა­ძე გახ­ლდათ და კარ­გი გა­და­ცე­მა გა­მო­ვი­და; ყვე­ლა კი­თხვა­ზე მი­პა­სუ­ხა, რაც ძა­ლი­ან მო­მე­წო­ნა. შე­იძ­ლე­ბა, პა­სუ­ხე­ბი ყვე­ლას­თვის და­მაკ­მა­ყო­ფი­ლე­ბე­ლი არ იყოს, მაგ­რამ რო­დე­საც რეს­პონ­დენ­ტი შე­კი­თხვებს თავს არ არი­დებს, ჟურ­ნა­ლის­ტის­თვის ძა­ლი­ან მნიშ­ვნე­ლო­ვა­ნია და მა­ყუ­რე­ბელ­საც რეს­პონ­დენ­ტის მი­მართ და­დე­ბი­თად გა­ნა­წყობს, რაც ზოგს არ ეს­მის... შე­ვე­ცა­დე, მე­ო­რე გა­და­ცე­მის სტუ­მა­რი გან­სხვა­ვე­ბუ­ლი პო­ზი­ცი­ის მქო­ნე ადა­მი­ა­ნი ყო­ფი­ლი­ყო და და­ვით დარ­ჩი­აშ­ვი­ლი მო­ვიწ­ვიე.

მა­ნაც ყვე­ლა კი­თხვას უპა­სუ­ხა, მი­უ­ხე­და­ვად იმი­სა, რომ შე­კი­თხვებ­ში კრი­ტი­კუ­ლი და­მო­კი­დე­ბუ­ლე­ბა შე­ი­ნიშ­ნე­ბო­და. ბო­ლოს, გა­ლა­კტი­ო­ნის ლექ­სიც წა­მი­კი­თხა, რო­მე­ლიც "ემას ეძღვნე­ბა" (იცი­ნის)... მე­სა­მე სტუ­მა­რი - გა­ნათ­ლე­ბი­სა და მეც­ნი­ე­რე­ბის მი­ნის­ტრი, გი­ორ­გი მარ­გვე­ლაშ­ვი­ლი გახ­ლდათ. ძა­ლი­ან ენერ­გი­უ­ლი ადა­მი­ა­ნი და სა­ინ­ტე­რე­სო რეს­პონ­დენ­ტია, თუმ­ცა, როცა სა­წი­ნა­აღ­მდე­გო შე­ხე­დუ­ლე­ბის დაც­ვას ვცდი­ლობ­დი, ცოტა გაბ­რა­ზე­ბა შე­ვა­ტყვე: ეს სა­ხელ­მძღვა­ნე­ლო­ებ­თან და­კავ­ში­რე­ბით, გა­მომ­ცემ­ლო­ბე­ბის ინ­ტე­რესს შე­ე­ხე­ბო­და. სა­ბო­ლო­ოდ კი ყვე­ლა­ფე­რი მშვი­დო­ბი­ა­ნად დამ­თავ­რდა და გა­და­ცე­მის ბო­ლოს - "ემა ლი­ბე­რალ­კა" შე­მარ­ქვა (იცი­ნის)... აი, კახა ბენ­დუ­ქი­ძემ კი გა­და­ცე­მის ჩაშ­ლა და­მი­პი­რა და "გაკ­ვე­თი­ლის" ჩა­ტა­რე­ბაც შე­მომ­თა­ვა­ზა, რაც ჩემ­თვის, ვი­მე­ო­რებ, მი­უ­ღე­ბე­ლია. იმე­დია, 11 მა­ისს, როცა "პა­ლიტ­რა TV"-ის ეთერ­ში "ემას შოუ" გავა, მა­ყუ­რე­ბე­ლი ჩემს პო­ზი­ცი­ას გა­ი­ზი­ა­რებს და და­მე­თან­ხმე­ბა, რომ კახა ბენ­დუ­ქი­ძის ქცე­ვას არა­ნა­ი­რი გა­მარ­თლე­ბა არა აქვს.

თამ­თა და­დე­შე­ლი

ჟურ­ნა­ლი "გზა"

(გა­მო­დის ხუთ­შა­ბა­თო­ბით)

იხი­ლეთ ვი­დეო: "ყ...ობას რა­ტომ მე­კი­თხე­ბით?" - ბენ­დუ­ქი­ძის სკან­და­ლუ­რი ეთე­რი "ემას შო­უ­ში", 11 მა­ისს